الله يسامحها الدكتوره معصومه بخصيد شوفو شسوت مع اختي

[الفنانه79]

اولا الله يشااافي اختج حبيبتي ويرزقها باللي تتمناااه

وثانيا ياليت نزقف على الاسباب من الاول اختج عالجت عندها ويابت ولدها اسم الله عليه مافي شي

وبعدها حبت اتكرر التجربه فأكيد د معصومه عطتها نفس الدوى اللي اول شي احملت عليه صارت معاها مضاعفااااات اشلووووووون ماتقول حق الدكتوره واتكرر العلاج مره ثانيه ؟؟؟؟

اسمحيلي اختي الغلط من اختج المفروض انها من اتعبت لازم تقول حق الدكتوره شنو صارلها علشان اتغير لها الدوا

ومعرووووف ان اي علاج حق الاخصاب له اثار جانبيه يعني (زيادة افراز الكبد - حمل خارج الرحم - اجهاض متكرر- حمل بدون اكتمال البويضه - نزيف ) وغييييييييييييييره من الاثاااار اللي ممكن اي وحده اتعالج عن الحمال يصيبها

يعني هذي الاشياء مو بيد الدكتوره على حسب تقبل جسم الانسان للعلاج

انا خذيت علاج اول مره صار معاي اجهاض وعدم اكتمال البويضه وكانت خااايفه ان يكون حمل خارج الرحم لان تقولي ممكن الابر اتسبب حمل خارج الرحم

ومن المفروض ان اختج اتقووولها شنو اللي صار معاها مو تروح واتكرر العلاج

واولا واخيرا انا ماادافع عن الدكتوره معصومه لكن الدكتوره شااااطره واللي اتعرف للعلاج لازم اتعرف الاثار الجانبيه لها

وهذا بالاخير قدر الله وماشاء فعل وكان بخاطري هالكلام لاني اعرف عددددددددددددددل للعلاج علشان جذي انا قلت اللي عندي

وعسى الله يرزق اختج باللي تتمناه​

 

[ريحانة_14]

السلام عليكم ورحمة الله وبركاته

أولا لوسمحتوا دكتورة معصومة ماااااااااااااااااااا أرضى إن أحد يتكلم عنها .. بتقولون تدافع بتقولون إللي تقوليونه لوسمحتوا د.معصمة لا تييبون سيرتها بالشينة ولي أسبابي الخاصه .. ( لاتخافون ماتصيرلي لا من قريب ولا بعيد )

بعدين يا أختي الكريمة منو قالج إن البويضات المجمدة نسبة نجاحها أكبر ؟؟ غلطانة أختي

إنتي الحين لما تاكلين السمج من البحر وطازج نفس لما تاكلينه بعد ما حطيتيه أشهر بالفريزر ؟؟ أكيد لأ .. الطازج أكيد ألذ

وبعدين لما تعطيها الدوا من بعد عملية تلقيح يكون هالدوا يا إما مثبت ( ديكابيبتايل ) أو فوليك أسيد والا بيبي أسبرين .. بأول مرة أختج جسمها طاح عليهم لكن المره الثانية والثالثه أكيد عمرها تغير وكبرت والمرة مثل ما إحنا عارفين كلما تكبر هرموناتها تتغير وأنزيماتها أيضا يصير فيها تغيرات وإللي كانت تتقبله من قبل ممكن يستجد خلايا معينه بالجسم ترفض هالدوا ويصير معاها مضاعفات ..

وبعدين خصووووووووووووووووصا في عمليات أطفال الأنابيب ... أي دكتور بالعالم كلللللللللللللله غير مسؤول نهائيا عن نجاح العملية أو فشلها .. هذا كله قسمه ونصيب من رب العالمين ..

أعرف وحده 16 سنة تسوي بلندن وأمريكا لين بعد 16 سنة وبالمواساة حملت ماشالله تبارك الرحمن .. وكررتها عند نفس الدكتور لكن الله ماكتب

وأعرف وحده هم سنين تسوي بالكويت وأيضا عند نفس الدكتور إللي سوت عنده الأولى مانجحت .. راحت كندا بعد في أكثر من كندا إللي منبع الطب والتطور الطبي من هناك .. وهم ماصار

راحت لندن وسوت وسبحا الله نجحت عمليتها

الدكاتره مالهم ذنب

عالعموم .. الله يكتب لأختج ويقسملها إن شالله تخاوي ولدها

الدكتور يتعب ويتمنى إن المرضى إللي يطلعون من تحت إيده يتشافون ويحصلون مبتغاهم .. نقوم إحنا ونشوه سمعتهم بين الناس ؟؟؟

