اللهم بلغنا رمضان ... ابي فكرة لهدية رمضان

[ام حيدور]

ما شاء الله فكرتج وايد حلوه عجبتني ابي اسويها حق خالتي ام زوجي

 

[GAP]

انا ودي اشتري لها صحون تقديم بس ما ادري من وين ابي اشياء كشخه ؟؟؟




وبعدين ليش محد تكلم عن العم


انا عمي ابو ريلي هم اشتريله وحتى ابوي الله يحفظهم وقلت بشتريلهم خام دشداشه وبفصل لهم اياها بعطي خام ابوي حق اخوي حق يوديه الخياط الي ابوي يتعامل معاه ونفس الشي حق عمي بعطيه ريلي

 

[الأميرة]

افكار حلوة

قواكم الله

 

[جاردينيا_2000]

انا امي دايما تحتار شنو تبي اسوي حق السفره من اكلات حلوه ..فيمكن اشتري لها كتب للطبخ 3 كتب وألفهم في شريطه ..لانها اتحب كتب الطبخ ..شوفو الي حابين تهدونه شنو احب ..في ناس اتحب تنهدى لبس ..وفي ناس اتحب اكسسوارات ..او في ناس اتحب اشياء تسعملها حق المطبخ او البيت مشكلتي مع خالتي ..مره اكبيره ..مريضه على افراشها ..ما تتحرك كل مره اشتري لها دراعه ..او شيله ..بس مليت اهيا ما تطلع من دارها ..مادري اشتري لها تلبيس كفر حق افراشها ..وله شنو ابي شي تستخدما ..وفي نفس الوقت ..ابيه احسسها بالرمضان ..المره الي فاتت شريت لها فوانيس ملونين 2 واحد برتقالي وثاني اصفر وحطيتهم على الميز اليمن واليسار واستانست عليهم طبعا مع شيله امطرزه على جمب + حلو قهوى في زبيل ( حلو رمضان رهش+حلوه +يوامع ) افرحت وايد ..بس هذي المره شنو اشتري لها ..قاعده افكر

 

[om a7md]

السلام عليكم
ماشالله افكاركم حلوه بس حبيت اسال عبق البنفسج من وين شريتي الطوس ؟؟

 

[الماس الكون]

اول شي يوبو كرتون كبير في غطا بس لازم مربع وهاتو صورة مسجل او صورة الكعبة وزينو العلبة فيها وداخل العلبة را تكون طبقات
الطبقة الاولى اشرطة القران
الطبقة الثانية سجادة وثوب
الطبقة الثالثة دراعة حق اول يوم رمضان
والطبقة الاخيرة مصحف ويمة جيس بخور وعود

الطريقو انج بين كل طبقة وطبقة تحطين فاصل خام عاد انتي وذوقج ممكن مخمل ممكن دانتيل
واخر شي انج تحطين ورد محفف تحت القران

وبرة تكتبين التعليقات ملوت رمضان

 

[الماس الكون]

صورة مسجد او صورة الكعبة

تصليح الخطا الي فوق

 

[cadbury]

مشاءالله عليكم بنات افكاركم روعه

 

[Mis$ LeO]

وايد في شغلات تقدرين تسوينها

 

[جاردينيا_2000]

ها وينكم

 

[cadbury]

قررت اني اسوي هديه الرمضان "" شوقتوني "" :ggdw:
رحت شريت زبيل و اربع طوس اصغار و بحط فيهم حلو بس بعبيهم قبل رمضان بجم يوم عشان يكون فرش
و اليوم بروح اشتري قمردين لصغار إلي عند الرفاعي
و بشتري كتيبات اصغار عن الرمضان و بغلفهم ابتور و بحطه معاهم
و اذا خلصت بحطلكم شكله النهائي

 

[سعادتي برضى ربي]

كادبوريا\ فكرتج روعه وبإنتظار الشكل النهائي

 

[أم بدير]

