الله موجود بكل مكآن ويحآسب آلكل فآي مكآن

[سيدة الذوق]

بسم الله الرحمن الرحيم

شلونكم بنات حبيت اتكلم اليوم عن موضوع له علاقه بالسفر بما ان دشينا الصيف


الموضوع يتكلم عن الحجاب او العبايه اي الستر الاحظ بنات اليوم لما اناقشهم يزعلون فكتبت الموضوع هني عشان تناقش ونعرف الصح من غلط انا لاني داعيه ولاابي انفش ريشي انا ابي اقول الصج وصح ولاني كامله في عيوب الدنيا بس في شغلات تنفهم بديهيا

يعني تجي الوحده في ديرتها وتلبس العبايه والنقاب وتتستر واذا سافرت قطت نقابها ولا حجابها ولاخذت راحتها باللبس

اي ليش الله بس بديرتنا ربي ماراح يشوفج برا ولامايحاسبج طيب ليش تلبسينه هن مدامج تقدرين تقطينه خايفه من الناس هني

ولاتقول زوجي راضي ماشالله الله يهنيج زوجج مو معقد مو حكر وباجر يوم القيامه بيدافع عنج ابدن ماهو قايل ماغصبتج :dddds:
وحتي لو غصبج الله ابدي تطعينه


تري مو يعني انج قطيتي نقابج ولالبسج يعني كول وراقيه ومتحرره تري يعني جاهله بامو دينج انا سافرت لاكثر من دوله اوربيه وعلي عباتي الراس ونقابي كيفه الاجانب بيعلقون ولابكسر خاطرهم بس ابين لهم ان لي عقيده ولي مبادئ امشي عليه اشوقهم يعرفون ليش انا متطيه ومتحمله عشان ديني ويروحون يبحثون تراهم يدرون ان في بنات يلبسون بديرتهم ويقطونه عندهم يقولون حرااااام غاصبينها


ولاشرايكم بنات ابيكم تناقشوني بعقلانيه وفكر واعي

 

[Rowdy]

اممممممممممممممممم
وايد في جذي صح كلامج ^_^
عن نفسي الحمدلله عباتي وحجابي مقتنعه فيهم .. وحتى ان لبست بدلات مالبس شي يبرز جسمي لأن بيني وبينج الموضوع مو موضوع دين وبس الموضوع موضوع حـيا .. شلون اسمح حق نفسي فلان وعلان يشوفوني ؟؟

 

[سيدة الذوق]

صاجه حبيبتي مو بس دين حيا ومبدئ

يعني انا مقتنعه بشي اسويه بكل مكان مايكون عندي ازدواجيه بالتصرف

 

[mshmsha555]

إي كلامج عدل( البعض ما اقوول الكل) تكون لابسه العبايه كاعاده
فا تلقينها لاسافرت قطت العبايه وذا سألتيها قالت عادي
فري محد عارفنا فا مافرقت معاها لأن مولابسه العبايه عن
دين والتزام ,,,لابستها
كاعادات وتقاليد,,,,, ويعطيج العافيه

 

[a3andho0om]

امم انا معاج ااحنا سافرنا رحنا شرم :|
يعني صادفت رفيجتي هناك قاطه حجابها عشان البحر و التااان حدي استغربت مااادري كرهت الوضع مادري ما حبيت تقوولي انا يايه شرم اشتبيني اسوي :]
لو الوحده تحترم دينها و ملتزمه فيه صح ما تسمح لنفسها تسوي جذي بس هذا اسمه تخلف جهل غباء ناااس مو واااعيه ما تميز بين الشي اللي يعزها و يحااااافظ على كرااامتها و بين الشي اللي يذلها ناس معيشه نفسها بوهم انها جذي بتستااانس كاافي غضبتي ربج اي وناااسه اللي يتكلموون فيهاااا ناااس تستاااهل الشفقه والله يهدي الكل

 

[StrOnG WoMeN]

تسلمين ع الموضوع
والي شدني العنوان حلووو وايد
صحيح الله موجود بكل مكان الي يخافون الناس يوم الحساب محد يتحسب مع احد كلن لحاله
وكل انسان مسؤول عن تصرفاااته والانسان لازم يفكر باخرته اكثرمن الدنيا هذي دنية فناء
مافي احلى من الستر اهم شي رضا الله عز وجل عني
الله يهدي الجميع ان شاء الله ويثبتنا على الايمان

 

[هيوونه@]

خوش موضوع
الله يهديهم ان شالله ويصلح حالهم
واللي ما يخاف من الله تتوقعين منه اكثر من جذيه
واللي تحط مبررات اهي قاعده تقنع نفسها بالغلط
الوحده ماتدري متى بتموت يعني لو جاك ملك الموت واني فاصخه الحجاب
الله الهادي

 

[سيدة الذوق]

ماقصرتوا حبايبي

 

[㋡..PRINCESS..㋡]

اي والله معاج حق شكثرهم هالحريم استغفر الله عسى الله يهديهم .. والله ما اتخيل اني ارخص نفسي وأقط حجابي سواء بالكويت أو بره ..

مشكوره عالموضوع ..

 

[سيدة الذوق]

العفو ياحياتي

 

[! بنت العاشره !]