إي ليش عاد ؟؟؟؟؟؟؟؟؟؟؟؟؟؟؟؟؟؟؟؟

فعلا ماله داعي

 

[Swan]

الله يشفيها ويرزقها

 

[اثمان]

الله يشفيها ويرزقها ان شاء الله

 

[ام يوسف 2007]

بصراحه شكر كل اللي ردوا علىالموضوع بدون استناء

ويعطيكم الف عافيه والحمد الله على كل حال والله يرزوق كل وحده

منكم اللي تتمناه

بس انا يرد لى الاخت ريحانه
بصراحه انا ما غلطتعلى الدكتوره بشي ولو تلاحظين
انا كنت اقول الله يسامحها وحتى كلمة حسبي الله ماقلتها
وانا بصراحه ماعرف اي شي عن الادويه وانا ماانكر فضل الدكتوره
بس اختي كانت ادق على العياده بتحاجي الدكتوره والله كانت السكرتيره
ترد ولما اختي تسألها عن الدكتوره كانت تقول مشغوله والسكرتيره
اهي اللي ترد عن الدكتووره بكل الاحوال يعني باختصار انه اختى
كلش ماقدرت تكلم الدكتوره
ولو الدكتوره عندها ذمه وضمير جان لما درت باللي صار باختي
جان دقت وسألت عنها وبينت لها شنو صارماصار بس للاسف
الدكتوره ماديه لأبعد الحدوووووووود يعني اهم شي انها خذت فلوسها
والا مايهمها ولا شي .... وحتى لو اختي ماراحت لها معقوله مادق ولا تطمن عليهاااا
بس للاسف الحين زمن الماديات حتى عند الاطباء

احنا ماهمنا الفلوس كثر ما همناصحة اختى ونفسيتها ......... والله اختي من عطلة العيد
واهي ما داومت من التعب النفسي اللي صار فيهااااااااااااااا


انا ماحبيت اكتب هالكلام بس الاخت ريحانه اهي الي جبرتني

تحياتي للكل

 

[عيون زوجها]

حبيبتي دامج انتى ما جرحتي ولا سبيتي ولا غلطتي فعادي هذا رايج ومحد يجبر احد ان يحب احد يحبه كل واحد له رايه
الله كريم وانشالله خلي اختج قريبه من ربج واكيد الله بيوقف معاها

 

[ام يوسف القمر]

انا تكلمت عن تجربتي معاها

يعني كنت انزف واهيا كل مراجعة تقول لاعادي

اخر شي طلع في لحمية وماتشوفها بسونار على كثر ماسوتلي سونار


بس رحت دكتور ثاني على طول شافها وسويت العمليه وغير اختي للي صار معاها

وبالنسبة للعلاج انا صار معاي تضخم والدكتور على طول غير نوع العلاج المرة الثانية فشلون ماتغير العلاج للمريضه بوجود مرض سابق لها
الدكتور الشاطر يعرف يغير

وبعدين هذي وجهة نظر والكل يبدي تجربتة على العموم الناس اجناس واحنا بشر في ناس ترتاح في ناس لا

 

[أم الكتكوتة]

أنا يوم كنت حامل بألأسابيع الأولى نزفت ورحت عندها سوت سونار ما بين شي من تحليل اتحليل مر 10 أيام عالتحليل دقيت عالسكرتيرة أسألها شنو \صار أتقول مادام ما دقت الدكتورة كل شي طبيعي هذا كلام عاد بعد أسبوع والله دقت السكرتيرة الساعة12 بليل تقولي حددنا لك باكر عملية الحمل خارج الرحم عاد انا رحت دكتور ثاني سوا سونار وسمعني النبض و كا بنتي عمرها 3 سنوات ومو خارج الرحم نفس ما قالت الدكتورة -وبعدين هذا المنتدى علشان كل واحد يبدي رايه و يقول مشاكله يعني كل واحد كيفه بموضوعه واللي مو عاجبه الموضوع يقدر يكتب موضوع ثاني الله يساعد أختك الي صار لها مو هين الله يرزقها بذرية الصاحة

 

[شموخ العجمية]

الله يرزقها اختج يرزق كل وحده محرومة
بس لامانة انا اعلج عندها واهي وايد زينه صج انا يالاحين ماحملت بس معاملتها زينه واذا بتناقشن معاه عااادي ماتحسين انها مستعجلة

 

[ريحانة_14]

