الله يرحمج ياعايشه .. عشت نفس لحظاتج

[حبي بيرين]

الظاهر كلنا صابنا وسواس حتى انا عندنا خادمه اثيوبيه وصرت بس احلم فيها انها داخلة علي بالساطور من جد جاني وسواس موطبيعي حتى خواتي قالوا لي ماكل هذا بس وش اسوي من شفت الحلقه وانا احط نفسي مكانها المشكله بيتنا نفس وضع عايشه مافيه بزران ولا احد غيري واخوي وامي وبيتنا كبير مرة يعني الواحد يخاف انها تستغفل اهل البيت وتستفرد في احد منا الله يكفينا شرها ع الرغم ماشفت منها شئ الاذاك اليوم زعلت ع اخوها لما كلمت اهلها وخفت تطلع عقدها علينا مثل اللي نسمع ماادري ليه احس بها مرض نفسي المهم انتِ اقري الاذكار والبقرة وكمان دعاء العدو لانه فعلا ماتدرين وش في نفسها ووش تفكر فيه ودائما قولي وجعلنا من بين يديهم سدا ومن خلفهم سدا ..............
الله يرحم عايشه ويجعل منزلتها الفردوس الاعلى
الا الى الان مانفذو الاعدام وش ينتظرون ؟

 

[اميره بكلمتي]

الله يرحمها يااارب

والله الكل تاثر بوفاتها

 

[استكانه1]

قطيعة تقطعهم هالخدم والله ،،،
بنات شدعوه صرنا انخاف من هذوله استغفر الله ،،،
بنات اللي تخاف من الخدم لاتحط خادمه تعالو ولو صكينا الباب شدراكم ماتحط شي بالاكل بالماى ؟؟؟

تدرون شالغلط اللي بالديره اهني مع الخدم ؟؟؟
ماكو قانون صاج وياهم !!!!
تعالو اللي صار بعايشه الله يرحمها الخدامه الجلبه هاذي ليش مااعدموها جدام الكل ليش ؟؟؟
لهدرجه حنا رخاص وامس شصار مواطنه وريلها ذبحها الطباخ ولا السائق الملعون وانحاش
ووووووواى بنات سكتوا واللي يسلمكوا

شقوووووول وشخلي يالله

 

[جوجوو نايس]

عايشة الله يرحمها حيل آثرت فيني ماني قادرة آنسى شكل غرفتها والدم إلي على الارض الله يرحمها تعذبت حيييل عسى الله يرحمها ويغفر لها .
الميموني الله يرحمه دايم يجي ع بالي يوم يعلقونة يوم كامل ذااااق آنوااع العذاب
هذول الاثنين حيل آثروا فيني بشكل كبير ..

لكن لاسف مافيه قانون .. كل يوم تزيد هالجرايم

 

[كويتية222]

الله يرحم عايشة يااارب

شعور عايشة صعب لانه ع غفلة واهي نايمة وتوالت الطعنات واهي مو عارفة ليش تنطعن

ربي يرحمها بواسع رحمته ياااااااااااااااااااااارب​

 

[ودوده الحلوه]

الله يرحمها والله جسمي كش ليش للحين ماعدموها يعني مجرد تفكير كل واحد يحط نفسه مكانها لاحول ولاقوه الا بالله

 

[الزورق222]

البنت ناحرتها الشغالة شى مو سهل ..الله يرحمهاااا ويغفر لها يارب راحت ضحية مجرمة سفاحة

 

[دلوعة أبوهآ]

الله يرحمها ويغفر لهآ ..
ويستر عليكِ وبنآتك ..
انتبهي من الخدامه وعآمليها بالطيب وحصنوآ نفسكم دآيم ..

 

[الغاااالية]

انا عشان جذي مايبت خدامة

تعقدت بصرااحة


الله يرحمج يا عايشة ويغفرلج إن شاء الله ..

 

[((غلاي))]

الله يرحمها

 

[سوسو حبيبتى]

الله لايمتحنا ولا يحرق قلوبنا على غالي

والله يعين قلب امها يارب وعسى الله يعوضها خير

 

[فواصل]

الله يرحمها

ولا تفكرين بالموضوع وايد مب زين

وداومين على الاذكار و الادعية

و الحافظ الله سبحانه وتعالى

 

[عادت ذكرياتي]

ما تلامين بصراحة


الله يرحمه برحمته

 

[Patcholli]

اشكر كل وحده مرت على موضوعي وفعلا الظاهر كلنا صابنا الخوف والوسواس والتأثر من الجريمه والفاجعه الصعبه ..
الله يرحمج ياعايشه ويسكنج الفردوس الاعلى مع الانبياء والصالحين وتصيرين عروس بالجنه يارب
والله يصبر قلوب اهلها ويمسح عليهم بالصبر والسلوان ويجعل هالمصاب تطهير وشفاعه من كل ذنب

 

[لولوة الكويتية]

الله يرحمها

ولا توسوسين حبيبتي

 

[رسمتڪ حلممم]

ي عمممري والله الله يرحممهاآ ولآيفججعنآ
اممم الاآ شسووآ بالششغآلهه الأثيوبيهه

ميرسي ع الططرح

 

[ديمــــــــــه]

مالومك والله انا للحين تعبانه نفسيتي من اللي صار لعايشه ودايم اقول بيني وبين نفسي شلون كانت اللحظات اللي مرت فيها هالبنت
وادخل جو مع تخيلاتي ويزيد حزني عليها اكثررر واكثررر
داايم حصني نفسك وبيتك وعيالك واستودعيهم الله الذي لاتضيع ودائعه
والله يرحمها ويغفر لها هالبنت ويرحم حال اهلها اللي اكيد للحين مارتاحوا من هم موت بنيتهم
استعيني بالله

 

[Nanoosa]

واي الحمد لله انه حلم انا من قريت العنوان اخترعت

لا تحاتين ان شاء الله ماكو الا العافية و سمي بالرحمن

و الله انا من قريت عن عايشة و انا اشوف صور المجرمة

يتلي فترة كلما ابي انام اتخيلها معاي بالغرفة تبي تبطل الليت و اشوفها ماسكة سجين

انا يمكن اكثر وحدة فيكم تأثرت بموتة عايشة الله يرحمها و يصبر امها هالفقيرة و ابوها و اهلها كلهم

 

[Nanoosa]

الحين انا ابي افهم ليش لي الحين ما اعدموها؟؟

خلاص دام اكو ادلة و اعترفت شناطرين؟! خل يرتاحون اهل عايشة و احنا نرتاح لي متى عاد!!

ودي ما اييبون حبل قوي علشان ما تموت بسرعة و ترتاح

ودي تنشنق ساعة تتعذب لين تموت

 

[أحلى البشر]

يحياتي يا عايشه والله اني كل ماحطيت راسي عالمخده افكر فيها وادعيلها الله يرحمها قتلت فرحتها