انا العام سويت حق قرقيعان شغله حلوه تصلح هدية لرمضان
يبت الزبيل الي له غطى وحجمه وسط مو عود ولا صغير
وحطيت فيه حلويات وبطل ماي ورد بهيل وزعفران وعلبة بهارات وعلبة حلوى وعلبة رهش وجيس قهوه عربيه
جيس القهوه العربيه حطيته داخل دلة قهوه عربيه قديمه وزينتهم كلهم نفس الزينه طبعا معاهم جيسة قرقيعان بس حق هدية رمضان ماتحتاجون القرقيعان تقدرون تحطون بداله كتيبيات والا تقويم رمضان حق مواعيد الفطور والسحور مع أذكار

 

[بطه فيها نطه]

انا كل سنه لازم اقدم هديه لامي وخالتي باول يوم رمضان ... الله يعوده علينا

وعليكم بالخير والعافيه ان شاء الله ...

مره سويت فكره وهي / يبت زبيل خوص مدور وله غطى .... ورحت سوق الحريم وشريت كحل عربي ومكحله تعرفونها

القديمة في منها ذهبي وفضي ... وشريت ديرم وعلك بصري وصخره

مالت تنظيف الريل وليفه خشنه وصابون رقي ومشط خشب

كلها اشياء موجوده وتباع هناك ... وشريت زيت لشعر وبخور ودهن عود

وماء ورد .... ( الشايع - العبد المحسن - القرشي - الخ )

ترست الزبيل قش وحطيت الاغراض بطريقه حلوة ولفيته بسلوفان شفاف

وشريطه مع كرت معايده .... الصراحه احلى تعبير شفته

بوييووهم يوم شفتهم يبطلون الهديه وخاصه انها شغلات

قديمه اهم نسوها ....



ومره سويت فكرة الصينيه وااايد ناس اطلبوها مني ... تروحين المباركيه

سوق الغربلي ... عند الايرانين اللي يبيعون مواعين قديمه بعد الشمالي

شريت صينيه ملبس القديمه في منها اللوان وتقدرين تسوينها طقم من الف ليه الياء

اخذتها مع طوس نفس اللون وبالوسط غوري نفس اللون ... اوكي

وبكل طاسه حطيت شيء / مكسرات الرفاعي / سمسميه من الشمالي الصغار

غريبه من هيل وزعفرن / رهش / واخذت طاسه للحلوى العمانية وصب لي بنفس

الطاسه الحلوى / وقرص هقيلي صغار من الشمالي ناطع / وبقصم صغار

ودرابيل .... وبالغوري حطيت بيض الصعو ملون ....

كل طاسه تلفينها بنايلون رول .... واخت خام البقش اللي يكون منقط او مورد

ولميت الصينيه وربطتها وفوقها سولفان شفاف وكرت

حدها عجيبه .... ممكن الخام يكون خام زري تطلع احلى

ان شاء الله افكاري تعجبكم

 

[سعادتي برضى ربي]

مشالله تبارك الرحمن فكرة روعه

 

[84 Miss Chocolate]

واااااو افكاركم عجيييبه بنااات بس من وييين اشتري الطووووس ؟؟؟


وحق الزوووج شنو ؟؟ هو راس المال

 

[سعادتي برضى ربي]

فكره حلوه فعلا الزوج بعد يستاهل هديه


حطي صندوق داخله شريط عن رمضان ومسواك ...وخلطه وعطر حق رمضان وكتبي عليه

( مبارك عليك الشهر ...وانتي وذوقج بالكلام

 

[بطه فيها نطه]

واااااو افكاركم عجيييبه بنااات بس من وييين اشتري الطووووس ؟؟؟


وحق الزوووج شنو ؟؟ هو راس المال

الصينية والغوري والطوس وحتى الاستكانات ام نقطه كلها موجوده بسوق الغربلي بعد الشمالي

بكم خطوه يم عطورات الجمله عرفتيهم ؟؟؟

وانا حاضره باي استفسار

 

[84 Miss Chocolate]

ما تقصرين تقصدين صووووب العماره الي بالمباركيه او صووب سوق السمج و الاسعااار

 

[amani]

خوش أفكار ما شاء الله عليكم اللهم بلغنا رمضان