الله يحفظكن يابنات الكويت المساعدة ....

[kraza]

​

انا احب اسوي الشغال اليدوية وااااايد بس لما اسوي افشل واكثر من مره حاولت ولكن افشل ودايما الاغراض مالوتي غالية السعر واخر شيء اغطهم بالزبالة (اكرمكم الله) وعلى فكرة دخلت بالصيف معهد وما نفع دلـــــــــــــوني الله يجزاكم الف خير والله ادعي للي ترد علي بشيء يفيدني رجاءا باسرع وقت الله لا يهينكم .....


أخـــــــــــــــــــــــــــت الكظمـــــــــــــــــــــــــــــــــــــــــــــــــــاوي

 

[al-zabarjad]

دايما اشتري الرخيص
ومن الاشياء اللي عندج


شوفي شغل البنات وحاولي تقلدينهم
وهمن شوفي صور وااايد راح يصير عندج افكار
وشوي شوي يصير عندج مهارة
وخاصة مدام تحبين على كثر اطلاعج وممارستج للشغلة راح تضبطين
بس اشتغلي بالاشياء لرخيصة احسن

وموووووووووفقة ان شاء الله

 

[kraza]

مشكورة أختي al zabarjad على اهتمام بموضوعي وانج رديتي علي بسرعة .... والله يحقق لج كل الي اتمنيته ويعطيج لين يرضيج...أأأأمين


أخــــــــــــــــــــــــت الكظمــــــــــــــــــــــــاوي

 

[AnGel GirL]

حبيبتي ماشالله وايد اشوف بنات يحطون خطوات للاشغال اليدويه مو لازم معهد دشي السايتات اللي فيها تعليم وتعلمي منهم ومو كل هوايه شرط انج تبدعين فيها كافي انج تسوين شي تحبينه
وكل ماتسوين شي احتفظي فيه لان التعلم بالتدريج مو مره وحده

 

[al-zabarjad]

ولو اخت عزيزة وغالية

 

[عهد الامل]

حبيبتي الاشغال اليدوية
ابداعها الحقيقي في الاشياء البسيطة واغلبها الي مانستعملها
اوااللي بنرميها وانا مستعدة لمساعدتك
في تعلم كل اللي تحبين تتعلمينه ومن البداية

 

[kraza]

مشكورين يا بنات (عهد شنكوتي وAnGel GirL)والله يوفقكم ولج تحية خاصة ياأختي عهد على مساعدتج لي والله يعفو عنج ويرضى عنج ويرحمج وطبعا يا خواتي تستاهلون كلكم وطبعا انا ماأقدر أتواصل معاكم دايما ان المدرسة ماخذة كل وقتي وأمتحانات والله كريم أدعولي أن الله يوفقني

أخــــــــــــــــــــــــــــــــــــــــــــــــت الكظمـــــــــــــــــــــــــــــــــــــاوي

 

[Swan]

البنات كفوا ووفوا
بس كثري محاولاتج ولا تيأسين
كل مره تفشلين تعرفين فيه وين الغلط وتنجحين في المره اليايه

انا اذا جربت شي يديد اول شي اتصور شكله بخيالي بطريقه التركيب كامله واذا صعب ارسم الطريقه والتفاصيل
وبعدين احاول اطبقها من غير قص ولزق واركب كل شي بالمكان اللي انا ابيه واذا ضبط بديت اقص واضبط كل شي بالصمغ
هذي طريقتي وان شاء الله تستفيدين منها

 

[ebtsama-3re9'a]

لازم تتخيلين الشي اللي بتسوينه اول قبل لاتشترين اشيائج

وبعدين تحاولين تسوين الشكل اللي يطلع وياج شي تحطين وشي تشيلين

ليم يعجبج الشكل بعدين تثبتينهم ابعض

ولازم تجوفين المحلات مثلا بوابة الهدايا اماكن التزيين
محلات الككاو

وهالسوالف

والنت متروس من الاشياء والصور جوفي وقلدي
وبعدين بتاخذ ايدج

 

[princesse X]

حبيبتي الأول لازم تحددين نوع الشغال لان مجالها واسع ثانيا لازم تعرفين انها تبي صبر يعني مثلا لم ألون شي مرات لازم انطر اكثر من يوم علشان اسوي الخطوة التالية ثالثا الاتقان يتحقق بالتكرار
نصيحتي لكل مبتدئة انها تخلي العمل اللي مايعجبها وتسوي غيره لان كثرة محاولات الاصلاح تحبط اكثر الاوقات لا تقطينه خليه وارجعيله بعد مدة لكن اذا حبيتي تصلحين عيدي عمل جديد من الأول