الله يرحمج ياعايشه .. عشت نفس لحظاتج

[Patcholli]

مساء الخير ..

شخباركم حبيباتي ..

كلنا سمعنا وتأثرنا وحزنا وبجينا على المرحومه عايشة الفيلجاوي الله يرحمها ويغمد روحها الجنه ويجعلها عروس وحوريه بالجنه ان شاء الله ..

وانا من يوم الحادثه وانا اخاف من خادمتي الاثيوبيه مع انها وايد زينه وطيبه وحبوبه بس سبحان الله ردة فعل تلقائيه ..
وصرت من يطلع زوجي من البيت اقفل باب شقتي بحكم ان غرفتها منفصله بالمحلق الخارجي للبيت .. فلما اكون بروحي اقفل الباب البيت واقعد ..
اليوم كنت مزكمه شوي وماقدرت اداوم ..
قعد زوجي من النوم وبدل وطلع من البيت بيروح الدوام ..
انا اهني كنت متكسره مو قادره اقوم من الفراش بنفس الوقت بقوم اقفل باب الغرفه لان خدامتي كانت تنظف الصاله .. مادري شلون غطيت << تأثير الصخونه والنشله ..
بنفس اللحظه حلمت بخدامتي داشه علي بسجين وباركه على صدري تبي تذبحني
ورب الكعبه يابنات اني بالحلم اتصارع ويا الخادمه وافكر بعايشه وبجيت قاعده اتذكر عايشه والرعب اللي كانت عايشته بذيج اللحظات
فزيت من النوم وحيل عورني قلبي
قلت هاذا حلم وبغت تطلع روحي من الشعور المخيف اللي حسيته
عيل المرحومه شنو كان شعورها واهي تنازع وتحاول تدافع عن روحها

الله يرحمج ياعايشه ويجعل مثواج الجنه والفردوس الاعلى
ويجعل موتج شفاعه وكفاره وتطهير لج و لاهلج اللي احترقت قلوبهم على مصابج


الموضوع للفضفضه .. احب اقرى مشاركاتكم وشنو اثر عليكم موت عايشه الفيلجاوي ..​

 

[محبه الهآشمي]

الله يرحمهآ هذا يومهآ ..

خفت وتخيلت الحلم ويآج ..

حاولي ماتفكرين بالموضوع وآيد .. لان بتوسوسين وآيد .. ذكري الله وحصني نفسج وعيالج وربي الحافظ

 

[Patcholli]

حياتي محبة الهاشمي مشكوره على مرورج وفعلا والله شعور حده يخوف انا دايما اتخيل شعور المرحومه بلحظات الموت وسبحان الله اليوم حلمت وحسيت ربي بيوريني الرهبه الي عاشتها المرحومه ..
اي والله صاجه ربج الحافظ وان شاء الله ماكو الاا العافيه شاكره مرورج غاليتي

 

[علشان شو]

اب اب اب

 

[زين ودلال]

الله يرحمها ان شاء الله

 

[الأميرة جوري]

الله يرحم عايشه ....ولخدامه لاتنتبه انج خايفه منها والواحد اللي كاتبه له ربه بيصير مهما حافظ علي نفسه بس مانقول الا>> اللهم نسالك حسن الخاااااااااتمه

 

[روح مغليهاM]

الله يرحمها ان شاءالله ويسكنها الفردوس الاعلى

 

[Patcholli]

اتصدقين اختي جوري انها تدري بالسالفه وذاك اليوم تسولفلي عنها مع اني مو موفرتلها لاتلفزيون ولاتلفون ولا جرايد بس مادري شلون توصلها هالاخبار
ونعم بالله والله الحافظ يحفظنا ويحفظكم من كل شر ان شاء الله

 

[فرزاشيهـ]

ولله مثلي ! كل ما اتذكرها الله يرحمها افكر شلون كان شعورها خصوصا انها خدامه البيت يعني كان من المستبعد انها ترتكب هالجريمه !!!!!

الله يرحمها و يغمد روحها الجنه

 

[Patcholli]

اي والله فرزاشيه الواحد شيقول حسبي الله ونعم الوكيل ..!!!