الشرههـ مو عليهم على رجالهمـ


مافيهم غاريهـ طيب يعني هو في الديره ملبسها نقاب عشان الاهل والجماعه وربعه ما يشوفون سعاد حسني المدام

طيب فرضا في الديره اللي هو رايح يمها صادفه ولد عمه او ربعه شبسوي بقول لهم تنحنح يعني قول احم احم درب درب بكل مكان خخخخخخخخخخخخخخخخخخ

والا بيقعد يخشها من محل محل استغفر الله بس



وبعدين من قال انه الغرب مايعرفون النقاب وراح يكون شكلهم ملفت

لا بالعكس تمسكنا في ديننا شرف لنا


وراح يخليهم يعرفون شنو حنا امة محمد صلى الله عليه وسلم وحنا محنا تبع لحد


ليه هم لاجو ما يحترمونا تلاقينهم ما دروا عن هوا دارنا

ذكرتيني بوحده زوجها يقول لها لاتلبسين بعد خاف يقولون ارهابين

:0bee2e8d89:

اما الثانيه زوجها يقول لها لارحنا مصر والا سوريا لاتلبسين خليجي عساس ما بغلون علينا الاسعااار

>>> اقول يا خبلك ابك المصريات صكوا علينا في لبسة الملفع والعباة




وشاكره لتس الموضوع اللي خلاني اقرقر مع نفسي

 

[سيدة الذوق]

ياحلو سوالفج

صاجه مافيه غاريه ياحلو رياجيلنا شوي ويصيرون شرطة امن عشان يخشونا والله زوجي مره اول ماتزوجت كنت خبل جاهل 18 سنه اقوله كيفي ابي البس جذي انت ماتحبني لو تحبني تخليني علي راحتي

قالي حكمه


لو ماحبج اخليج علي راحتج بس عشان انا احبج ماتبين اخاف عليج من نار



صدمني صح يخاف علي من نار


يابعد عمري يابو مويضي هههههههههه

 

[طمــوح]

فعلا ..


اللي يلبس الشي لازم يكون سواه عن اقتناع كامل ان هذا فرض من الله تعالى ..


و على قولتج ربنا ينظر الينا و يرانا و يسمعنا و و و و فليش أنا البسه اهنيه و هناك لأ !


انا متنقبه و عباة راس و لله الحمد و كل مكان اروح و اسافر اوربا و امريكا و كل مكان و هذا شكلي هذا فضل من ربي و اهوا اللي مثبتني ..


البنات اللي نشوفهم جذي أبدا لازم ما نهاجمهم بالعكس ننصحهم بحب و رقه و حنان لأن اهما بالنهايه خواتنا و لا ناخذ الموضوع من باب السخرية لأن ممكن اييي اليوم اللي احنا نغلط فيه و نحتاج أحد ينصحنا و يمسك بإيدنا ..




و عسى ربس يهدي الجميع =)



حبيبتي ملاحظه مهمه :

لاتجوز لفظ الله معنا في كل مكان لأن الله مستوي على عرشه فوق سبع سماوات و ليس في كل مكان معنا
ولكن هو معنا بسمعه و بصره

و بارك الله فيج

 

[عاشقه رويشد]

اصلا هسالفه صارت ظاهره بكل مكان لازم الوحده تحسب احساب حق ربها سبحانه وين ما كانت مو لي سافرت مني ولا مني نست كل شي
وعلي تربيتها وبيئتها في وايد ناس يكونون مغصوبين علي الحجاب ولا العبايه او النقاب ولي سافرت تقط كل شي الله يحفظنا بس وجزاج الله خير علي هل موضوع

 

[katko0ota]

صباح الخير حبيبتي

ايي والله و انتي صاجه , انا شفت بعيني و محد قالي لما كنت ادرس بره جم وحده من البنات الي معاي بنفس منطقتي اذكر لما بنرد الكويت بالطياره يلبسووون حجاباتهم و لما نرد يفصخون . جم مره كنا نتناقش في هالموضوع و ما عندهم رد مقنع حجتهم انهم يخافوون من العنصريين اذافه انه ما في احد يعرفهم بهالديره ههه صراحه وااايد اقنعوني !!!

هالنوعيه من الناس الله يعينهم على نفسهم .

تقبلي مروري

 

[جنتي نوف]

فعلا ..


اللي يلبس الشي لازم يكون سواه عن اقتناع كامل ان هذا فرض من الله تعالى ..


و على قولتج ربنا ينظر الينا و يرانا و يسمعنا و و و و فليش أنا البسه اهنيه و هناك لأ !


انا متنقبه و عباة راس و لله الحمد و كل مكان اروح و اسافر اوربا و امريكا و كل مكان و هذا شكلي هذا فضل من ربي و اهوا اللي مثبتني ..


البنات اللي نشوفهم جذي أبدا لازم ما نهاجمهم بالعكس ننصحهم بحب و رقه و حنان لأن اهما بالنهايه خواتنا و لا ناخذ الموضوع من باب السخرية لأن ممكن اييي اليوم اللي احنا نغلط فيه و نحتاج أحد ينصحنا و يمسك بإيدنا ..




و عسى ربس يهدي الجميع =)



حبيبتي ملاحظه مهمه :

لاتجوز لفظ الله معنا في كل مكان لأن الله مستوي على عرشه فوق سبع سماوات و ليس في كل مكان معنا
ولكن هو معنا بسمعه و بصره

و بارك الله فيج

بارك الله فيج..والله كلامج درر..
الله يثبتنا على دينه ويصلح امرنا ​

 

[سيدة الذوق]

ماقصرتوا حبيباتي

 

[هدولى]

أنا بعد انصدم بصراحه من هالناس وهالرياييل انزين الدين بس بالديره وبره غير استغرب والله انا اختى منقبه ويوم سافرت بره ما قطت نقابها لانها تخاف الله والمشكله الحين الناس اشكره يقولون لج لو سافرنا نقط نقابنا والعبايه بس الله يهديهم .