اللبيب بالإشارة يفهم :)

[bedour18]

اهلين بنات اشلونكم؟ شخباركم؟

اليوم طرشت حق ريلي هالمسج :

***********
لي قصه مع صاحبي فلم هندي
دايم انا وياه ف هواش و دموع
وده يسامرني على تيس مندي
و انا رقيقه ودي بأزهار و شموع

************

بأمانه انا شفت هالبيتين كتوقيع في منتدى و واااااااااااااايد حسيت انهم عني

انتوا اشرايكم؟؟ شتسوي الوحده لما يكون ريلها عملي زياده عن اللزوم او خكري شوي ما يعبر لها عن مشاعره؟

 

[زيـنـه]

مشاركة: اللبيب بالإشارة يفهم

عاد خكري مره واحده !!

كل الريايل ما يعبرون عن مشاعرهم فيهم بخل عاطفي بس انا اقول ولدج على ما ربيتيه و زوجج على ما عودتيه فاللي ريلها جذي تحاول و تحاول لين ان شاء الله يتعدل و يصير خوش ريال .. بس لازم تصبر و لا تتوقع النتايج تكون بسرعه .. و عموما الريايل رومانسيتهم اقل من الحريم و لا ليش احنا ناقصين عقل و دين ..و الله المستعان

 

[كويتية بالغربة]

مشاركة: اللبيب بالإشارة يفهم

صاجة زينة محد يعبر عن مشاعره الا احنا الحريم مهبل

 

[bnt q8 in usa]

مشاركة: اللبيب بالإشارة يفهم

لا مو خري عاد

شوفي ابوي مثل ماقالت خيتي انتي وطريقتج مع ريلج وكثر الدق يفج اللحام
مرات الريال يعبر عن حبه بفعل ومرات بفعل وكلام

والي خوفج منه بس كلام لافعل ولاقال الله

عموما عوديه وبيدج تقدرين انشالله تسوينه ابو ام الرومانسيه
بس خوش مسج هههههههههههههه

 

[bedour18]

مشاركة: اللبيب بالإشارة يفهم

مشكورين بنات على ردودكم الحلوة ، صبرت اربع سنين مافي مانع اصبر اكثر
الله كريم

 

[عمري الكويت]

مشاركة: اللبيب بالإشارة يفهم

الصراحه مسج ضحكني ما اقول غير عسى ربي يهديلج زوجج ويحنن قلبع عليج إن شاءالله

 

[السفيرة عزيزة]

مشاركة: اللبيب بالإشارة يفهم

انا اقول

لا حياه لمن تنادي

و لا ياس مع الحياه

حاولوا يا حياتي حاولوا

خل يكون لكم هدف في الحياه

حتى لو ما تحقق الهدف

بس عيشوا على امل تحقيقه

قمه الاحباط مو جذي

 

[أم ملاك]

مشاركة: اللبيب بالإشارة يفهم

الله يعينج الصراحه واحنا قاعدين انجاهد معاج مو بروحج ... والله شقا انربي اليهال ولا الريال المره اللي تحتاج هالشغلات اكثر من الريال كونها عاطفيه لكن العكس اهوا اللي صاير احنا اللي محنا عارفين اشلون نرضيهم لكن المشكله ان المرة لما تفكر اهنا لازم تعطي وتضحي وتننازل عشان الريال يظل بالبيت فأهي غلطانه لان في رياييل حريمهم حاطين لهم الشمس بيد والقمر بيد ويدورون بره ومو كل ريال ريال مهم وجوده بالبيت لان في رياييل بالاسم بس ووجودهم مثل عدمه بالبيت

 

[أنا وين ؟؟]

مشاركة: اللبيب بالإشارة يفهم

هههههههههههههههههههههه

خوش مسج

 

[رنين]

مشاركة: اللبيب بالإشارة يفهم

عادما قلتيلناا شتعليق ريلج على المسج؟


(((أدري حدي لقااااافه))))
بس ودي أعرف جود عدله المسج

 

[bambena]

مشاركة: اللبيب بالإشارة يفهم

والله انا صراحه ماحب الرومانسيه ولايهمني يكون اهو رومانسي المهم يدي فلووووووووووووووس وانا اشتري ، بس المسج عجيب p;

 

[ظلال القرآن]

مشاركة: اللبيب بالإشارة يفهم

يا معوده كلنا بالهوى سوا

انا ريلي كان فيه بصيص امل الحين انقطع حتى البصيص

الرومانسيه بعيده عنه بعد العبدلي عن خط وفرتي على قوله عنتره

يالله شنسوي عاوزين نعيش هذيل عيالنا ومالنا غنات عنهم

كله عاقدين النونه وما يعتجبهم العجب واتكالين وبو شلاخ وبس... ماكو عيوب وايد

الحمد لله على نعمه الريل الكويتي كل عيب شرعي فيه

بس في النهايه احسن من غيره وعسل على قلوينا

 

[bedour18]

مشاركة: اللبيب بالإشارة يفهم

مات من الضحك

و يوم اللي طرشت فيه المسج سمعت كم كلمة حلوة

يعني طلعت منه بفايده

 

[رنين]

مشاركة: اللبيب بالإشارة يفهم

زيييييييييييييييين يا معوده


عيل بنات حطوها في اللسته لأيام الجفاف العاطفي

و الله يوفقكم

 

[أم الطيب]

مشاركة: اللبيب بالإشارة يفهم

الله يعينج الصراحه واحنا قاعدين انجاهد معاج مو بروحج ... والله شقا انربي اليهال ولا الريال <<<صاجه 100%

 

[bedour18]

مشاركة: اللبيب بالإشارة يفهم

الف شكر يا بنات على ردودكم الحلوة

 

[kajool]

مشاركة: اللبيب بالإشارة يفهم

انا براي انا احنا ذابحين عمرنا
وليالي رومانسيه وليالي حمرا وبضا وبعض المرات تقلب سوده ههههههههههههههههههههههههههه
ومحد تعبان الا احنا الحريم
حاااااااااااااااااولو لا يأس مع الحياة هههههههههههههههه
ولا حياة مع اليأس

 

[توته القيروان]

مشاركة: اللبيب بالإشارة يفهم

bambena

<<-- مخترعه


تتكلمين جد والله ؟؟؟؟؟؟؟؟؟؟؟؟؟؟؟






الله يعينه عليج عيل

انا متأكده الف بالاميه ان ريلج رومانسي وكلامه حلووووووووو ومسكين توهق فيج