الله يحقق امنية كل وحده تدخل وترد علي تكفوووون يابنات {البصل و السدر للشعر}

[بريانكا تشوبرا]

مرحبااا بنات شلونكم
شخباركم
:::
ماراح اطول عليكم
بس بقولكم معاناااتي مع شعري

من زمااان وانا شعري يطيح بالهببببببببببل
وتعقدت منه
وشهر 5 اللي طاف قصيته عشان اعتني فيه مع اني اكره الشعر القصير
ووقعدت احط يوم وترك زيت برشوت للشعر ومانفعني خير شر
وبرمضان كله احط دابر املا ولا سوالي شي
صح حسيت بدا ينبت شوي
بس التساااقط اااخ منه
وربي ماخف ولاقالها الله
يطيييح بالهبل
وخفيف

وانا قاعده اتعبتث بالنت سمعت عن البصل للشعر :eh_s(16):
وحيييييييييييييييييييييييييل يمدحووونه
ومتردده احطه اولا
بصراحه حدي خايفه اني احطه بشعري ومن الريحه
تكفوون اللي جربته تقول تجربتها

وعندي سؤال ثاني :eh_s(20):

السدر اذا حطيته بشعري اقدر اصبغ شعري وراه والا مثل الحنه مايصير
:bye22::bye22::bye22:

 

[دنيا جديده]

رد: الله يحقق امنية كل وحده تدخل وترد علي تكفوووون يابنات

ماعندي فكره بس رفع لعيوووووووووووونج

ان شاء الله البنات يفيدونج

 

[بريانكا تشوبرا]

رد : الله يحقق امنية كل وحده تدخل وترد علي تكفوووون يابنات

بنات
ويييييييييييييييييييييييييييييييييييييييينكم

 

[هنـــاي]

رد: الله يحقق امنية كل وحده تدخل وترد علي تكفوووون يابنات

الله يكون بعوونج اختي....

روحي دكتووور جلديه.. افضل
وهو راح ينصحج...


وعسى الله يوفقج ويحقق مرادج....

 

[بريانكا تشوبرا]

رد : الله يحقق امنية كل وحده تدخل وترد علي تكفوووون يابنات

واالله رحت دكتور وعطاني شامبو وسيروم مادري شنو
والله مانفعني كلشششششششششششششش

 

[كسرت غروري]

رد: الله يحقق امنية كل وحده تدخل وترد علي تكفوووون يابنات

شوفي حبيبتي اول شي البصل مره حلوه خصوصا لاسويتي طريقته ويا البصل واتحدى لاصار به ريحه تعالي وطقيني هذا عن استخدام شخصي وانا ترا شعري معفن اي شي يلصق به بس هالشي مالصق به الطريقه هي كالاتي
تحطين بقدر بصله مقطعه اربع اقسام كبار وفصين ثوم كل فص نصين وخليه يطلخ بالمويا مقدار كوبين مويا تقريبا المهم يغلي الين مايصير اصفر واذا تبين نتيجه احلى حطي حلبه للامانه ماجربتها مع الحلبه بس سمعت مدح لها بنفس هالطريقه والمهم لاطبخ اعجني سدر بالمويا وحطي 3 ملاعق زيت خروع و3 ملاعق زيت زيتون واعجنيه زين زين وحطيه زي الحنا حطيه اول شي 3 مرات بالاسبوع لمدة اسبوعين بعد اسوبعين حطيه مرتين بالاسبوع وبالتدريج الين مايصير مره بالاسبوع وبس لاغسلتيه لاتغسلينه بشامبو اغسليه بمويا لحاله وحطي وراه حمام زيت عاتي تلاقينه شوي مدبق مو نظيف حيل حطي فوقه زيت اللي انتي تحبيه خليه خمس ساعات عقب اغسليه بشامبو مخفف بمويا فقط
فهمتي علي حبوبه وانتي وزيتك اللي تستخدمينه اللي يناسبك
بس شوووووووووووفي ترا الشعر لاتعود على السدر لاتركتيه يطيح يعني تلازمين هالطريقه كل بين فتره وفتره لازان شعرك اول شهرين تلاقينه مكثف الاعتناء فيه بس بعدين لازان لا بس يدوب شي روتيني عشان مايطيح
وبالنسبه للصبغ ماتوقع يضر تقدرين تصبغين عادي عقبه مو زي الحنا موفقه
ادعي لي بالتوفيق والرضى وربي يحقق مبتغاي ان شاء الله >>>شوفي شرط الدعاء خخخخخخخخخخخخخ
واذا تبين طريقة زيت حلو قوليلي بس ترا له ريحه هذاني حذرت من اول بس ممتاز للشعر
موفقه حبيبتي

