الله يخليكم قولوا لي هل انا طبيعيه او لا

[اخلاقي تكفيني]

عظم الله اجرج حبيبتي
مثواه الجنه ان شاء الله
و الله يرحمه و يرحم اموات المسلمين
و الله يكون بعونج
صبري و احتسبي حبيبتي
وكل شي بأجره

 

[كايبه]

انا عضوه معاكم هني

دخلت باسم يديد عشان اخذ راحتي بدون حواجز وجذي

انا يايه اليوم ومثل مايقولون ابي افضفض

لاني وحيدة امي وعندي اخوان

ابوي من ثلاث أشهر عطاكم عمره بحادث

ماتتصورون شلون كنت معتمده عليه ابكل شي

ابوي شي وايد كبير بالنسبه لي

احب امي بس اهو غير

من كبرت وانا احس باشياء ماقدر افسرها

حلمت بوايد اشياء قبلها بجم شهر كنت خايفه عليه والعن بليس

ومن يا اليوم إلى ياا اخوي الجبير وقعد يحجي لأمي وشلون امي قعدت تلطم

قلت اكيد اهو مافي غيره

سمعتهم يقولون بالانعاش ماقدرت اروح لهم خفت اللى ابالي صج

والله مو متذكره شلون يالي الخبر

احس كل شي صار بسرعه بغمضة عين

والى اليوم جني بحلم

والله العضيم وربي شاهد علي

ماقدر احد يجيب طاريه لي ماقدر اقعد جني ياهل اسد اذوني

تغيرت وايد اشياء فيني اولهم على الصعيد الشخصي

صرت ماحب اطلع ولا اختلط باقرب الناس لي

شكلي وايد تغير

اقوم من النوم افز جني ياهل ادور على احد ينبي مافيه

ابي اطلع اصرخ اسوي أي شي مو قادره

ابطل الليتات وادور بداري

صرت مثل المينونه

ابي ابجي وجنا احد بداخلي يقولي واذا بجيتي راح يرد من الواقع شي

قاعده احلم فيه وايد وهذا الشي وايد ماثر فيني

ادري مابيدكم شي بس ابي احد يقولي شسوي تذكروا ان مافي شي يضيع عند رب العالمين

انتوا مثل خواتي وابيكم تساعدوني ادعولي بظهر الغيب ان الله يريح خاطري

واذا عندكم رقم دكتوره نفسيه واي أي احد اقدر اتواصل معاه بالنت لاتبخلون علي

قاعده اكتب لكم واحاول اصف بالكلام وماني عارفه

لعل وحده منكم تعرف لحالتي تعطيني نصايح تطيب الخاطر

والله وايد تعبانه احس حتى النفس صعب علي

شسوي شورا علي

ناطرتكم لاتخلوني والله بوفقج من ترد علي راح ادعي لها بظهر الغيب

عظم اللة اجرج ياالغالية شى طبيعى لا نج تفكرين فية وايد عشان جذى تحلمين فية تعوذى من شيطان واقرى سورة ياسين على ابوج اهو محتاج الحين اكثر من اول انج تدعين لة وتصلين وستغفرى وان شاللة تطلعين من الى فية واى شى تبين طرشيلى ع الخاص يمكن اقدر اساعدج و انا نفس اختج ........ماتشوفين شر

 

[بحر الذكريات]

حياتي دمعت عيوني

عسى الله يرحمه ويغمد روحه الجنه يارب ويمسح على قلبج

وادعي ربج اللهم امسح على قلبي

 

[فـي ع ـيون خلـي]

الله يرحمه ،،،،

والله يصبرك ان شاء الله

 

[رحمتك ياالله]

الحل عندج
تقرين كل يوم سورة يوسف سبحان الله تمسح على قلبج وتنسيج الحزن
طبعا القران كله خير وبركه بس هالسورة كل يوم اقريها
وتذكري ان اهو راح عند ربه الي خلقه وكلنا بنمر بهدرب
وادعي له دايم وتصدقي عنه لانه بيحس بكل شي تسوينه عشانه

الله يرحمه ويرحم كل اموات المسلمين ياااارب ويصبركم على فرقاه

 

[SkyPink]

حبيبتي شصار معاك ..ترى رسلت لك ايميلي ...طمنيني عليك..

 

[الزين 85]

ياحياتي اقري له قران وربي يرحمه يااااااااااارب ومثواه الجنه وتصدقي عنه

 

[عويتقة]

يااارب يرحمه ويسكنه فسيح جناته ويصبركم على فراقه يااااااارب العاليم
حبيبتي هذا قدر رب العالمين ومشيئته ولازم نسلم بالامر وفي النهاية كلنا بنموت فكري حبيبتي فمستقبلك وادعي لبوك بالرحمة والغفران وأقرأي له القرأن وابكي ابكي ابكي لحد ماترتاحين والله البكاء بيريح بس بيريح اكتر لما تكونين ساجدة صلي وابكي واطلبي رب العالمين انو يصبرك ويرزقك التبات انتي مو لازمك دكتور نفسي انتي بأيدك تعالجين نفسك وبأرادتك بتخرجين من ها الحالة اخرجي من البيت وزوري اقاربك او صحباتك او تمشي يعني ماتبقين منعزلة حتا لو ما الك نفس بس لازم تخطلتي بالناس ولو عندك هواية نميها وابدعي فيها حتا لو ماعندك نفس شوي شوي بتنفتح نفسك حبيبتي انتي بهادا التصرف كأنك معارضة عن حكم الله اكيد انتي ما تقصدين الله يعينك بس فكري انك شدي يتتأزمين اكتر استغفري وصلي وادعي ودعواتنا معاك ويااااارب يفرج همك ويفتح لك ابواب الخير ويرحم ابوك ويرحم جميع موتى المسلمين

