الكيكه الخضراء ..........كوووووولღஐღ متميز ღஐღ

[أحلى الجياكر]

مشاركة: الكيكه الخضراء ..........كوووووول

عجيييييييييييييييييييييييييييبه
تسلم إيدج ...

 

[ايفيان]

مشاركة: الكيكه الخضراء ..........كوووووول

السلام عليكم يابنات المنتدى العزيزات



اليوم سويت لكم كيكه وايد حلوه وعجبت الكل وان شاء الله تعجبكم وتسونها وتكشخون

فيها بين أهلكم وحبايبكم


وهذي صورتها

[/url][/IMG]


بسم الله نبتدي أول شي المقادير


كيكه جاهزه بنكهة الليمون


علبة puddingبنكهة الفانيليا من ماركة jello تلقونها في مركز سلطان يم الجلي والكيك وسعره 325 فلس وفي منه حق الريجيم وعادي انتو اخذو اللي تبون اثنينهم طعمهم حلو.



علبة جلي أخضر

ظرف كريمة دريم ويب


كوب حليب بارد


كوب ماي بارد


نعناع وليمون أخضر

[/url][/IMG]



الحين نبتدي الخطوات

أول شي نسوي الكيكه بالطريقة المكتوبه على العلبه ونحطها بالفرن

وبهذا الوقت

ناخذ علبة الجلي ونصب عليها كوب واحد ماي حار ونخلطه عدل

وبعدين نخذ الpudding ونخلطه مع كوب حليب بارد بالمشبك لما يصير مثل المحلبيه

[/url][/IMG]


وبعدين ناخذ ثلاث ارباع الجلي ونخلطه معاه ونخلي الربع حق بعدين راح نستخدمه بالآخر. وراح يصير شكله نفس الصوره بس يفضل الجلي مو وايد حار عشان لا يقطع معاك ونحط معاه عصير ليمونتين خضر بس لازم نشخلهم وندخل الخليط الثلاجة أفضل

[/url][/IMG]

الحين نسوي الدريم ويب نحط نص كوب حليب بارد مع طرف كريمه وبالخلاط نخلطهم عدل لما تثقل

[/url][/IMG]


لما تصك الكريمه نضيفها حق الخليط الأخضر ونحركهم عدل مدل لما تختلط الألوان بس لاتحطون كريمه وايد عشان اللون مايصير أخضر فاتح وندخلهم الثلاجة لما تصك الخلطه زززززززين

[/url][/IMG]


الحين اذا استوت الكيكه نخليها شوي تبرد ونسوي فيها فتحات بالسكين ونصب فيها الجلي الباقي تذكرونه اللي شلناه على جنب ونصبه داير مادار الكيكه بالفتحات اللي مسوينها بالسكين
يعني نشرب الكيكه بالجلي ولما نخلص ندخلها الثلاجه لما تبرد الكيكه.

[/url][/IMG]


وعقب ما تصك الخلطه نقوم نزين فيها الكيكه يعني نمسح الكيكه بالخلطه بملعقه عريضه وحاولوا تخشون لون الكيكه الأصلي ومابين الا اللون الأخضر وبعدين تزينونها بأوراق النعناع وشرايح الليمون وانتو وذوقكم في التزيين وآخر شي نحطها في الثلاجه لما التقديم

وعليكم بالعافيه وهذا شكلها النهائي

[/url][/IMG]


وعقب ما تتقطع تصيير هالشكل

[/url][/IMG]

وتقدرون تسونها قبل يوم وتحطونها بالثلاجه وقبل التقديم تزينونها ماراح يصير فيها شي

وتقدرون تسون بس الخلطه قبل يوم وتحطونها بالثلاجه ...


وان شاء الله تكون عجبتكم

ملاحظه بنات لازم البدينغ يكون فوري التحضير ومكتوب على علبته باللون الأحمر instant يعني بس تزيدينه حليب بارد واذا اخذتي النوع الثاني لام تطبخينه على النار 6 دقايق مثل المحلبيه وتنطرينه لمن يبرد ...

 

[^^غاليه^^]

مشاركة: الكيكه الخضراء ..........كوووووول

يعطيج العافيه

 

[عسل نحل صافي]

رد : الكيكه الخضراء ..........كوووووولღஐღ متميز ღஐღ

تسلم ايدينج

 

[أحلى همبه كويتية]

رد: الكيكه الخضراء ..........كوووووولღஐღ متميز ღஐღ

حسافة ولا صورة طالعة


يسلموووووووووووووووو

 

[رحيل المرافيء]

رد : الكيكه الخضراء ..........كوووووولღஐღ متميز ღஐღ

ماكو صور للاسف

 

[78MariMar78]

رد: الكيكه الخضراء ..........كوووووولღஐღ متميز ღஐღ

تسلم ايدك

الصور مو طالعه

 

[mf6nt el3lat]

رد: الكيكه الخضراء ..........كوووووولღஐღ متميز ღஐღ

ليييييييش ماكو صور
شوقتيني ​