الله يسعدكم ابي مساعدتكم-- في بيتنا عنقز (عقنقز)

[عيون زوجي]

السلام عليكم
اشلونكم خواتي الحوامل ان شاء الله تكونون بتمام الصحه والعافيه انتم وبيبياتكم

خواتي انا محتاجه لمساعدتكم انا حامل في الشهر التاسع وعندي ولد اخوي في نفس البيت وفيه عنقز والمشكله اني سامعه انه موزين على الحامل مع العلم ان انا في صغري عنقزت بس ماادري هل فيه ضرر علي وعلى البيبي في بطني وهل فيه ضرر عليه اذا ولدت لاني ناويه انفاسي ايكون في بيت اهلي ارجوكم اللي تعرف شي عن هذا الموضوع اتفيدني وتفيدالاخوات
الحوامل والله لايحرمها الاجر ان شاءالله

انتظر ردودكم

 

[Ba$ko0oTa]

والله لا يا قلبي ما عندي فكره عن هالشي
انشالله يفيدوونج البنات
بس حبيت ارد عليج قبل ما اطلع

 

[أم الهواشم]

الله يسهل عليج بس الدكاترة يقولون مافي خطر الخطورة تصير باول الشهور ويفضل تسالين دكتورتج

 

[.Rotana.]

الي اعرفه انه عادي مافيه ضرر
اذا كان حايشج من قبل
واعتقد بعد يعطونج ابره الحين
لازم تراجعين دكتورتج
عادي اختي كانت حامل وبيتنا عنقز
مافي الا كل خير ان شاءالله

 

[عيون زوجي]

مشكورين اخواتي على نصايحكم ومشاركاتكم الله لايحرمني منكم

واي وحده عندها شي تعرفه عن هالموضوع ارجو منها اتشارك معانا

 

[قلبي معاك]

شوفي حبيبتي في نسبه من الناس اييهم عنقز وهم صغار ويردلهم مره ثانيه
انتي لا تزورين بيت اهلج هلايام
ولما تولدين بالسلامه اعزلي البيبي بالغرفه اذا للحين ولد اخوج معنقز يعني لا تخلينه يقرب يمه كلش ملش ولا احد من اليهال لما يطيب ...وترا ممكن يكون الواحد حامل لفيروس العنقز وماتطلع الاعراض يعني السخونه والحبوب لمده اسبوع او اسبوعين ماذكر وخلال هالفتره ممكن يعدي الي معاه بنفس المكان انا بنت اختي عنقزت وكنت عازله البيبي،،،العنقز مو زين ابدا للمواليد
الله يحميكم وان شاءالله اكون فدتج

 

[عيون زوجي]

مشكوووره يالغاليه والله يعطيج العافيه على المشاركه

 

[عيون زوجي]

اشدعوه يا بنات 136المشاهده واربعه بس اللي رادين

 

[lailalaila]

حبيبتي صار عند اهل ريلي عقنقز كنت ماروح اسبعين لانه يعدي بفترة النقاهه بعد 10 ايام من المرض مع اني ماخذته و انا صغيرة بس ممكن البيبي ينعدي فيه ديري بالج

 

[MoonDiamond]

اخذي الحجي من مجربه.. كنت مع حمولتي بالشاليه وحامل بالشعر السابع ومتطمنه لان ياني العنقز وانا صغيره فا استبعدت يحوشني والا بس نزلنا الديره الرتفعت حرارتي وياتني ضيقه حتى من هدومي وانام عالسراميك ماكو فايده واسبوعين بالكثير مع كريمات المستوصف لله الفضل والمنه وولدت وبنتي ما فيها شي نهائي ودكتورتي امراض نساء وولاده تقول يمكن يصير في بنتج مناعه من العنقز اكتسبتها مني.. وانشاء الله افدتج والله يهون عليج وعلي وعلى كل اللي قاعده تقرا

 

[عيون زوجي]

الله يجزاكم خير يا خواتي ومشكوره على الدعوه يا اخت nanaوالله ايهون على الجميع ان شاء الله

 

[عيون زوجي]

اب اب اب

 

[قلبي معاك]

اب اب

 

[قطوة ريلها]

شوفي حياتي انا بحمالي حاشني وكنت ماخذته بصغري وقمت ابجي ورحت الامراض الساريه قال لي لا تحاتين لانه ما يأثر وما صدقته ورحت للجلديه وقال لا تحاتين والبيبي طلع احلاهم وانتي احتياط وخري واذا عندج يهال اكثر من سنه روحي طيبه كلنك او الهادي او دار الشفا خل يطعمونهم منه انا سويت جذيه واشوا ما ياهم

 

[om_3azoz]

انا اللي سمعته انه موزين حق الحاامل بس يمكن بالاشهر الاولى لان يقولون يطيح البيبي
لان مره كنت رايحه بيت اهل ريلي وحده من عيالهم كان فيهاا عنقز بس ماكانت موجوده قالولي روحي لان الحين بتي من المستشفى موزين حقج كنت بالشهر الرابع تقريباا

يمكن الحين ماايضر لانج بالتاسع ... انتي بعد سألي الدكتوره احسن لج ... انشاءالله ماكو الا الخير

 

[اهواك بلا امل]

واللة انا كان عندى ولد اختى فى عنقز وعادى قالولى اذ يايلج قبل مايضر انتى سالى طبيب عشان تتطنين

 

[Miss_Rakeal]

عادي مايضر اذا حايشج من قبل

انا حامل بالشهر الثاني واول وحده صار خدامتي بعدين اليهال واحد ورا الثاني واخرها داتي الثانيه هم صار فيها تخيلي قعدنا شهرين على مافج المرض من البيت شهر واحد واثنين الي طافوا
ولا بعد نمت مع بني بالمستشفى امراض الساريه وخدامتي الاخيره هم نامت بالمستشفي
وكنت قبلها سائله الدكتور قال عادي مافي اي مشاكل اذا كان حايشج من قبل

وماتشوفون شر

 

[عيون زوجي]

مشكورين يا اغلا كويتيات على مشاركاتكم معاي الله لايحرمني من تواصلكم

اتمنا من باقي الاخوات اللي تعرف شي عن الموضوع الافاده

 

[omali_store83]

السلام عليكم

انا سألت بنفسي اكثر من دكتور ودكتورة وكل واحد له رد بس الاغلبية يقولون ابتعدي عنهم يعني لان تقعدين بنفس المكان اللي اهم قاعدين فيه وفي دكتور قال بالتاسع احتمال ينتقل للبيبي فتبتعدين هالفترة احسن لج وللبيبي..

لان انا صاير فيني نفس ماصير فيج بس انا بالرابع​

 

[عيون زوجي]

اب اب اب