اللبس و الميك اب بوضعي اليديد شلون ؟

[honey lust]

انا بالنسبه لي اللبس انعكاس لاحساسج الداخلي

يعني الشي واقف عليج لا تنافقين بشي

هل انتي شايفه ان لج الخلق اللبس و الكشخه؟؟

اذا تحاتين الناس فالناس راح يتكلمون بكل الاحوال

اعتقد بحالتج للحين جرحج ما برى عسى الله يمسح على قلبج و يصبرج و يرحمه و يجمعج فيه بالجنه يا رب

 

[فطوم 84]

اميره انا دايما اتابع ردودج. بصراحه كل ماشوفج بموضوع ادعيلج ياالغاليه الله يوفقج انشالله وييسر امورج دايما اللهم امييين

شوفي ياقلبي اللبس انا من وجهة نظري مو حلو الوان صارخه ومكياج. تدرين الناس ماترحم بتقول مسرع مانست زوجها. وماكانت مهتمه له. موهامها وفاته والحجي واييييد والله تعرفين الحريم وسوالفهم

انا وحده من البنات دايما مااهتم لكلام الناس بس بهالنقطه لمثل ظروفج. الوحده علشان غلاة زوجها مو علشان الناس احتراما وتقديرا لذكراه مفروض ماتلبسين فهمتي

وانشالله الله يعوضج خير. ويفتح لج ابواب الرزق. وتذكري دايما الله اذا حب عبد ابتلاه. واكيد الله يحبج ابتلاج بفقد زوجج

والله يوفقج وييسر امورج دايما ويمسح علي قلبج ويوفقج اللهم امين

 

[الزورق222]

اذا انتهت فترة الحداد انتهى كل شى حبيبتى ليش تعيشين بعزله عادى مثلج مثل قبل البسى واطلعى مافيها شى ..

 

[اميره1980]

عظم الله اجرج

بس سؤال قبله كنتي متزوجه وتوفى زوجج وتزوجتي ولا هذا زوجج نفسه؟ جنه قاريه لج موضوع من قبل انه توفى او شيء جذي؟؟



البسي الي تبينه عادي الملابس مو مقياس للحزن , ؛)

لا هذا زوجي ما تزوجت غيره
توه متوفي من 3 شهور و شوي

 

[قَلبڪْ صًخرْ]

عظم الله اجرج
وصج الحزن بالقلب
بس تقدير له خصوصا لو كان طيب معاج

نطري وتدرجي بلبسج

 

[قَلبڪْ صًخرْ]

توقيعج قتلني
خصوصا الي بالازرق

الله يرحمه يارب

صج فقدان زوج مصيبه وحره بالقلب

 

[صدع القلب]

عظم الله أجرج اختي وان شاء الله مثواه الجنان الباردة

الحين انتي طلعتي من العدة و انتي ببيت أهلج أنا أقول ردي على لبسج العادي بس يفضل تبدين بالألوان الهادية وتبتعدين عن الصارخة والملونة زيادة والميكب يكون خفيف بس كحل داخلي وقلوس على القليلة ال 3 شهور الياية ، وحتى لو رحتي حق اهله ولا زاروكم خلج على طبيعتج .... هذا أمر الله انتي مالج إيد فيه وانتي بعدج صغيره والله أعلم بحالج

والله يعينج ويشرح صدرج و إيسر لج امرج يارب

 

[أحلى قصة]

الله يرحمه وطولة العمر لج ويعوضج يارب خير

 

[حلمي الأمومة]

انتي براحتج شنو الي يريحج سويه

بس من وجه نظري احتراما للأيام الي بينكم والعشرة تلبسين لبس عادي يعني ماتبالغين باللبس

وموشرط لبسج اسود وألوان كئيبه لا يعني لبس بسيط وناعم هذا من وجه نظري


ملاحظة>> قريت لج رد انج ببيت اهلج وحسب علمي مايجوز لازم العدة في بيت الزوج الي عشتي معاه !!