 

[آدمنت قربككِ]

الحمدالله حبيبتي عندج اخوان
لازم تطلعين من هالحااله
عشان ابوج ويدج يرتاحون بقبرهم
ادعيلهم بالرحمه والمغفره
كللنا على نفس الطريج
=))

 

[Pearl Qatar]

الله يرحمه ويسكنه فسيح جناته

حالتج طبيعيه حبيبتي ومايبي لج عياده نفسيه ولا دكتوره ولا دكتور

يبيلج فتره لين تردين طبيعيه وتنسين وشي طبيعي تجي لج احلام ,, لان مخج شغال ويفكر في الوالد رحمة الله عليه ,,~ كل ماتذكرتيه ادعي له بالرحمه ,, تصدقي بكل شي .. روحي عمره مع امج واخوانج وعمرو عن الوالد ,, سوي كل خير حق ابوج وصدقيني مع الايام بتنسين ,, وراح تتقربين من أمج وايد .. والله يحفظج حبيبتي ويبعد عنج كل سوء ,, ويسعدج وييسر لج امورج


​

 

[فراشة كويتيات]

الله يرحمه يارب انا سار فيني مثل حالتج وكنت اصلاً بموت لاني فقدت اعز الناس عندي ونفسج بعد بحادث وصج جاتني احلام واحاسيس مثلج بالضبط بس انا فقدت رفيجتي تؤام روحي وانا اعرف مركز توازن هذا دكتور نفسيه حده يريح اخذي رقمه من البداله قولي ابي مركز توازن والله يكون بعونج يارب ويغفر لأبوج

 

[فراشة كويتيات]

بس حبيبتي حاولي تروحين له ترى يريح حيل حتى لو شي طبيعي اساساً اهيا شغله عاديه المراجعه عند دكتور نفسي موشرط يكون في شي بس انتي روحي عنده وبتتعدل نفسينج بأذن الله واذا تبين اي شي او تبين رقمه كلميني ع الخاص حبيبتي

 

[الصبر مفتاح]

حبيبتي شصار معاك ..ترى رسلت لك ايميلي ...طمنيني عليك..

انا بخير عايشه بهالدنيا
راح اضيفج عندي حبيبتي
ماقدر ارد عليج بالخاص مشاركاتي قليله
عسى الله لايرد لج دعوه
ويفتحلج ابواب رحمته

 

[الصبر مفتاح]

مشكورين بنات
كل وحده واستني وردت علي عسى الله يجبر بخاطرها ويعطيها على قد نيتها
تنحطون على الجرح يبرى
وايد ساعدتوني
مشكورين ويزاكم الله خير

 

[الصبر مفتاح]

فراشه وايد صعب اروح له
راح اشوف رقمه من البداله
حبيبتي مشكوره

 

[golnaz]

حبيبتي والله دمعت عيوني من قريت كلامج قطعتي قلبي عسى الله يرحمه ويغفرله بس اول شي هاذي حكمة ربج !! وانتي بحالة طبيعية بس اكيد بتتغيرين ونفسيتج تتعب لانج فقدتي انسان عزيز عليج لكن بقولج شي الي انتي فقدتيه جسد ابوج لكن روح ابوج راح تضل عايشة داخلج !! اهو الحين بحاجتج انج تدعيله الله يغفرله و تقريله القرآن وصدقيني راح تحسين فيه عايش معاج و كلما تشتاقيله روحي زوريه و اقريله القرآن وتصدقي عنه وعسى الله يصبرج ترا كلها فترة وبتعدي حبيبتي

 

[الصبر مفتاح]

حبيبي ابوي اهو مو حاظر بقلبي اهو بعيوني اللى اشوف فيها كل يوم
يطري علي ابكل وقت
الحمدلله على كل حال
ادري ماراح يرد لي
الله كريم بهذا الشهر الفضيل يمسح على قلبي
مشكوره حبيبتي

 

[noura ooo]

الله يرحم ابوك بواسع رحمته ويغفر له ويعفو عنه ويجاور النبي صلى الله عليه وسلم في الفردوس الاعلى
والمسلمين اجمعين
ثاني شي انتي تمرين بصدمه عاطفيه وعصبيه
مو سهل اللي صار معك
بس هذا المكتوب وكلنا بنموت
الله يهون عليك يارب ويصبر قلبك

 

[بقــآيآ جـروح]

الله يرحمه ويغفرله ويعفو عنه ويشرح صدرج ويسهل امرج

 

[Beauty is Me]

عظم الله اجرج حبيبتي

اللي تمرين فيه صعب

صعب تتقبلين احد يواسيج ويقولج صبري

لان محد بيحس بمعاناتج الا اللي مر فيها


انا صادفتني بحياتي حادث فقدت شخص

وكنت مثلج بس احووووس

لا اقدر ابجي


ولا اقدر اقمت البجيا

كنت احس روحي معلقه

شعووور بالوحشه يذبح

قوي ايمانج برب العباد


ابوج بأمان لا تحاتينه
اهوه تحت رحمه رب العالمين

والله رحمن رحيم

انا متاكدا انه ابوج كان شخص وايد زين

لان دايما اللي ينفقد يكون غالي

لا توسوسين

كل ما تذكرتيه قطي عنه صدقه

او سوووله ماي سبيل

حاولي تصيرين مع امج

ترا حتن اهيا فاقدته

حبيبتي ابجي وطلعي اللي بقلبج بعد الصلاه

كلنا تحت رحمه رب العالمين

وانشالله الله يجمعكم بالجنه

وادعيله بالرحمه والمغفره

واي وقت بتفضفضين دزيلي عالخاص


الله يصبرج وينور دربج