الله يرزقكم ب اللي تبونه اللي تساعد رفيجتي ... (مهم)

[Madrideya ~]

بسم الله الرحمن الرحيم
السلام عليكم ورحمة الله وبركاته


شلونكم ؟ شخباركم ؟!
عساكم بخير ...
تقبل الله طاعتكم جميعا
والله يعطيكم العافية ..


بنات رفيجتي حدها محتارة
إهيا إنقبلت ب جامعة الكويت بكلية التربية
وإهيا حدها مو بالعة الكلية بس خلاص صار اللي صار ..
مشكلتها اللحين إنها محتارة ب التخصص ؟؟؟
إهيا تحب و تموت ب التاريخ بس الكل معارضها يقولون هالتخصص زحمة و عليه ضغط و غير مرغوب فيه و ماكو توظيف ..!
و إهيا مستواها ب الإنجليزي متوسط و الكل يقولها دشيه لأنه تخصص مطلوب ..!
وإهيا خايفة لا دشت واحد منهم تتندم ع الثاني ..
أكيييييد راح تستخير ..
بس تبي تستشيركم يا كويتيات لأنكم أكيد تعرفون ب هالسوالف ...


و تحياتي لكم جميعا
و عسى الله يوفق الجميع دنيا و آخرة ...


أختكم في الله
:eh_s(17):

 

[miss-rema]

اختي صج التاريخ مو مرغوب فية بس الانجلش يبيلة متابعة وهي ادرى بنفسها شنو تحب وتحاول تشوف خيارات ثانية مو لازم الا هالاثنين وموفقة باذن الله

 

[يآلبى ضحكتي:$$]

عندي لهآ خوش آقترآح آنهآ آتحول حق كليه كآن ودهآ فيهآ


ترى غيرهآ مو آحسن منهآ في نآس كآنوآ بآلآدآب وبآلآجتمآعيه حولوآ حقوق


آهم شي آتشوف شنو شروط آلتحويل وآطبقه وسنه ونص وآلآ آهي بآلكليه آللي تبيهآ



حرآم هذآ مسسسسستقبل وترى كلش موصعب آلتحويل


والله يوفقهآآآآآ :***​

 

[Madrideya ~]

يعطيكم العافيه حبايبي ماقصرتوا
وبالنسبة لأختي ~ يالبى ضحكتي ~
مشكورهـ ع التنويه بس إهيا شايلة فكرة التحويل نهائيا
لأنه عندها ظروفها البنية ...


مشكوورين مرة ثانية ماقصرتوا ...

 

[بنوتة خجولة]

هااااااي




ممكن اقول شغله





خليها تدخل التخصص اللي تبيه واللي حابته وماتدرين اذا في وظائف او لا لاتحكمين من الحين ولذا ضامنه ان مافي وظائف






نصيحتي لها تدخل تخصص رياااض اطفال هالتخصص عجييب وسهل وحلوووو ومستقبله حلو ووظيفته مريحه






بعدين لييش محتاره اصلااا التربيه اهيا الكليه الوحيده المضمونه وبعدين باجر بتكون مرتاحه ومعاشها قوي وع فكره التربيه تدرسينها ب٣سنين والرابعه ميداني اذا شدت حييلها يعني سهاالات باذن الله






وانشالله اكون افدتج

 

[غلا دنيتي جابر]

ما اعتقد انه اذا كانت طالبة تربيه تخصص تاريخ ما تتوظف على طول

التربيه بذاات وظيفتها مضمونه

بالعكس خليها تدش الي اها تحبه وتميله ولا تسمع كلام غيرها لانها تضيع <إسأل مجرب

 

[الشمـــرية]

داامها تحب التاااريخ خل تدخله وتتوكل علئ الله
ولاتسمع كلام النااااس

هالتخصص واايد حلو وربي يؤفقها انشالله ​

 

[مس روبنز]

أول شي هي ما تقدر تتخصص علطول يالله بعد كورس أو سنه فخليها تاخذ من المواد العامه ومع الدراسه تسأل البنات والدكاتره وتاخذ فكره عن الأقسام بعدها تستخير وتتوكل على الله إحنا ما نقدر نفيدها بشي كل واحد وميوله ما نقدر نجبرها ومن الأول إذا مو عاجبتها الكليه خل تسحب أوراقها وتقدم عالفصل الثاني أو تشد حيلها وتحول للكليه اللي تبيها، وعسى الله يوفقها وييسر لها أمرها ولباقي البنات ومستجداتنا الحلوات ​

على حسب فهمي إن تخصصها أدبي فالأقسام المتاحه لها هي:​

* رياض الأطفال​

* ابتدائي: ( عربي/اجتماعيات - عربي/دين - انقليزي )​

* متوسط وثانوي: ( عربي/انقليزي - تاريخ/جغرافيا - جغرافيا/ تاريخ - علم نفس/علوم اجتماعيه - فلسفه/علوم اجتماعيه - اجتماع/علوم اجتماعيه - دين/عربي)​

طبعا إذا خذت مساند دين فراح تدرس بكليتنا "شريعه"
وإذا علوم اجتماعيه فكلية "العلوم الاجتماعيه"
وأتوقع التاريخ "بالآداب"​

هذا على حسب علمي والموجود بدليل الطالب​

موفقين

​

 

[أحلى البشر]

والله هالكلام من عمرنا نسمه سالفة الوظيفه حبيبتي كلية التربيه كل مكان ياخذونهم والمدارس شكثرها لا والحين طالعتلنا مناطق يديده وبيبطلون فيها مدارس اكيد يبون مدرسين اصلا الكويت فيها نقص مدرسين روحي شوفي جم مصريه وسعوديه واردنيه وتونسيه ومابقى جنسيه مايابوهم يدرسون هذا شنو معناته معناته فيه نقص
انا اقول تدش مجال اهي تحبه دام تحب تاريخ تدش تاريخ عشان تستمتع واهيا تدرسه وربي يوفقها

 

[Madrideya ~]

بنوتة خجولة
غلا دنيتي جابر
الشمرية
مس روبنز
أحلى البشر


الله يعطيكم العافية
جد جد ماقصرتوا حبايبي
عسى ربي يوفقكم دنيا و أخرة
وإن شاء الله ربي يسهلها علي و على رفيجتي وعليكم يارب ...


وتقبل الله طاعتكم
=)

 

[ـألمزـأجيه]

:
:
:
انـآ رآيي من رآيي البنـآت
تدش اللي هي تبيه
واللي واثقه انها بتبدع فيه
اذا تبي تآريخ < تدششه وبدون هالحييره
مثل ماقالو البنـآت < التربيه < هي ووظيفتها معروووفه
تقبلي رآيي
:
:

 

[Miss.Piano]

ماله داعي نقول (( المادة الفلانية تخصص غير مرغوب فيه ))

دام انها بتدخل في سلك التدريس ... وظيفتها مضمونه 100% لو كانت تدرس أي مادة



مع اني ماحب شي اسمه تدريس و جذي .. إلا اني اشوف انها تدخل التخصص اللي تحبه "التاريخ" أفضل لها

صدقيني اذا دخلت تخصص ماتحبه ما راح تفلح فيه و راح تكره الكلية بكبرها


و انتي ساعديها بعد بـ التخصصات الثانيه

سئليها شنو تحبين بعد ؟؟ عربي مثلا ؟ أي شي اهي تقدر تكمل فيه


عموماً الله يوفقها و يسهل عليها