 

[LuLiTa]

ردي لبسج القديم ،،

 

[Ghreba eb derty]

انتي وظميرج

اللي تشوفينه صح سويه

ودج تردين نفس قبل لبس وكشخه ردي لا تجاملين الناس على حساب راحتج

تبين تكونين اقل كشخه وميك اب خفيف والوان هاديه عادي كيفج

تبين تلبسين عبايه وكله اسود كيفج

بالاخير القرار لج منتي مجبوره ترضين الناس سوي اللي يريحج

الله يرحمه وعظم الله اجرج

 

[PuPa^^SWeeT]

الله يرحمه ان شالله



خليي متدرجة


يعني بالدوام خليج عباية


و بين المناسبات خليج سمبل و ميك اب ناعم



و بين الطلعات و الروحات لبسي عاادي بس مو الضيج و الميك اب الصارخ



خصوصا انج ببداية الثلاثينات

خليج بسيطة و هادية بلبسج و ميك ابج

 

[عسوله زوغه]

مشكورة حبيبتي على الكلام الطيب
بالنسبه لاهل زوجي ما يشوفوني الحين لاني رحت سكنت في بيت اهلي و انا ما عندي عيال منه
امي تقولي الحين خلاص ما يصيرولج يعني اخوانه و خواته مو حموانج لو عندج عيال منه يصيرون عمامهم بس انتي الحين علاقتج فيهم انتهت و مالج شغل فيهم

اها طيب خلاص مادام جذي ماعليج من الناس عسى ربي يووفقج بكل شي تتمنينه :eh_s(17):

 

[Tom ♥ Jerry]

,


عظم آلله اجرج أولا .. و الله يرحمه و يغمد روحه الجنه
و يصبر قلبج ان شاء الله !


من الآفضل آنج تلبسين عبايات حبيبتي
و الميكب آول الايام لا تحطين:eh_s(22):

 

[نـعـومـه]

الله يرحمه يااااارب

تأثرت بخبر وفاته لاني كنت اتابع ردودج وانتي عزوبيه وانا وياج ملجنا بنفس الشهر ماقول الا الله يرحمه وربي يصبرج

وبخصوص لبسج غريبه تقولين انج متعوده عالبدل والمكياج اصلا نفسيتج ماراح تسمحلج تكشخين ومكياج !!

اذا تبين وجهه نظري البدل عادي تلبسين لبس ناعم وعملي بس المكياج فشله حيل خاصتا سوالف حمر وجذي اذا انتي متعوده عالمكياج حطي مكياج مخفي وبسييييط

 

[ورد و عطر]

امركن غريب يعني العباية لها اماكن مخصصة

انا بقولك اذذا ماتبغين تلبسين العباية رضى لله وحدة

واستجابة لاوامرة

فليش تلبسينها عشان الناس..

 

[دلوعة أبوهآ]

آلله يرحمه ويغفر له يآرب
لبسي اللي يريحك

 

[Bnt-USA]

اول شي عظم الله اجرج والله ياجرج
ويصبر قلبج ويقويج ويجمعج فيه بالجنة يارب

ويصبرج على بعدة ،،




ثاني شي
بما ان زوجج
والناس ماترحم يعني لو تكشخين مثل اول
بيقولون شوفيها مستانسه ومافيها شييييييي

انا عارفه ان كلام الناس ما لازم نفكر فيه
وعارفة ان الحزن مو زين والرسول صلى الله عليه وسلم نهى عنه

بس ذوقيا انا انصحج تلبسين بدلات عادية
وتخففين مكياج
وتتدرجين بالمكياج لما توصلين لمرحلة قبل

واستانسي وافرحي والحياة حلوة
والنسيان نعمة

لا تتضايقين وتعورين قلبج ونفسيتج
طلعي روحي جمعة بنات تحبينهم وتستانسين معاهم

عسى الله يسخر لج الخير يارب العالمين ،،

 

[*مطبخ الذواقة*]

الله يرحمه ويغفر له وأنا مع البنات. لبسي عبي هالفترة

والله يفرج همج

 

[حبي مودي..]

الله يرحمه ويغفرله وموتى المسلمين الله يصبرك..