الله يبلغنا رمضان .... شنو تجيهزاتكم للشهر الكريم؟؟

[أغلى حبيبه]

ماشاءالله عليكم
كلكم رووووعه

واغلى حبيبه تهبببببببل فكرتج حق البف باستري
ويطيييييج الف عافيه عالفكره لاني شكثر اعاني من البف باستري
لم اجمده ودايما تخرب عندي بس احبهاااااا اموت فيها تضبط الااذا
جبتها من الجمعيه وسيده طبختها

ومشكووووره

الله يعافيييج حبيبتي

اي اشتريها وشكليها بعدين ثلجيها ووقت ماتبينها طلعيها وحطيها بالفرن

بدون ماتدهنين الصينيه

 

[أغلى حبيبه]

ما شاءالله اغلى حبيبه سنعه تبارك الرحمن

شكراا حبيبتي

 

[أغلى حبيبه]

اغلى حبيبه حبيبتي عليج بااااااااالف عافيه وتسلم ايدج
الله يعاافيج ابي اعرف شلون سويتي الطريقه على الاطراف مالت السمبوسه يهبل شكله

اله شريتها من رامز

بعد شوي اصورلج الاله ان شاءالله

 

[ابتسمامه]

روعه بصراحه تشجعون الواحد انه يفرزن ويخلص شغله بدري

 

[نارنجه]

شهرزاااد

:***

غيري اكلج فكري بالاكل الصحي وشوي شوي بتلاقين روحج مستعدة تلتزمين بأي نظام

تذكرت شغلة
البف باستري يحتاج لحرارة عالية
مثل الكيكة لازم يكون الفرن ساخن قبل ماتدخلين صينيتج ومو كل شوي تفتحين الفرن
لو عندج الفرن الكهربااائي بيكون احسن

وتعالي في الڤولڤون
من الكرامة و السنبلة
بف باستري جااهززز للحشو وحجمين العادي و الميني
العلبة يمكن فيها 20 حبة

 

[نارنجه]

زعفرانه

حبيبتي ترا عادي مرات بتلاحظين ان وزنج ثبت بس القياسات فرقت
اخذي متر و قيسي محيط البطن و الخصر كل اسبوع و بتشوفين فرق مع الايام

و عن تجربة الميزان خليه يوم واحد بالاسبوع عشان مااايصير فيج احباط
و ترا يبين معاج نزول الوزن برابع او خامس يوم رجيم

عندج رجيمي من رجيم سنتر جربي الاسبوع الاول ^^


وصاجة حبيبتي الزحمة تلوع الجبد

 

[ابدا يالغالي مانساك]

قووه بناات مااحد جااوب علي بطريقة البسبووسه

المهم بسالكم عن هالاله وين احصلهاا وابيهاا اصليه

 

[شهرزاد الحكاية]

روعه بصراحه تشجعون الواحد انه يفرزن ويخلص شغله بدري

اي والله توكلي على الله وخلصي شغلج عشان تتفرغين للعبادة في الشهر الفضيل ان شاء الله :eh_s(15):​

 

[شهرزاد الحكاية]

شهرزاااد

:***

غيري اكلج فكري بالاكل الصحي وشوي شوي بتلاقين روحج مستعدة تلتزمين بأي نظام

والله الحمدلله انا حييل اميل للاكل الصحي بس احيانا في انواع اكل احبها واعترف مو صحية مشكلتي مو بالكمية للاسف في النوعية
صارلي مدة اسوي دايت في عيادة ريجيمي سنتر والحمدلله نزلت عندهم ومازال المشوار مستمر :yaaaaaarb: الله يعين ​

تذكرت شغلة
البف باستري يحتاج لحرارة عالية
مثل الكيكة لازم يكون الفرن ساخن قبل ماتدخلين صينيتج ومو كل شوي تفتحين الفرن
لو عندج الفرن الكهربااائي بيكون احسن

يعني تتوقعين عشان الفرن بارد عشان جذي ماتضبط وياي العجينة وتطلع مو مستويه؟:bbbiu:
​

وتعالي في الڤولڤون
من الكرامة و السنبلة
بف باستري جااهززز للحشو وحجمين العادي و الميني
العلبة يمكن فيها 20 حبة

اي اشوفها جربتيها زينة تنصحيني فيها يعني :eh_s(10): شلون طريقتها الله يعافيج ....​

 

[زعفرانة_73]

زعفرانه

الله يوفقكم وييسر امركم

وننزل جميعا على صحة وعافية يااااااااااااارب ​

يسلمج ربي شهرزاد ليتج داخله معانا التجمع
شهرزاد فى موضوع نارنجه منزلته عن الوجبات حطى وجباتج عشان تلتزمين وما تخربطين بالأكل ويصير تشجيع​

 

[زعفرانة_73]

زعفرانه

حبيبتي ترا عادي مرات بتلاحظين ان وزنج ثبت بس القياسات فرقت
اخذي متر و قيسي محيط البطن و الخصر كل اسبوع و بتشوفين فرق مع الايام

و عن تجربة الميزان خليه يوم واحد بالاسبوع عشان مااايصير فيج احباط
و ترا يبين معاج نزول الوزن برابع او خامس يوم رجيم

