الكمام ، البوش ، الولاده الطبيعيه

[unknown1988]

في اشياء تسوينها بحزة الولاده اقصد الطلق ممكن تخفف العوار بس اذا استعسرتي بتستعسر الولاده شي اكيد ..

مثلا طريقة نفسج حزة الطلق .. لا تنسدحين خليج قاعده او تحركي عشان الجاذبيه تسحب البيبي لي تحت ..


اهم شي اهم شي الصراخ ..على كثر ما تصارخين تستهلكين طاقة البوش و التحمل اللي عندج فتحسين بعوار زياده وممكن تكون ولاده مستعسره ..

 

[شيخه كويتية]

انا جربت ابره الظهر

حسيت بالطلق قبل الابره بس خذيتها جني ما قاعد اولد
امي تبجي خايفه وانا عادي اقولها شفيج شصاير هههههه
بس حسيت بضغط بطلعت الراس وساعدتهم بالبوش



تجربتي حلوه


بهالحمله باذن الله بجرب الكمام وطبيعي
والله يسهل يارب

 

[قرة عيونه]

مشكووورين بنات ع الفايده

انا قررت هالمره اجرب الولاده الطبيعيه لان اول مره والله يسهلها علي

والمره الجايه ان شااء الله اجرب ابرة الظهر

 

[shak!shoka]

عفيا عليج ولا تخافين صدقيني شعور حلو
بتحسين بالم بس تقدرين عليه و احساسه عجيب سبحان الله

الاجانب عندهم الولاده تجربه عظيمه وكل العايله تحضر لها و يستعدون لها

واحنا احسن منهم
نعرف الالم هذا معاه اجر عظيييييم و دعاء مستجاب

الله يسهل عليج يارب و يفرحج بالبيبي و تقولين قصتج و تكون احلا قصه

 

[قرة عيونه]

ان شاااء الله يارب

واكيد بكتبلكم قصتي ان شاء الله بالتفصيل اصلا ناطره اولد عشان اكتبها لوول

ومشكوره حبيبتي ع التشجيع صج رفعتي معنوياتي

الله يخليلج عيالج ويبلغج فيهم ♥♥♥

 

[om_saleem]

انا ما انصحج بابرة الظهر لصحتج بالمستقبل .. لان فيها مضاعفات تالي .. والم الولاده فتره وتعدي والله كثر ما تحطين فبالج ان ربج موجود واهو الي بيحفظج وفي ملائكه يكتبون لج حسنات واجر على كل الم راح ترتاحين .. ولدي الاول دشيت غرفة الولاده الساعه 6 المغرب ومع سوالفهم الحقن وتركيب الدرب وهالخرابيط ولدت الساعه 9 وكنت اتدلع لان بجر وريلي داش معاي واعترف كنت اتدلع .. اما على ولدي الثاني دشيت بروحي وكنت عارفه الالم وكل شي وقلت كلها فتره وتعدي وهالفتره بايدي يا اخليها 5 دقايق او اخليها يوم كامل .. والله وماجذب عليج دشيت 12 ونص وحده و11 دقيقه والده .. وللعلم عيالي اثنينهم طفت شهري بسبوع والياهل فوق ورحمي مفتوح بس 3 سم وماكو طلق نهائيا بس من يبطون الجيس وانا اساعدهم وكل ما اتيي الطلقه ما اصرخ اضغط اسوي بوش وسبحان الله ربي لك الحمد والشكر ولادتي باسهل ما يكون لان مافيني الخوف وكنت اذكر الله وماكنت اصرخ ولا اعاند .. الكمام اينن يخليج تهلوسين ينسيج الالم فتره بس من اتييج الطلقه اهم يسكرونه واهم عارفين كل شي من الجهاز الي عليج .. نصيحتي لج لا تحاتين ولا تفكرين بشي الا ان الياهل تولدينه بالسلامه وتفرحين بشوفته وفوق كل هذا لج اجر وحسنات من رب العالمين .. الله يسهل عليج وعلي يارب ونولد بالف سلامه

 

[قرة عيونه]

ماشاء الله الله يخليلج عيالج وصج نفس ماقلتي اهم شي الثقه بربي

والله يسهلج باقي ولاداتج ويسهل علي وع كل الحوامل

بس ليش ابرة الظهر تاثر بالمستقبل !!

 

[rose red]

الكمام مخدر بس مو لدرجه انج ما تحسين بشي و وقت البوش بتحسين بضغط جنه فيج امساك ماراح تحسين بالم .. انتي بالرابع تو الناس على التفكير بالولاده .. لا تحاتين و السهاله من الله سبحانه

 

[طيبة83]

انصحج بالكمام يخليج دايخه وينومج

اما ابره الظهر تخدر الجسم بس لها اعراض جانبيه ولو صار خطا طبي تسبب شلل لا سمح الله

 

[unknown1988]

قرة عيونه خوش قرار ..