أكيد كل واحد ورايه وكل واحد وكيفه

بس أختي أم يوسف .. تدرين إذا الدكتورة بتتكلم (شخصيا ) مع كل مريضه تزورها بعيادتها وتتطمن عليها وتسأل عن أحوالها جان تشوفينها 24 ساعه ماسكة التلفون وماتجابل مرضاها .. أنا مريت على دكاااااتره ودكتورات كثر شعر راسج .. ( بدون ذكر أسماء طبعا ) ماشفت ولا دكتور ولا دكتورة تكلم بالتلفون المريضه أو المريض شخصيا عشان يتطمن عليه بالتلفون إلا إذا كانت دكتورة يديده بتثبت وجودها عالساحه وعندها وقت فراغ كبير

هالبروتوكول هذا بسالفه النفسيه والتعب النفسي الشعب العربي بشكل عام حاطه بآخر إهتماماته .. مافي شي إسمه مراعاة لنفسيات الغير بالوطن العربي كله .. عكس دول بره تماما

أقرب مثال ... قبل فتره زوجي غرق بالبحر وكان بينه وبين الموت حد السيف بسبب بويه ليتها محروق بنص البحر رفعوا قضية .. يقولهم المحامي وين الإصابات ؟؟؟ يقوله زوجي كافي الضرر النفسي وقعد أشهر عقبها زوجي حالة حالة ومتعومس وفيه خرعه من الغرقه وتالي الليل وظلمة وماتشوفين راحة إيدج

المحامي يضحك .. يقول مافي إسمه ضرر نفسي بالمحاكم .. يعني القانون العام بالخليج والمعاملة كللللللللها إن نفسية البني آدم تنحط من ناحية الإهتمام صفر عالشمال يات على دكتورة معصومة ؟؟؟؟؟؟؟؟؟؟؟؟؟

وتونا رادين من لندن في عيوز بالشارع قاعده تمشي ومو على خط المشاة يعني غلطتها بعد .. مر عليها شاب لزم بريك قوي بغى يكرفها إلا شوية .. إتصرقعت العيوز وبغت تموت .. رفعت قضية عالشاب عالضرر النفسي .. تدرين جم حكمولها ؟؟؟؟؟؟؟؟؟

عوضوها عن نفسيتها المعورة بـ 18000 ألف باوند

وعليج الحساب

والله يرزق أختج إن شالله والحاضرات

ودكتورة معصومة من أوووووووووووووول ما إشتغلت لي يومج طريقتها مع المريضات هذي إهي .. كافي إنها ما تولد أو تسوي عمليات إلا وإهيا على وضووووووووء تام طهارة الله يحفظها

وعلى كثر ما الناس تعلج فيها .. كثر ما تزدحم عيادتها يوم عن يوم

 

[lailalaila]

الله يرزقها ويشافيها يا رب

 

[ام يوسف 2007]

اشكر كل الي رد وبصراحه انا شاكره لكل وحده ردت على الموضوع
وبالعكس انا احترم كل وجهات النظر اللي انقالت بالموضوع ....
بس اخت ريحانه على الاقل الدكتوره تدق تسأل عن اختي بس
تشوف شصار معااااهاااا مو اهيه مريضتهااا من زمان مو من سنه او
سنتين صارلها خمس سنوات مع هالدكتوره ...
عموما الله يسامحمها
والله يرزق اختي ان شاء الله
وعلى فكره اختي مرضها النفسي موبس انها متضايقه وخلاص
والله شئ ما يعلم فيه الا الله سبحانه
وكل شئ بيد الله والدكتوه معصوه او غيره مجرد اسباب
والله يرزق كل محروووومه يارب الي تتمناه

 

[.>حــــــــ(و)ـــراء<.]

الله يشافيها

بس ممكن تقولين اسامي الادويه اللي خذتها؟

 

[ريحانة_14]

آمين يارب العالمين أختي أم يوسف

وصدقيني ياقلبي ولا دكتورة سوتها لأنهم فعلا ما يفضون مو يترفعون أو يتدلعون .. أنا كنت معالجه نفسية والحالات إللي تيني كنت فعلا أتصل في بداياتي أتطمن عليهم لكن بعد ما كثروا الحالات ما يمديني أتصل وأسأل عن كل وحده

والمريضات بشكل عام يرتاحون بس لمجرد إنهم يتكلمون مع دكاترتهم .. لكن وقت مافي .. الله يعطيهم الصحه والعافيه ويكونون أسباب فرحتنا وقرة عينا بالذرية كلهم بدون استثناء

والله يرزق أختج ويرزقا معاها إن شالله

وإن شالله قريب تدشين وتقولينلينا إختج حامل من غير علاج ولا أبر وآلام

 

[sweeta77]

الله يشافيها
بس حبيبتي اكو ناس عندهم الكبد مو قويه ....حتى لو ياخذون فيتامينات ترتفع عندهم الانزيمات