 

[بريانكا تشوبرا]

رد : الله يحقق امنية كل وحده تدخل وترد علي تكفوووون يابنات

كسرت غروري
ياقلبي
مشكوووره وماتقصرين
وان شاء الله بجربها يوم الخميس
عشان ماقدر ايام الدوام
والدعاء ابشري ياقلبي
بدعيلج سواء نفعني او لا
مااقصرتي
والله يرزقج يارب
الف شكر لكم

 

[معاني الحب]

رد: الله يحقق امنية كل وحده تدخل وترد علي تكفوووون يابنات

ممممممممممم

مافي احد شعره مايطيح
بس الغلط اللي سويتيه انج غيرتي الزيت مرتين

لان كل زيت تستخدمينه لازم تسمرين عليه سنه وبالتالي يبين نتيجته
مافي شي بسرعه يعطي نتجه فوريه

وطريقه السرد الكل مدحها ومعروف عنه السدر بس اهم شي انج تستمرييين على الي تسوينه

والدهونات داابر حلوو بس استمري عليه

امي تحط معاه زيت الحيه وزيت النخيل


اخلطيهم واستعمليهم

وانشالله يفيدون بس لاتقاطعييييييييييييييييين على اي شي تسوينه

استمري اقل شي 6 شهور وبعدين تبين النتيجه

والله يسهلها عليج ويوقف التساقط

 

[حنين]

رد: الله يحقق امنية كل وحده تدخل وترد علي تكفوووون يابنات

اولا سويتي تحليل دم احتمال نقص فيتامين
ثانيا جفتي فروة شعرج فيها قشره ترى في قشره نخفيه وقشره ظاهريه القشره طيح شعر
اذا فيج قشره عالجيها
ونصحج بالحنا وكريم فاتيكا حده عجيب مايسوى سعره سئلي مجرب +_علاج شعر

 

[الفـارسـة]

رد : الله يحقق امنية كل وحده تدخل وترد علي تكفوووون يابنات

كلنا الله يعين

شوفي أختي إذا غسلتي شعرج خلي الماي فاتر مايل للبروده شوي عشان تصكر مسامات الشعر وتمنعه من التساقط

والبصل والله يمدحونه بس الريحه وويع

كانت عندنا خدامه اندونسيه تحطه مع ثوم واااااااااي مو صج كل البيت جبودهم تحوم والبيت ريحته يفشل

إذا أنتي مو متزوجه حطيه بس فالويكند عشان يمديج تشوفين الريحة بتروح قبل الدوام ولا لا

أحس قرقرت واايد لوووول

موفقه حبوبه

 

[نورالدنيا***]

رد : الله يحقق امنية كل وحده تدخل وترد علي تكفوووون يابنات

شوفي اذا انتي تسوين ريجيم وتبين تنزلين اكثر من 10 كيلوو لازم يطيح الشعر لان جسمج قاعد يمرر بتغيرات كبيره تلاقين حتي الدوره الشهريه تتغير من الرجيم كل شي يتغير ويتاثررر حتي بشرتج راح تتغير طبيعي

بعد مايثبت وزنج كل شي يردد لاتخافين بس يبيله صبر من وجهه نظري استمري برجيمج الجسم اهم تقدرين تغزين ابرر براسج وتاخذين فيتامينات

 

[عيميه عسوووله]

رد: الله يحقق امنية كل وحده تدخل وترد علي تكفوووون يابنات

اب اب

 

[نور مغليها]

رد : الله يحقق امنية كل وحده تدخل وترد علي تكفوووون يابنات

انا احط بصل ع شعري لاا ومعاه ثوم وفلفل بعد .. لا تستغربين والله ان ما طووول شعري وكثفـه الا اهم ..
لا تخاافين من ارريحه تروح بسرررعه .. واذا كنتي تدرسين وتداومين خليها بيوم من الاياام اذا جيتي من المدرسه حطيهم ع شعرج وع العصر او المغرب غسلي ..

