لازم ياكل بالمطار .. عاد حزة وجبه .. مو حزة وجبه .. لازم ياكل .. يحليله الكويتي مداري روحه
2
ضروري يشتري شي من المطار حتى لو كاكاوه .. يحليله الكويتي ما يبخل على روحه
3
آخر ناس يدشون البوابه .. الكل يدش قبله .. يحليله الكويتي ما يحب الزحمه
4
يستعبطون على ضباط الأمن .. يعني يطوف تحت الجهاز بساعته و حزامه و تلفونه على أبو إنه ما يدري .. آملا في إنهم يطوفونه وما يفصخونه اللي لابسه .. فقير الكويتي ما يعرف
5
اذا كانوا عايله .. فاللويه حدث ولا حرج .. اليهال يتناجرون .. الأم تزف الخدامه .. الأبو يركض سابقهم بعشر أمتار جنهم مو معاه .. يحليلهم والله .. من جوهم العام تدري انهم كويتيين
6
الكويتي اللي يعتبر خوش كويتي .. يدش الطياره ربع ساعه قبل الإقلاع .. يحليله الكويتي المهم انه دش الطياره
7
ساعه على ما يتذكر بأي مخبه حاط البوردينق .. و على ما يجر جنطته بالطياره .. و يدش يقعد يبيله قرن .. و يكون بمحض الصدفه صار وراه لاين أوادم ينطرون حظرته يقعد .. يحليله الكويتي منظم
8
نادرا ما يعترفون بالحزام .. بو دشداشه يخاف تتعفس .. اللي معاها ولدها مالها خلق يستعسر عليها فتفضل انها تمارس كل الحيل لخداع المضيفين اللي دايما دايما يصيدونهم .. يحليله الكويتي يموووت على النظام
9
بس يقول الكابتن بنبدى الهبوط التدريجي الكل شغل موبايلاته .. تدريجي يا يبا تدريجي .. مسكين الكويتي .. وااايد مهم .. اي دقيقه ثانيه يكون فيها جهازه مسكر ممكن تنهار حياته
10
بس يسمع صوت توايرالطياره حاشت الأرض قام وقف وصف دور يعني بينزل .. يحليله الكويتي .. كل شي ولا يتأخر
11
والكويتي اذا شاف الكاونتر عليه زحمه يدور واحد يعرفه بالمطار عشان يخلصه.... يحليله الكويتي جنه غير عن البشر
12
اي اي نسيت .. يموووتووون اذا حطو جناطهم و جياسهم فوووق .. ما يعرفون لازم تحت رجولهم .. لووول يحليله الكويتي والله .. عجيب
