الله يبلغنا رمضان .... شنو تجيهزاتكم للشهر الكريم؟؟

[مذهلة 78]

ماشاءالله عليج بالف عافيه مذهله

اقولج تره كتبت طريقه البف باستري جربيها وادعيلي

الله يعافيج حبيبتي

عاد تدرين قاعده ادورها بين الردود ومو لاقيتهااا

 

[مذهلة 78]

السلام عليكم

توني رادة من المعرض


ماايسوى << يمكن لاني مخلصة اغراضي
عن قولت اني رحت المعرض خذت هالمواعين المغربية

و بهار قهوة الجزيرة

و

زعفرااان ايراني اصلي



وبث ^^

عليج بالعافيه وتتهنين فيهم

 

[مذهلة 78]

قووه بناات مااحد جااوب علي بطريقة البسبووسه

المهم بسالكم عن هالاله وين احصلهاا وابيهاا اصليه

بالغانم وانا شريت آلة الصاج فيها صينيه مدروه نفس الشكل اللي حاطته

 

[شهرزاد الحكاية]

قوة بنات انا رحت المعرض
شريت من المطاحن طحين اللقيمات والمعجنات
وبهارات هندية للبرياني
ومن ام اف صلصات السلطة اللايت و الكاري

عليج بالعافية نارنجه تتهنين بالمواعين يهبلون ​

 

[نور الفنر]

ماشا الله افكاركم عجيييبه


وعجبتني فكره الهديه ،،، بس رحت جم محل دورت سلال هذيل اللي بالصوره وهم دورت صواني الخيزران المدوره مالت اول مالقيتها

وماعندي وقت اتفرفر ،، عفيه وين القاهم ابي اروح عاى طول اخذهم ،، ومشتهيه انا اشكلهم مابي مالت الرفاعي

ناطرتكم بعد قلبي والله لايخلينا منكم خوات

 

[نارنجه]

شهرزاد

عليكم بالعاافية
ايه ماشاااء الله سوالف البهارات تارسة المعرض
و صلصات mf تهبل
يالله عاد نبي نشوف ابداعاااتج برمضان ان شاااء الله ؛)


وتسلمين بعد عمري انتي الي تهبلين :***


اشلونكم مع انقطاعات الكهربا
امس طفت علينا ٣ ساعات من ٥ لي ٨ وشي

اظاهر لازم نجهز ليتات يدوية و شموع لحالات الطوارئ برمضان
كلش مو وقته :/


/

نور الفنر

حياج الله اختي
وعسى الله يبلغج رمضاااان ويتقبل منج صالح الاعمال


السلال انواع واشكال و بكل الاحجام موجودين عند بياع الورد الي بحولي
الي يصير يم المطافي

والسلال القديمة جني شفتهم في سوق السالمية الي فيه سيتي سنتر
ملوت بو امية فلس حاطين سوالف القرقيعان

بس جنه ملوت بياع الورد احلى

 

[نور الفنر]

يابعد قلبي نارنجه مشكوره وايذ

 

[شهرزاد الحكاية]

نارنجه ان شاء الله بحط الطبخات في قسم المطبخ اذا مداني الوقت ان شاء الله

شلون جذي طفت الكهربا عليكم الله يعينكم بهالحر
والله يعينا برمضان ان شاء الله ما تطفا علينا يااارب
على قولتج لازم نزهب شموع و ليتات .. تحسبا للظروف ما ندري بعد ...​

 

[اللولو97]

موضوع بحزته


انا لفيت سمبوسه خلطة الاجبان وسمبوسه بيتزا وخضار وسبرنغ رول وطحنت طماط وجيسته وجبات وعلى الفريزر وسلقت عدس وطحنته

وجيسته وعالفريزر وسويت كبة برغل عشان برمضان تسهل الامور ما عندى خادمه ورتبت كبتاتى وتبرعت بالقديم من المواعين

كلما فضى المطبخ احسه ارتب وشريت جم دولكه ومواعين خفيفه للتغير بالشهر الفضيل

المعرض كلش ما عجبنى حسيته عادى ومافيه عروض الجمعيات كل شى فيها ما يسوى العنوه

باجى لى بس ارتب مواعينى واطحن بهاراتى ( احب اطحنهم اول باول تصير النكهه عجيبه ) مثل الهيل والكزبره والفلفل الاسود

