الله يخلييكم مساعده لشهر عسل في ماليزيا

[soo_soo]

السلام عليكم

بناات الله يخليكم ابي مساعدتكم
الله يسلمكم اخوي الله يهدييه ياارب توه يقولي انه يبي شهر العسل في ماليزيا ولا عرسه باقيله 3 اسابيع يعني مادري
يمديني اسويله كل شيي من حجوزاات والخ ياارب الحلق

بس المشكله انا ماعرف اييييييي شيي عنهاا ولا اعرف شنو المناطق الي تصلح للعرساان

خل ابدي من بدايه اهو محدد 20 الف ريال يعني تقريبا 1500 دينار وراح يقعد تقريبا 10 ايام اسبوعيين

ابي تنصحوني شنو احسن خطوط طياران واسعارها كويسه

وترا اخوي ملتزم شنو تنصحون في مناطق هااديه ومافيها عاالم كثييره وبنفس الوقت ونيسه
وورمانسيه عرفين عرساان
مو مشكله اكثر من منطقه


يعني بلمختصر شنوو تنصحوونييي

وابي مواااقع اشوف فيها الفنااادق ونحجز منها وتكوون ويكون سعرها حلوو

بنات ماتعرفون مثل نظام مالديف مثل البيت صغير ويكون على البحر ومسكرر ولا مسبح خااااص ومسكر اذا تعرفون يالييت تعطوني موقعهم ولا شسمه


انا راح اسوي بحث عشان مافي وقت بس هم ابيي مسااعدتكم:0bee2e8d89:

الله ياسمحه اخوي ليته قايلي من اول ويكون عندي وقت بس الحين احس مافي وقت :cxxxp:

 

[M!$$.3NoNa]

حبيبتي

حجزي له في فندق ابراج بيراميد الي في صن وي لاقون (سلانجور ) هذي رومانسيه بشكل حلوو وهاااااادئه وايد وكلها معاريس لوول

وخل يروحون يوم من الاسام جنتق ( هذي مدينه فوق السحاب تونس الغيوم تصفق في خدوج ) الطريج تقريبا نص ساعه من كوالالمبور مو وايد بعيده يروحنها بتكسي او بتلفريك مو مشكله


وبخصوص الحجوزات

مم طيران الخيلج حلووه

والقطريه هم حلوه

انتي شوفي شنو الي تحصلينه مناسب والله يوفقهم

 

[فرفوشة]

حبيبتي سوسو آنا كنت مسافرة ماليزيا هالعطلة واستانست وايد وايد كنت مسوية برنامج شهر عسل مع إني متزوجة من زمان بس كنت حابة أجدد شوفي يالغالية:
بالنسبة للخطوط :القطرية /الامارات روعة آنا رحت عليها
أهم المواقع اللي استفدت منها زاد المسافر تقرير واحد اسمه عاشق القمرة راح يغنيج عن ألف موقع وعندج العرب المسافرون
أهم الأماكن :
1-الصن واي لاجون أنصح يحجزون فيلا مع مسبح خاص بس إذا يبون الفندق المكان مايصلح حق ملتزميين ريلي ملتزم وتضايق وايد فيه شورتات وبلاوي لان فيها مدينة مائية
2-جزيرة لنجاوي يسافرون لها مدة الرحلة ساعة قمة الرومانسية وكلها مساجد وطبيعتها عجيبة يقعدون فيها 3أيام أقترح فندق الويستن أو لنجاوي لاجون الأكواخ /أماكنها السياحية الأهم من المهمة(رحلة المانجروف-التلفريك-الأكواريوم-حديقة الطيور-وفيها حدايق ثانية )
3-بعد مابرجعون من لنجاويللعاصمة أقترح يسكنون بالماريوت موجود في شارع اسمه شارع العرب(بوكيت بينتانج) هذا الشارع كلة مجمعات ومطاعم عربية وايرانية أهم المطاعم(جام جام-ناب-)
4-الأماكن السياحية:الاكواريوم بس صغير-حديقة الحيوان- جنتج الباردة(مدينة ملاهي+فندق)-منتجع أفاموزا (عروض+شاليهات)-حديقة الطيور-منطقة الحكم
هذه أهم الأشياءاللي افبالبي لكن مليزيا وناستها ماتخلص وفي جزر وأماكن غير اللي ذكرتهم
والله يتمم على أخوج ويوفقه ويباركلة
صدقيني راح اتكون مفاجئة منج ماراح ينساها طول عمرة