عيشي التجربه كامله والله يسهلها عليج ..

بنت خالي تقول انا بالغت وايد بالعوار والصراخ تقول اعترف اني بالغت تقول كنت اقدر اتحمل بس انا استعسرت


و استعسرت ولادتها و ولدوها قيصري بالاخير ..

فحلو الاعتراف منها انها بالغت بس حسافه ان بحزتها مافكرت تمسك نفسها و تسهل علئ روحها ..

و وايد بنات يبالغون بالصراخ .. اهو يعور اكيد مع اني بجر بس حاطه ابالي ان يعور


هيإي نفسج حق الالم و انج بتتحملين والله يقدرج ان شاءالله

 

[*غلااااااااااااااااااااي*]

توكلي على الله والسهاله من الله

والله يهوون علينا ان شاءالله

ويثبت بيبياتنا ويقر عيونا فيهم

 

[قرة عيونه]

مشكورين حبايبي ع الردود ♥♥

 

[mrs.abk]

السلام عليكم

الله يسهل علي وعليكم الحمل والولادة ويقومنا بالسلامة

بكرية وماعندي خلفية لكن حبيت استفيد
انا شفت مقطع ولادة حق زنجية حاطين على جبهتها كيس ثلج ويقطرون عليها مااي

وش فايدته ؟؟؟؟


والاخت mrs.abk

ماشاء الله كيف خليتي اختك تدخل معك ؟؟؟ يعني شافتك وانتي تولدين ؟؟؟

والله دخلت .. اقتحمت الغرفة وانتي الصادقة .. عيل الرحم مفتوح وانانا نص ساعة موب قادرة أسوي البوش ويخافون البيبي يرجع ورا .. دشت الغرفة عرض وهزأتني بعد :eh_s(2):


وشافت البلاوي :krkrkr:

 

[mrs.abk]

والله الولاده شكلها مو هينه الله يعييين

وان شاء الله بحاول اسوي مثل ماقلتي والله يحفظلج النونو

والله موب هينه لكن احساسها جميل تستحق التعب

 

[mrs.abk]

قرة عيونه خوش قرار ..

عيشي التجربه كامله والله يسهلها عليج ..

بنت خالي تقول انا بالغت وايد بالعوار والصراخ تقول اعترف اني بالغت تقول كنت اقدر اتحمل بس انا استعسرت


و استعسرت ولادتها و ولدوها قيصري بالاخير ..

فحلو الاعتراف منها انها بالغت بس حسافه ان بحزتها مافكرت تمسك نفسها و تسهل علئ روحها ..

و وايد بنات يبالغون بالصراخ .. اهو يعور اكيد مع اني بجر بس حاطه ابالي ان يعور


هيإي نفسج حق الالم و انج بتتحملين والله يقدرج ان شاءالله

أنا كنت معاهدة نفسي إن صوتي ما ينسمع

واللهم لك الحمد ما طلع لي حس .. ولدت بهدوء تام .. بس كنت اتلوى ع السرير لا ومن يروح الطلق اسولف :d

 

[فرآولة]

بخصوص الكمام !!!

انا ماعرفتله

احطه واحذفه عالممرضه !! اقولها مايسوي شي

ماعرف ليش ما اثر فيني كللللش

اناديهم اقولهم مايسوي شي .. مع ان اجوف اختي تدوخ لما تاخذه

صج استغربت

بس اتوقع لاني كنت مريضة فماستنشقته عدل

 

[جـــواهر]

حزت البوش ماكو الم

مجرد ضغط كأنه عزج الله خروج يحتاج منج قوة دفع


بالعكس اصلا شووووووفي الراحه الي بعد البوش
سبحان الله احساس روعه


توكلي ع الله والسهالات منه سواء خاص و لا بالبيت !!


اذا خايفه حيل الله يعافي ابرة الظهر
بس هم بتحسين بضغط



الله يسهل عليج و يرزقج بالضنا الصالح

توكلي ع الله و لا تحاتين يقلبي

صاجه
وقت البوش مافي الم تحسين بالضغط بس

عسالله يسهل عليج حبيبتي :eh_s(17):

 

[قرة عيونه]

مشكورين بنات ع الردود والنصايح


فراوله يمكن الكمام ماثر فيج لانج تشربين قهوه واجد

انا جذي سمعت ومع اني مدمنة قهوه بس من حملت قاعده احاول اخفف

ومن ادش الثامن بقطعها نهائيا عشان ياثر فيني الكمام والبنج