عندج رجيمي من رجيم سنتر جربي الاسبوع الاول ^^


وصاجة حبيبتي الزحمة تلوع الجبد

نارنجه شفتى وجباتب ترانى ما اخربط نهائيا ، بس شكله وزنى من النوع صعب النزول والله أعلم ، الله يسهل وانزل لغاية يوم السبت، بس زوجى يقول وجهى خاق مو نفس قبل.:eh_s(22):
اشلون وجبات رجيم سنتر وجم كالورى باليوم يعطون؟​

 

[Mona Lisa]

يعطيكم الف عافيه حبايبي وبدعتوا بصراحه

ومشكورين وما قصرتوا وتقبلوا مروري

 

[زعفرانة_73]

سورى بدليه
وجباتب= وجباتي​

 

[نارنجه]

شهرزاد


الله يتمم عليييج :***
بسال جربتي چاي الاعشاب مالهم؟
صج ينزل الوزن بروحه من غير شي؟


ايه عن تجربة البف باستري يبيله فرن حار و مو كل شوي تفتحين الفرن عشان ينخبز عدل
انا اصف ثلاث حبات فوق بعض
و كل حبه اكون ماسحتها بجبن كرفت و اخر وحدة الي فوق ارش عليها جبن موزريلا و زعتر
مااااتعب نفسي بالتشكيل ^^

الڤولڤون يحليلها جارتي كل سنة تدز لي منه شغلها مرررتب ماشاااء الله
شريت جم علبه اجرب وحدة و اعطيج التفاصيل
وتسوي سمبوسة البف باستري بصانعة السندويشاات
تحط حبتين بف باستري فوق بعض و بينهم جبن كرفت او سلايس
بس احسهاا دسمة شوي

 

[نارنجه]

زعفرانه

يالله خوش بشااارة الحمدلله دام الريل ملاحظ يعني في نتيجة من الرجيم
واصلي و لا تملين الي ضعفوا مو احسن منج :***

انا مشتركة بنظام الرجيم مو الوجبات
مايعتمدون على السعرات الحرارية يعتمدون على نوعية الاكل الي تاكلينه
ويعلمونج تنظمين وقت الاكل ومتى توقفين
وكل اسبوووع نظام يختلف عن الي قبله
عشان جسمج ما يتعود

جربي الاسبوع الاول رجيم البروتين وايد يضعف

و عندج اخر رجيم الي فيه برتقال و روب هذا للبطن و الارداف


عوووودة لتجهيزات رمضضان

امس لفيت اصابع و مثلثاات بقلااوة عجينة الكرامة المربعه

جربت احشيهاا بنفس جبنة الكنافة طلعت روعه ماشاااء الله

جربوو هالطريقة و متاكدة مابتجربون غيرها للحلو ^^

ثلاث اكواب حليب سااائل تسخنينهم ع النار
وتضيفين لهم 4/3 كوب سميد نااعم
وخلي النار هادية لين يصير عندج مثل البشاميل
طفي النارر

وحطي قفشة كبيرة ماااي زهر و قفشة ماي ورد
وجيس موزاريلااا وخلطي


استخدميهاا سواء للكنافة او حشوة البقلاوة او البسبووسة


ولاتنسوني بصحن نقصة ^^

 

[نارنجه]

سورى بدليه
وجباتب= وجباتي​

لا عادي قريناها وجباتي
<< الايفون لاعب بحسبة الحرووف :eh_s(16):

 

[أغلى حبيبه]

اليوم رحت معرض الغذاء

المستوى حيييييييل ضعيف ما في شركات كثيره مشاركه ولا في كتب طبخ جديده نازله كلهم مالوت العام اللي مسوي عروض حلوه وسعره حييييل رخيص شركو المطاحن بنات ما خليت شي ما شريته كرتون زيت دلال وسمن الكبير وجميع انواع المعكرونه والكراتين البسكوت بانواعه كله طلع ب25 قتله متأكد ان هذيل كل اغراضي قام يضحك وقالي ايي

الشركه الثانيه اهي شركة الدانه كرتون ربيان جامبو بالبقسماط سعره 20 دينار فيه 16 علبه ربيان وكل علبه فيها 36 حبه وهم خذيت كرتون سمج هامور ب20 فيه جنه 20 كيس مو متأكده والجيس فيه كيلوا

الشركه الثالثه شركة اجبان جيس الموززاريلا ب500 وخذيت جبن بارميزان

الشركه الرابعه كي دي دي مسوين 3 علب كريمه ب دينار والقيمر ب1.100

الشركه الخامسه شركة wf مالت الصلصات هم عروشهم وايد حلوه

ماشاءالله عليج بالف عافيه مذهله

اقولج تره كتبت طريقه البف باستري جربيها وادعيلي

 

[فيلسوفة تتفلسف]

اب اب
​

 

[ايمانو حلوة]

الله يعينكم ياللي مسوين ريجيييييييييييم

انا لفيت سمبوسة جبن فونك وذرة وبصل اخضر عجيييبة وبعد شوي بشري بف باستري بحشيه موزوريلا وقشقوان وحلووم وبقدونس وشيدر وافرزنه وارشه سمسم محمص لذييييذ

 

[نارنجه]

السلام عليكم

توني رادة من المعرض


ماايسوى << يمكن لاني مخلصة اغراضي
عن قولت اني رحت المعرض خذت هالمواعين المغربية

و بهار قهوة الجزيرة

و

زعفرااان ايراني اصلي



وبث ^^