وبالفتره الاخيره اكتشفت ان لازم ندخل الكركم باكلنا لانه يحمى الكبد باذن الله من السرطان الهنود ما يتسغنون عنه حتى الايرانين

اي وسويت شيره عبيتها بغراش وبس

 

[احساسي غريب]

ماشاءالله عليكم يابنات صج راعيات بيوت يعطيكم انا هالسنه حدي متكيسله مادري ليش يادوب قصصت خضره وجيستها للشوربه وطلب كبه وسمبوسه وسبرنغ رولز من وحده
باجر بروح المعرض ولشوف اللي ناقصني

 

[بحرينيه كوول21]

ماشاءالله عليكم
انه قررت السنه ماسوي شي وفطوري عند اهلي

 

[طير الحب]

اليوم استلم كبتى وسمبوستى من المره

بس مالى خلق كلششششششششششش

اشوف المطبخ لايعه جبدى منه

بس بحاول اطبخ اليوم بيومه ماعرف اجهز قبلها عاده قشره

 

[شهرزاد الحكاية]

الله يعطيكم الف عافية
ويبلغنا الشهر الكريم ....​

 

[نارنجه]

نور الفنر

العفووو ^^
وان شاااء الله يعجبونج اغراضهم


شهرزاد

الله يسر الاموور ان شاااء الله
عاد صج برمضاااان الطبخ و المطبخ يصير حووسة شوي




اللولو

ماشاااء الله
عليكم بالعافية و الله يديم الهمة و النشاااط ^^
وصاجة الكركم وايد مفيد



احساسي غريب

مشكوووووورة و موفقة اختي ^^

 

[نارنجه]

الله يعطيكم الف عافية
ويبلغنا الشهر الكريم ....​

اللهم اهلّه علينا بالأمن والايمان
والسلامة والاسلام
والعافية المجلله
ودفاع الاسقام والعون على الصلاة والصيام
وتلاوة القرآن
اللهم سلمنا لرمضان
وسلمه لنا وتسلمه منا
حتى يخرج رمضان وقد غفرت لنا ورحمتنا وعفوت عنا"

اللهم آمين يارب العالمين


مبارك عليج الشهررررررر مقدما ^^

 

[نارنجه]

في عضوة دزت لي رسالة تسال عن الكبب الي اخذتهم
رديت بس للاسف صندوق رسائلها مليان
فما اندزت لها رسالتي


عاد يارب تقرا ردي هني :

كببها مافيها زفرة و حشوتها راهية و بهاراتها حلوة

اخذي كبة المراعي و كبب العيش ملوتها حلوين سواء بالاشبنت او العادية
كبة البرغل مالقيت احسن من كبتها بس مثل ماقلت حشوة اللحم فيها طعم شبنت اشوي مثل حشوة كبب العيش
بس للامانة متماسكة و ما تتفتت بالقلاي و من الفريزر للمقلا لاتذوبين شي

كبة المراعي حلوة
بس لا تاخذين حشوة البيتزا لان الجبن يسيح بوقت القلاي فما انصحج فيه

كبة العدس ماانصحج عادية مافيها شي زايد
كبة الربيان حلوووة حشوتها بس لما تقلينها حطي زيت مو غزير
كبة الجريش للاكل وايد حلوة سواء للقلي او تحطينها بالمرق


وفي عندج كبب يحطونها بالجرايد
كيفكو
اختي جربتهم العام تقول كببهم حلوة بس حجمهم صغيررر سواريه على قولتهم



وان شااااااء الله يعجبج شغلهم ومايفشلوني لووووووول

 

[نطوووعه]

بنات معرض الغذاء والمواعين المغربيه للحين فاتح؟
و المعرض المصري؟

 

[مناوي الكويت]

يعطيكم العااااااااااااااااافيه علي التذكير

 

[نارنجه]

بنات معرض الغذاء والمواعين المغربيه للحين فاتح؟
و المعرض المصري؟

ايه اخر يوم تاريخ 19

 

[نارنجه]

الله يعافيج مناوي

الله يجزى شهرزاد الحكاية كل خيررررر الي فتحت هالموضوع و جمعتنا &#55357;&#56856;