الكمام ، البوش ، الولاده الطبيعيه

[قرة عيونه]

السلام عليكم ورحمة الله وبركاته

اولاً الله يسهل ويهون على كل الحوامل ويقومهم بالسلامه ي رب وتقر عيونهم بشوفة ضناهم

ويرزق كل اللي يتمنون الذريه الصالحه يارب عن قريب العاجل

ثانياً بدخل بالموضوع

انا بجريه توني بالشهر الرابع والحمدلله

بس حبيت استفسر عن شغله لان حيل قمت احاتي

انا اللي اعرفه ان وقت الولاده يحطون لنا كمام مايخلينا نحس بشيء !!

بس قريت موضوع هني بالمنتدى يتكلمون عن البوش وقت الولاده

فاللي بعرفه اذا حاطينلي كمام وجتني الطلقه ولازم اسوي بوش

رااح احسس بالم او عوار ؟؟

اذا بحس عيل شفايدة الخاص والكمام ؛ (

وصج تتعب حيل الولاده حتى لو بالخاص ؟

مع العلم اني ناويه اولد ان شاءالله بالعرف ومعروف عنهم ان كمامهم قوي

بانتظار تجاربكم بنات بليز فيدوني :eh_s(17):

 

[shak!shoka]

حزت البوش ماكو الم

مجرد ضغط كأنه عزج الله خروج يحتاج منج قوة دفع


بالعكس اصلا شووووووفي الراحه الي بعد البوش
سبحان الله احساس روعه


توكلي ع الله والسهالات منه سواء خاص و لا بالبيت !!


اذا خايفه حيل الله يعافي ابرة الظهر
بس هم بتحسين بضغط



الله يسهل عليج و يرزقج بالضنا الصالح

توكلي ع الله و لا تحاتين يقلبي

 

[shak!shoka]

وحطي فبالج الكمام تخدير بس مو ١٠٠%
ابرة الظهر تطلقين وانتي تسولفين و تضحكين هههه

لحد يقولج كمام قوي و كمام ضعيف

الكمام تخدير بس مووووو ١٠٠٪

وكل الم تحسين فيه بالولاده اجر و تخفيييف ذنوب وهاذي نعمه من الله تخلي الوحده تصبر و تتحمل

 

[قرة عيونه]

اذا ضغط بدون الم مقدور عليه ان شاء الله

وابرة الظهر مادري والله مافكرت فيها

دامها اول ولاده بجرب الكمام واذا حسيت بعوار وتعب باقي الولادات ان شاء الله يمكن اجرب ابرة الظهر

ومشكووره حبيبتي ع الفايده ريحتيني ♥

 

[مذهلة2013]

اكييد بالكمام تحسين بكل شيء
بس سبحان الله ابره الظهر ماكو نفسها والله رااااااااحه
انا اختي خذتها والله قاعدين وياها بغرفه التوليد الطبيعي وفي طلق بالجهاز وقوي وتسولف ويانا

 

[78MariMar78]

الله يسهل عليكي وعلى كل الحوامل

 

[سلاسل ذهبيه]

الله يسهل عليهم

 

[mrs.abk]

شوفي الكمام زين بس لا تطولين فيه .. من توصلين 7 سم ارفعيه .. وحزة البوش خلي حد يغسل ويهج بماي بااااااارد وراسج لأنه يبنج ..

والبوش محتاج انج تكونين بحيلج .. يعني الكمام بيخليج ما تحسين بالبوش .. لا تغلطين غلطتي ما رمت أسوي البوش ,. تميت نص ساعة مع ان البوش يباله 5 دقايق !!

والله اكرمني يات اختي غسلت ويهي ورشتني بماي وبسرعة زفرت ونزلت النونو الجميلة

 

[لما ضاقت]

الكمام ما يخدر لي هالدرجة و الولادة مؤلمة بس مو مثل ما أنتي متخيلة بالنسبة لي عندي خوف من المستشفيات و ما اروح الا واصلة حدي يعني اخلص ولادتي بالبيت اشرب دارسين اتمشى اتمدد كل شوي ادش الحمام و احط ماي جار على بطنيأبطنياحس اخذ راحتي طبعا عيالي أول ما أحس بالولادة اشحنهم عند اهلي و اقعد أنا وريلي تدرين احلى ذكرياتي مع ريلي بايام ولادتي جني طلعت بره الموضوع ههههههههه عموما لا تحاتين سهالات و تجربة حلوة اما ابرة الظهر فما تحسين بشي الا في مرحلة خروج الطفل اختي خذتهايوم يابت التوأم بس عن نفسب ما اقتنع بشي اسمه تخدير أحب الشي يكون طبيعي و الله المسهل

 

[درب الخير دربي]

السلام عليكم

الله يسهل علي وعليكم الحمل والولادة ويقومنا بالسلامة

بكرية وماعندي خلفية لكن حبيت استفيد
انا شفت مقطع ولادة حق زنجية حاطين على جبهتها كيس ثلج ويقطرون عليها مااي

وش فايدته ؟؟؟؟


والاخت mrs.abk

ماشاء الله كيف خليتي اختك تدخل معك ؟؟؟ يعني شافتك وانتي تولدين ؟؟؟

 

[قرة عيونه]

