الكويتيات مقصة------

[شيماء المطيري]

القصة يا بنات هل يصير نقط لكل واحد يكون بطريجنا ونقول دفعة بلا ولا اندور المحتاج ونعطيه ونساعده

 

[Omniya]

مقصه لمن تكون كل شهر تقطون له
اهني انا اول المغارضين بس مايمنع تعطينه 10 !!
ماشوف وين المشكله بهالعششششششره !

^ اكيييد المحتااج أولاا

 

[رحيق انثى]

تصرفج صحيح 100%
اكوو نااس وايد اولى منه بــ 10 هذي
وصااجه بعض الناس طيبتهم زايده بس بالهوقت تعتبر سذاجه!!

 

[ملواكي]

اختي شيماء كلامج عين العقل وصح
للاسف البنات مو فاهمين قصدج وطيبتهم اهي الي انتكلم عنها وللاسف دايما العاطفه تغلب علينا ككويتيين

عالعموم مالي خلق اشرح وايد بس حبيت اقولج انتي صحححححححححححح

 

[(كويتيه عسل)]

زميلكم شنو ظروفه ؟ علشان تعطونه قطيه

 

[(كويتيه عسل)]

رسالة للمعارضات---فيه وحدة مصريه كبيرة بالسن معاتا بالدوام طاحت بالمستشفى فيها المرض الخبيث كلنا قطينا لها لأن وضعها حساس وآنا كنت معترضة على المبلغ كنت أقول للبنات زيدوا الحطة المرة مريضة وتحتاج أدوية آنا ما أعترض على فعل الخير لأن ديننا الاسلام يحثنا على الخير بس أقط فلوسي على ناس مو محتاجة هذا أسميه سفه وعبط---الولد زعلان عشان ما عطوه زياده أروح آنا وغيري نجبر بخاطره عشان بس يستانس أجل ليش هالمطالبات برفع الرواتب واحنا نقط منيه ومناك ونقول عشرة جنها نص دينار اذا الفلوس صار مالها قيمة عندنا فعلى الكويت السلام

جزاكم الله خير زين سويتوا
بس زميلكم الوافد شسالفته شنو مناسبة القطيه

 

[Tom ♥ Jerry]

.


يعني الحين اذا حطوآ قطيه حق وآحد يطلعون مقصه !
كسر خآطرهم و حبو يتحآططون و يساعدونه وين المشكله يعني .،

على قولتهم " كل وآحد ينآم على الجنب الي يريحوآ "
الي حآبه تحطله عشره تحطله
و الي مو حآبه كيفها .،

 

[الغلا كله لبوي]

يمكن الشخص يكون محتاج
وان شاء الله دفعت بلاء
بس الكويتين مو مقصه بالعكس قلوبهم طيبه وايد
ودمتي بخير

 

[أم نوار]

قلبج اسود اعوذ بالله ترى الدال على الخير كافاعلهوانتي داله على الشر

 

[LuLiTa]

كل واحد ينام عـ الجنب اللي يريحه ,,, و هـ عشرة دنانير اكيد ما اتأثر عـ المعاش ,, لي رحتي السوق الحين و فريتيه بـ تلقين بالبلوزة و لا البنطلون بـ 9 و 10 دنانير ,,, يعني انا افضل اقطها على عمل خير بدل هـ البلوزة ,,, و الاقربون اولى بالمعروف,,,و اهي صدقة مرة وحدة يعني مو معاش شهري ,,,,

لما صارت حرب العراق بـ 2003 الهلال الاحمر بالكويت و الكويتيين ما قصرو بـ المساعدات و انتي تدرين العراقيين شنو سووو بديرتنا بالغزو ,,, تبين البنات يستخسرون هـ الـ 10 دنانير بواحد منا و فينا ؟؟؟ بصراحه اهو اولى من الوافد ,, الوافد مهما تسوين فيه خير ما يبين بـ عينه ياكل و ينكر و يمش ايده بالطوف :eh_s(4):

 

[شاطي الاماني]

انتي محتره علي شنو وانت ما دفعتي يبا ترا امه كويتيه يعني منا وفينا بطلي حسد وهذي دفعه بلاء عنهم اكيد مو عنج ولا تمنعين صدقه وعمل خير

 

[اللعبه]

شاطره وزين سويتي وغير هالكلام ما فيه

ولا تزعلين من احد حطي في بالج وايد مو كويتيات معانا

 

