الكويتيه بس للتلفون و هذي الفلبينيه للفراش..قصه حقيقيه

[امون حبيبة الكل]

وحده من الحريم ... و هي ام لثلاث اولاد غنيه جدا ماشاء الله (طبعا قالولي الاسم ) المهم اعيالها كلهم من طقه بعض .. بينهم سنين

ساكنه في بيت من دورين .. اهي و اعيالها اهي الدور الي تحت .. و اعيالها عندها و كل ما يكبر واحد يصير عمره 15 سنه يعني من يدش الثانوي صعدته فوق جناحه الخاص ...

يتكون من غرفتين و صاله و حمام ..اتجهز الام الجناح لولدها مع فلبينيه !!!!!
يعني الزبده عندها 4 فلبينيات في البيت وحده لها و 3 لاولادها

لكن الفلبينيات الثلاث .. ينامون و ياكلون و يشربون ويا اعيالها .. و عندها نظريه الام .. تقوله يا وليدي .. ديربالك من بنات الناس

مالنا خلق علاقه ويا كويتيه باجر اخوها يذبحك و الا يسوي فيك شي

هذي فلبينيه عندك سو فيها الي تبي !!!!

الكويتيه بس للتلفون و هذي الفلبينيه للفراش

انتوا مستوعبين السالفه !! انا مصدومه

المهم
ظلوا العيال على هالحال .. جم سنه بعدها تخرج الولد الصغير من الجامعه
جان تجتمع الام في اعيالها

قالت يا عيالي انا ماقصرت ويااااكم وفرت لكم كل شي عاد الحين يالله شدوا حيلكم انا ابي كويتيه بخطبلكم حريم .. بنات حمايل و تتزوجون

و هالفلبينيات راح نختم على جوازهم و لا يدشون عشان ما يروحون بيوت ثانيه .. يفضحونا !!!!
قالولها اعيالها اوكيه ما عندنا مانع بس بشرط نختمها بسفره وياهم ..
البنات مادحيلنا جزر الفلبين .. بنروح اسبوعين ثلاث و انرد

و الابناء الثلاث .. سافروا سنه 1995 شهر ثمانيه .. وو للحين ما ردوا
اخر مرا كلموا امهم فيها شهر 12 سنه 1995
قاولها يما بنحتفل في راس السنه و انرد

الام طبعا ما قالت هالكلام .. و هالقصه الي بعد ما عانت في السفارات و الخارجيات و سافرت تدور اعيالها
و وصلت السالفه لين الشيخ صباح الاحمد كان وقتها وزير الخارجيه ..

.. قالها مترجم في السفاره الكويتيه ان اسره احد البنات اقتلت اعيالها و في روايه تقول انهم مسحورين !!
المهم الام احصدت ما زرعت
و الله لا يبلينا
و اهي الحين مخرفه .. عايشه مع الخدم بروحها !!

منقوووووووووله من اييملي ..صدمتني ونقلتها

استغفرالله العلي العظيم

 

[عنزية والهيبه وايليه]

لو حاطه عنوان احسن من جذي يكوون وايد احسن

الناس اللي بس يقرون العنوان ومايشوفون الموضوع شيقولون بعدين ؟؟؟؟

 

[قوطي نيدو]

لا حول و لا قوة الا بالله العلي العظيم

 

[Shima-Style]

لا حول و لا قوة الا بالله العلي العظيم

 

[نبضي جابر]

يعطيج العافيه إختي ع النقل :tek:

بس أكيد إن القصه خرافيه لأن مافي أم جذي وين الدين وين الأخلاق وين العادات والتقاليد
إحنا ولله الحمد مجتمع محافظ ومتدين ونخاف الله بكل شي نسويه والحمد لله هاذي نعمه
فأعتقد هالقصه مألفينها لأنها قويه

 

[نداوي]

صج ترى بعض الشباب رافعين هذا الشعار ان الكويتيه تلفون والفليبنيه فراش سمعت اكثر من سالفه جذي

 

[شقرديه]

لا حول ولا قوه الا بالله
الله مايطق بعصا

 

[ســارة]

وااااااااااااي الله يعيينها حدي احترييت

 

[[ . . Jee Jee . . ]]

السلام عليكم ورحمة الله وبركاته ,,,

لو كانت القصة حقيقية .. بقول

دايما البعيد عن الدين ها>ي حالته ...

الله يعينها على جزاها الدنيوي وجزاها في الاخرة ..

لو كانت تابت الله يتقبل منها ويعوضها يارب

 

[حوراء الشرق]

للاسف مرا يصير جذي مع الناس
لكن مو الكل
فانا اضم صوتي للاخت عنزية
ان العنوان غير لايق
وشكرا

 

[ام الغالين]

لا حول ولا قوه الا بالله
الله مايطق بعصا

وبنات الناس مو لعبه حتو لو كانت صوماليه

 

[cramela]

اعوذ بالله لا حول ولا قوه اللا بالله

 

[manoola]

الله يسامحها ويغفر لهااا اذا السالفه صج

 

[miamy]

صج عاد!!!!!

لاحول ولا قوة اللا بالله

 

[viva la glam]

شهالخرابيط .. اللهم لا شماته

 

[وجـــد]

يـــالله عورني قلبي عليهـمـ

صدمتيني والله . . . اكيد مآتوا دام من 13 سنه مختفين ماردوآ

الله يعين الامـ مالومها تستخف​

 

[الفيحاء]

لاحول والا قوة الا بالله

 

[حور العيون]

لاحول ولاقوه الا بالله ان الله يمهل ولايهمل

 

[miss_ant]

استغفر الله ربي ..

 

[& دانتيلا &]

لا حول و لا قوة الا بالله

انا سامعة قصة تشابه هالقصة
كل شى بهدنيا جايز
الله يستر