اكييد بالكمام تحسين بكل شيء
بس سبحان الله ابره الظهر ماكو نفسها والله رااااااااحه
انا اختي خذتها والله قاعدين وياها بغرفه التوليد الطبيعي وفي طلق بالجهاز وقوي وتسولف ويانا

والله شوقتووني لابرة الظهرر

بس بعرف دام الكمام احس بكل شي عيل شفايدته :eh_s(2):

 

[قرة عيونه]

مريمار وسلاسل ذهبيه تسلمون حبيباتي ع الدعوه

اميييين ي رب وع كل الحوامل

 

[قرة عيونه]

شوفي الكمام زين بس لا تطولين فيه .. من توصلين 7 سم ارفعيه .. وحزة البوش خلي حد يغسل ويهج بماي بااااااارد وراسج لأنه يبنج ..

والبوش محتاج انج تكونين بحيلج .. يعني الكمام بيخليج ما تحسين بالبوش .. لا تغلطين غلطتي ما رمت أسوي البوش ,. تميت نص ساعة مع ان البوش يباله 5 دقايق !!

والله اكرمني يات اختي غسلت ويهي ورشتني بماي وبسرعة زفرت ونزلت النونو الجميلة

والله الولاده شكلها مو هينه الله يعييين

وان شاء الله بحاول اسوي مثل ماقلتي والله يحفظلج النونو

 

[قرة عيونه]

الكمام ما يخدر لي هالدرجة و الولادة مؤلمة بس مو مثل ما أنتي متخيلة بالنسبة لي عندي خوف من المستشفيات و ما اروح الا واصلة حدي يعني اخلص ولادتي بالبيت اشرب دارسين اتمشى اتمدد كل شوي ادش الحمام و احط ماي جار على بطنيأبطنياحس اخذ راحتي طبعا عيالي أول ما أحس بالولادة اشحنهم عند اهلي و اقعد أنا وريلي تدرين احلى ذكرياتي مع ريلي بايام ولادتي جني طلعت بره الموضوع ههههههههه عموما لا تحاتين سهالات و تجربة حلوة اما ابرة الظهر فما تحسين بشي الا في مرحلة خروج الطفل اختي خذتهايوم يابت التوأم بس عن نفسب ما اقتنع بشي اسمه تخدير أحب الشي يكون طبيعي و الله المسهل

ههههههههه الله يخليلج ريلج وعيالج ي رب

اي انا ناويه من ادخل التاسع امشس واشرب دارسين واعشاب وان شاء الله تكون الولاده اسهل منن اللي متخيلته

نفسي للحين مو مقتنعه بابرة الظهر بس البنات شوقوني لها لي وقت الولاده نشوف شبيصير

 

[قرة عيونه]

درب الخير الله يسهل عليج ي رب

وان شاء الله تستفيدين من تجارب البنات

 

[مذهلة2013]

والله زينه ابره الظهر والله
والحين الكل ياخذها مو خطره والله راحه
الولاده مو هينه صدقيني مع انه مو مجربتها
بس سبحان الله يقولون الولاده نفس انكسار الضلع بالجسم
ف اخذيها وانتي مرتاحه لانه والله مالها مخاطر
بس استخيري احسن لج

 

[نبض السعاده]

الله يهوون عليج علينا

 

[Aloe Vera]

الولادة بالخاص مو عشان الوحدة ماتحس بالالم
ابرة الظهر تراها موجودة بالمستشفيات الحكومية
الخاص عشان النظافة و العناية
و انا والدة بخاص و مو ماخذة ولا قطرة مسكن و لا كمام و كانت احلى ولادة لاني حسيت بكللل شي

انتي لاتخافين الدكاترة و النيرسات اكيد عارفين شغلهم
و بالغالب يشيلون الكمام وقت البوش

 

[fofowa_q8]

انا استغرب من البنات اللي يقولون نحط كمام مانحس بشي!

الظاهر اهو كل مستشفى غير قوته انا يوم حطولي دخت

بس حزة البوش شالوه وكنت حاسه وواعيه وحسيت بكل شي

احساس مؤلم بس حلو ولاتحاتين كله بيصير ذكريات حلوة

 

[unknown1988]

الكمام مو مخدر .. المخدر يعطونج ابر بس هم تخفف من الالم ما توخره ..

ااكمام يخليج تضحكين تنامين .. يعني بوعيج و مو بوعيج بنفس الوقت . ..

عموما اكيد الولاده تعور بس اجرها كبير والدعاء بحزتها مستجااااااب .. وكافي تحسين بشي عظييييم

وبالنهايه كلها عوار جم ساعه و من تشوفين ضناج بتنسين .. والا جان الحريم ما احملوا وردوا اولدوا وردوا احملوا وردوا اولدوا


الله خلق المره و عطاها طاقه قوه تتحمل الم الولاده .. ماراح يكلف الله فوق طاقتج فتأكدي انج تقدرين تتحملين عوار الجم ساعه .

اذا الولاده طبيعيه ان شاءالله خلج لا تاخذين ابرة الظهر اما اذا قيصري لا سمح الله اخذيها ..

و لاتحاتين تو الناس ومثل ما قتلج الم الولاده بيهون عليج بعد ماتشوفين ضناج بحضنج ..