 

[اطياب طيبه.أم عبدالله]

الله يرحم عايشه

ويعوض شبابها بالجنه

انا هم عندي اثيوبيه يبتها قبل الجريمه ب 20 يوم بس ووسوست منها وايد مع انها حيل زينه اللى عندي

بس طبعا عارفه سالفه المرحومه عايشه واللي قالوا لها خدم معارفنا والاهل وخدم رفيجاتي وكله تبين لي انها مو صاحيه اللى سوت جذي وانها مو مثلها

انت يلا توسوسين وايد حبيبتي ترا سيماههم على وجوههم سبحان الله .. عامليها بالطيب ولا تبينين لها انج خايفه منها

 

[روح العطش]

ما ألومج حبيبتي بداية وفاة عائشة رحمة الله عليها كنت أخاف أنام من الفزع اللي صابني ​

وخاصة إن بيتنا كبير وفيه أربع أثيوبيات ماغير الجنسيات الثانية ​

كم مرة أنش من الرقاد اجيك على الدريشة وعلى الباب سبحان الله موتها كان درس وعبرة​

لكل بيت يأمن على الخدم ويرتاح لهم ويشيل الميانة من بينهم ​

علمتنا عائشة الفليكاوي وضع الحدود والسدود بينا وبينهم ، بصراحة في السابق كنا نتعامل ويه ​

الخدم سوالف وضحك كأنهم أهل البيت يكسرون خاطرنا​

ولكن الآن تغير الوضع مانقسى عليهم ونحترم رغابتهم ومانقصر في حقهم لكن بحدود ​

دعواتنا لفقيدة العالم الراحلة لجنات الخلد بإذن الله تعالى ان يجزاها الله عنا خير الجزاء​

ويبدلها دار خير من دارها وأهل خير من أهلها وأن يرزقها مجاورة النبي صلى الله عليه وأهل بيته الكرام
رضي الله عنهن وأرضاهم ، وأن يسقيها من حوض الكوثر شربة لا تضمأ بعدها أبدا​

اللهم آمين​

 

[ابلة دلال]

الله يرحمها ويغفر لها ومثواها الجنه هي وجميع المسلمين والمسلمات الاحياء منهم والاموات ياااااااااااارب
وهاذا دعاء للحفظ من شرور الخدم
( اللهم احفظ بيتي من شر شياطين الجن والانس وارزقني من العمالة ما صلح واكفنا شرورهم واسحارهم بحولك وقوتك يا عزيز )

 

[manoooram]

الله يرحمها برحمته يارب ويغمد روحها الجنه​

 

[ReeM ^ Style]

الله يرحمها ويغفرلها
والحلم نتيجة تفكيرك

صلي استخاره بخصوص الخدامه والله يكتب اللي فيه الخير لج

 

[فـــخـــر]

نفسسسسسي عندنا خدامه اثيوبيه بس حبيييبه وامينه وماشفنا عليها شي

المهم من بعد حلقة عبدالجليل عن عايشه حلمت نفسس حلمج لـ درجة اني قعدت

ومو قادره اميّز حلم ولا صج

و الله يرحم عايشه برحمته ويصبر امها واهلها ع فراقها

 

[عذبة السجآيآ]

الله يرحمها يااارب

والله ما الومج تتحلمين لان سالفتها مو هينه حيل جايده

وانتي حاولي ماتفكرين بالسالفه حييل ترا الوسوسه مو زينه والله الحافظ لنا يااارب

 

[منو انت]

وانا اقرا الموضوع ماادري ليش خنقتني العبره مع ان سالفتج حلم بس مثل ماقلتي الموقف اللي حست فيه عايشه الله يرحمها برحمته


دايم افكر بوضع اهلها جد لو موتها بمرض او حادث نقول عادي بس اللي يقهر انها مقتوله وعلى شي سخيف عقده اثيوبيه ليش تخزني وليش تزفني اعذار تحرق القلب بزود

بصراحه الله يعينهم شلون راح يكملون حياتهم بالبيت صعب كل زاويه فيه تذكرهم فيها وارد واقول الموت امر الله بس يقهر طريقته موتها


اللهم لا اعتراض شي يحرق القلب عسى الله لايمتحنا ولا يحرق قلوبنا على غالي
والله يعين قلب امها يارب وعسى الله يعوضها خير

 

[دلوعة صلوح]

الله يحفظج حبيبتى يارب ويرحم عايشة برحمتة.

 

[tbola]

الله يرحمها اب رحمته ياربي