[مس دلال]

اذا كان مثل ماقلتي بس علشان مانزله فـ انا معاك وبقوووووه وكـ اكثر من موظف مانزله وش معنى هذا عطيتوه !!! ومايثمر فيهم ابد لو تعطينهم راتبك كامل

اما اذا الموظف شاف انه حالته تعبانه ويستاهل هالمبلغ فـ اكيد وياهم

 

[> Miss M6ereiah <]

شاطره وزين سويتي وغير هالكلام ما فيه

ولا تزعلين من احد حطي في بالج وايد مو كويتيات معانا

نعم ؟؟
الحين انا مستغربة ليش البنات يحطون مواضيع ومايبونا نتناقش معاهم فيها ؟
حطيتي موضوع خلاص تقبلي كل الاراء .. كل وحدة قالت رايها واهي حرة بعدين ترى هذي اعتبريها صدقة اعتبريها دفعة بلا عن عمرج وعن عيالج .. ودام مادفعتي خلاص اللي دفعوا جزاهم الله خير بالعكس انا اشوف انه مافيها شي ....
وبعدين الاخت اللي اقتبست ردها الحين شكو فعل الخير بالجملة اللي انتي كاتبتها :eh_s(10):

 

[Queenleo]

اعتقد البنات مافهموا قصدج عدل
ووانتي ماوضحتي بالبدايه انه تضاايق وانها ترضااوه حقه
ولا ووضحتي بمثال عن المصريه الي كانت تعبانه من البدايه

انا فاهمه قصدج
ودام عنده رااتب ومو محتاج ماله داعي
الفقاره اولى
لو كان عنده ضرف ميخالف بس انه زعلااان مايشوف شر

 

[شيماء المطيري]

جزاكم الله خير زين سويتوا
بس زميلكم الوافد شسالفته شنو مناسبة القطيه

واحد ينزل راتبه بالتمام والكمال كل شهر ما نزله أعمال ممتازة زعل وحط بخاطره قام رفيجه وطلب الكل بحطله وحطوله الكويتيات على عشرة بدون مناسبة وآنا رفضت لأن فيه موظفات ما نزلهم واهم اشتغلوا بذمة وضمير طول السنة

 

[شيماء المطيري]

قلبج اسود اعوذ بالله ترى الدال على الخير كافاعلهوانتي داله على الشر

ان شاء الله هالكلمة بذمتج :yaaaaaarb:​

 

[OM-TURKY]

الصراحه ما عندج سالفه الحين العشر دنانييير شتسوي؟!؟! نقط فلوووسنا على عطوور ومكيااج وعيال او بيت شفيها اذا عطيناه مو معناته يشتغل يعني خلاص غني يمكن عنده التزامات . بعدين الي يبي يحط احط والا ما يبي هم على راحته محد يجبر احد او لاتخافين علينا محد يقص علينا ​

 

[اللعبه]

واحد ينزل راتبه بالتمام والكمال كل شهر ما نزله أعمال ممتازة زعل وحط بخاطره قام رفيجه وطلب الكل بحطله وحطوله الكويتيات على عشرة بدون مناسبة وآنا رفضت لأن فيه موظفات ما نزلهم واهم اشتغلوا بذمة وضمير طول السنة

حبيبتي تصرفج صحيح وتقولين ما عليه قاصر وسياره ءاخر موديل . رفيجكم اللي قال حطوا قطيه عرفي ان بينهم مصلحه والحريم معروفين عند الرياييل اذا طلبهم ريال شئ يسوونه وكل وحده تقلد الثانيه والله لو وحده قايله لهم ما سووها حق وحده

وجربي تقوليلهم وشوفي

 

[شيماء المطيري]

انتي محتره علي شنو وانت ما دفعتي يبا ترا امه كويتيه يعني منا وفينا بطلي حسد وهذي دفعه بلاء عنهم اكيد مو عنج ولا تمنعين صدقه وعمل خير

آنا ما منعت شي مريت الصبح أسلم أسألوني حطيتى قلتلهم لا مو ذنبي ما نزله أعمال ممتازة وفيه غيره ما نزلهم ما حطيتم لهم ورديت مكتبي أكمل شغلي لا منعت صدقة ولا شي بس حبيت أناقشكم أن الدوله تصرف لنا رواتب من دم قلبها واحنا نقطها مجاملة وترضيات لناس مو محتاجة