وفي زيت مقوي بعد اسمه كاشيور لونه أحمر صغيرر يمنع تسااقط الشعر ويخلي الشعره قويه استخدميه مرتين بالاسبوع لمدة شهرين
يوقف التسااقط ويعطيه لمعان وكثاااافه واللــه عن تجربـه ...

موووفقهـ

 

[خجل انثى]

رد: الله يحقق امنية كل وحده تدخل وترد علي تكفوووون يابنات

يالغاليه لا تنسين التغذيه الداخليه اهم من الخارجيه
البروتينات والمعادن والفيتامينات والحديد والكالسيوم مهمه لتغذيه الشعر

وان شاء الله البنات ما راح تبخل عليج ​

 

[Karboshaa]

رد : الله يحقق امنية كل وحده تدخل وترد علي تكفوووون يابنات

ياارب الله يحقق أمنيتى وعشاان هالدعوه الحلوه برد عليج.. شوفى مغلى البصل والثوم مافى أحلا منه ولا ريحه ولاشى ثقى ونصيحتى كل جمعه لالالازم حنا وأختاريلج يوم بالاسبوع سدر حتى لو بعد الدوام لأن السدر هين أربع ساعاات ودهن زيت الحيه مع اللوز الحلو بس بدون أضافات ولازم تدليك ثلث ساعه مع الدهن وفى بالحواج شامبو بالسدر أسمه صحت روووووعه ونصيحه كل ماغسلتى شعرج غسليه من تحت فهمتى على يعنى تكونين مدنقه راسج وتغسلينه.. تقبلى مرورى وبالتوفيق

 

[عــاشــقــه]

رد: الله يحقق امنية كل وحده تدخل وترد علي تكفوووون يابنات



جربي حبوب سفن سيز آو زهرة آلربيع رووعه حق آلشعر وآلبششرهـ وآلأظآفر

وعندج زيت آلخروع وزيت آلصبآر للتسسآقط عجييب

 

[**نسيت أنساك**]

رد: الله يحقق امنية كل وحده تدخل وترد علي تكفوووون يابنات

ترى انا داشه بس عشان ارد عليج واطلع

واعرفي مادشيت الا وراي شي خطير

تعرفين الصبار

اي الصبار الطبيعي اللي بالمشاتل اشتريلج وحده

وحطيها عندج بالبيت و قصيها وطلعي الجل اللي فيها لزج شفاف

وحطيه على شعرج قبل السبوح بساعتين

والله ثم والله هالصبار مثل السحر من 3 استعمال يبييين خف

4 استعمال ماكوو شعرتين تطيح

جربيه وانا اضمنلج اياه واذا طاح شعرج لج اللي تبين


واذا تبين شي دزيلي رساله خاصه لانه انسى ومارجع لنفس الموضوع

 

[بريانكا تشوبرا]

رد : الله يحقق امنية كل وحده تدخل وترد علي تكفوووون يابنات

ياابناااااااااات
والله انكم خوات دنيااا
ياربي يحقق كل امانيكم
ويسعدكم
ماقصرتوووو يالغاليين
موفقين

 

[سارحة بالغنم]

رد: الله يحقق امنية كل وحده تدخل وترد علي تكفوووون يابنات

​

في خلطة مجربتها لشعري ومستانسة منها لان نتيجتها روعة للشعر(زيت خروع_زيت لوز_زيت كيشور)+محلب حطية مو اقل من ساعتين الي 4 ساعات .

والسدر روعة للشعر وفية حديث للرسول صلى اللة علية وسلم مو ذاكرتة بس بما معناة لووضع السدر في راحة اليد لنبت الشعر.

فية طريقة السدر المعجون بماي البصل والثوم حلوة جربيها وقبل كل شي شوفي نسبة الحديد عندج.:ceaf32e183:

 

[اسماء العتيبي]

رد : الله يحقق امنية كل وحده تدخل وترد علي تكفوووون يابنات

شوفي يالغاليه

للتساقط حبوب الزنك استمري عليها كل يوم حبه ثم بعد 10 ايام خوذي حبه يوم ويوم لا

ابي اعطيك خلطة زيت وربي تجنن وانا كجربتها وطال شعري عليها

زيت نارجين اللي علبته خرا