يعطيج العافية خوش موضوع
ياربي على مصاريف شهر رمضان وتجهيزاته من اكل و لبس و قرقيعان و عيد
يكسر خاطري هالريل الله يعينه ههههههههههه
اي والله صاجه نارنجه الله يبلغنا الشهر الكريم ويعينا على المصرف
هالسنة باخذ الامور بهداااوة
ماني مجيلة البيت الا جيلتنا العادية
كل سنة اكود بالجلي و الكريم كراميل و العلالي و يظلون عندي سنة واخرتها ينقطون
والله صاجه خصوصا الجلي والهسوالف يتمون مدة ما يستهلكون ذاك الزود
كل اسبوع جمعية واخذ الي احتاجه و بس
اهم شي الطحين الابيض والاسمر و الهريس و اليريش واكيد هيل وزعفران وقهووووة
بسألج من وين تاخذين القهوة ؟ ابي مكان حلو انا متعوده الدولية او الرفاعي
السمبوسة ناوية الفها بنفسي او اعطي المطعم الهندي يلفها لي
ناوية على جم حشوة على قولتهم جنان
احنا الحمدلله لفننا سمبوسه وخاطري اييب الشغلات الغريبة من سمبوسه بوكس والمبوسه العادية من مال جمعية السرة شحلوها يبيعها
الكبب كبة البرغل من الديك الرومي
والله ذكرتيني بكبته يعطينا اياها مثلجه عادي ؟ ما تتفت بالقلاي ؟
وفي وحده جربت كببها حلوين ناوية اخذ منها كبة عيش بالمراعي صايره جنها لقيمات وروعه بالقلاي اول مرة ماتتفتت من الفريزر لي المقلا
و كبه البرغل المفلطحة جنه يسمونها كبة عراقية بعد عجبتني باخذها منها
و بلف ان شاااء الله رولات جبن كيري و مثلثات
وبجهز لي جم جيس بقدونس و كزبرة افرمهم و مكعبات قرع اثلجهم لزوم الشوربة للطواريء
المواعين يبلي دولكات البوفيه الي فيهم حنفية و طقم سفرة يديد يمكن اخذه من ايكيا عملي و رخيص ومفارش و ناوية امر دومو والله يستر ههههههههه
مخططه ابي اخلص هدوم العيد مالي خلق حوسة السوق برمضاان بحاول اشطب على كل شي ان شااااء الله امبجررر
وسؤال
تهدون جاراتكم شي بمناسبة رمضان ؟
ماقصد النقصة
قصدي هدية جذي
ودي بشي اقدمه لجارتي بعد عمري مومقصرة معاي الحرمة