 

[soo_soo]

يااااااااااحياااتي مشكوررريين
ماتدرون شكثر متوهقه امس قلت له روح مكااتب يسوون لك برنامج بس قالي لا انتي سوييليي

ياااااااارب يعطييكم على قد نيتكم اللهم اميين
يلا بنااات ابي بعد ابي كل شييي تعرفوونه
وابيي بس سواوييق عندكم ارقامهم مجربنيهم

 

[soo_soo]

فرفوشه شسم فيلا الي مع مسبح الخاص
وماتعرفيين اماكن ثانيه الي يكون في البحر بس مسكر

والحيين شفت تقرير عاشق القمرة الله يعطييك العاافيه جد استفدت منه شغلات

ايي ودي اعرف من بين كل منطقه ومنطقه كم بينهم يعني لنكاوي وكوالا لمبور ومادري شنو الباقي كم بينهم من ساعه
وشلون يرحون ؟؟ على طريق قطار ولا طيراان

 

[أجمل انسانه]

هلا اختي ... الف مبرووك انشالله يمديج وانشالله ماكوون راده على موضوعج متاخر ...


حجزي جزيره صباااح تهبل وهذي الجزيره مختارينها تكون احلى حزر العالم ومن بعد الساعه 7 المغرب مافيها حس ...


طبعااا مايصير يروووحووون ماليزيا ومايمرووون كوالالمبووور حدهااا نايس وتونس ...


خل يرووج جنتنق الجووو بارد هناك يغيروون جووو ...


بننبج .... صن واي لاجوون لايحجزوونها يرووحون لها من كوالالمبووور يوم ويردووون

 

[soo_soo]

مشكورره حيااتي لا ماتأخرتيي والحين بشوف صباح

بس احترت بلجزر مادري شنو اختار ابي يمرون جزيرتين وعقب يقعدون ب كوالالمبور

يعني تنصحون بـ لنكاوي يوم شفتها بلتقرير والصورحسيت لو انا فيها بمل

 

[sweet fashion]

انا افضل اول الايام يقعدون بكوالالمبور جم يوم خصوصا في ماريوت ولا ميلينيوم
عقب يروحون صن ولاي لاجون ياخذون نظام فلل عجيبه للمعاريس
عقب يروحون لنكاوي سمعت انها ونيسه

 

[soo_soo]

مشكوره حياااتي على الرد
بس كوالالمبور اخر شي احلى عشان يطولون فيهاا وعقب يردون الديره

 

[أحب بابا جابر]

اب اب

 

[فرفوشة]

سوسو حبيبتي آسفة طولت عليج بس آنا ما أشبك وايد
الفلل وايد عندج آفاموسا شاليه مع مسبح خاص وهو فيه العروض ويبعد ساعتين من كوالا بالسيارة
وعندج بالصن واي لاجون ويبعد ساعة عن العاصمة إذا ماني غلطانة طبعا بالسيارة
هذول اللي في بالي وفي غيرهم
طبعا أنصح بلنجاوي حدها ما اتطوف وخل يحرصون على الأماكن اللي ذكرتها خاااااااااااااااااااصة(((رحلة المانجروف)))))خيال
لنجاوي تبعد عن العاصمة ساعة بالطيارة والحجز يكون على خطوط داخلية اسمهم (اير آسيا) ولهم مطار داخلي
والله يتمم لهم على خير إن شاء الله

 

[nice smile]

في كوالالمبور فندق الملنيوم وماريوت احلى مواقع و 5 ستار

 

[فرفوشة]

سوسو عفبة إذا راحواو ردوا بالسلامة قوليلنا رايهم بماليزيا

 

[أم المهــى]

حبيبتي دخلي موقع دليل ماليزيا وراح تشوفين الفنادق اللي بكل ماليزيا

 

[soo_soo]

مشكوريين بنات
فرفوشه ان شاء الله راح اطمنك

 

[نور النهار]

البنات كفووو وووفوو

ان شاء الله تروحين وتردين بالسلامة

 

[زوجه متقاعد]

فعلا البنات ماقصروا كفووا ووفوا بارك الله فيهم

والله يوفق أخوك ويسعده

 

[ام ضي]

اهمممممممم شي اختي .ز لاتفوتين على عمرج سن واي لاقون .. رهيييييييييييييييييب يهووس . وعداله مركز تسوق شكبره .. بتستانسين وسعارهم حدها عجيبة !