الله يوفقكم شوفولي حل معهم قسم تعبت

[سعوديه خجوله]

السلام عليكم ياعسولات
صبايا ابيكم تنصحووووووني اني جدا غيوره سوا ع الشخص اللي احبه او اللي مااحبه...واغار من بنات جماعتي الحلوات واغار اذ احد مدحهم . اغار من لبسهم احيان اضطر اني اقلدهم في اللبس .. واخاف يروحوا معي عند صديقاتي .. قسم تعبت نفسيا حتى شعر يتساقط من التفكير.. انا حلوه بشهادة الكل لاكن ماعندي ثقه بنفسي.. والشخص اذ سوا فيني شي احقد عليه واكرهه.. ابغى اتغير الله يسعدكم دلوني ع حل ... واحيان اقول كيف لو شافوا فلانه اللي احلا مني اكيد راح يطنشوني صديقاتي.. اهم شي الغيررررره ابي افتك منها ... امانه اللي تبي تجرحني لاترد تخلي كلامهم بقلبه .. انا مابي جرح ابي تغيرون مني ومن شخصيتي:bbbiu: الله يوفقكم ادعولي ان ربي يشيل من قلبي الغيره والحقد انا ماني راضيه عن نفسي :eh_s(11):

 

[ms> pink]

نصيحتي لك لاتقارنين نفسك بأحد وركزي على كل شي حلو فيك سواء بالطبع او الشكل واذا غيرك عنده انتي عندك اشياء يتمنونها اكيد
انتي لك شخصيه مستقله اهتمي بذاتك ولاتقلدين احد
اقنعي نفسك بأنك غير

 

[نانسي كويتيه]

مالت عليج عبالي عندج سالفه

 

[سعوديه خجوله]

الله يوفقك اختي ع ردك ويسعدك ويعلي مقامك يارب ويحقق امالك
واختي نانسي الكويتيه مالت عليج انتي ههههههههه احبتس يادوبه

 

[ابي اصير ممثلة]

اممممممم ما عليج منهم انتي كشخي وسولفي اترى السوالف هي الي تجذب

 

[بنت الأجوااد]

الله يعينج على نفسج

 

[sosowaty]

لا تعليق

 

[ليتني مـآ كبرت]

ليش كل هالحسد أعوذ بالله

شكلج فاهمة الصداقة غلط

رفيجاتج مالج حق تحتكرينهم

كيفهم يتعرفون على اللي يبون

و لا تاخذج الدنيا و تهتمين حيل بالمظاهر و تنسين

الاخلاق

شنو يعني فلانة احلى مني !!!!!!!!!!!!!!

أنتي تقدرين تكونين أحلى منها بـ حضورج و لباقتج

و ذرابتج و أسلوبج

 

[حجيه هيونه]

حاولي تقرين كتب عن تعزيز الثقة بالنفس

روحي المكتبة راح تلقين وايد اشياء مفيدة

 

[ام كوثر2007]

تكبرين وتعقلين ان شاءالله

 

[* بنت المطر *]

مثل ماقالت رفيجتج اللي تحبينها الدبه لوول

 

[القصيدة]

السلام عليكم و رحمة الله و بركاته

دائماً رددي ( ربنا اغفر لنا ولإخواننا الذين سبقونا بالإيمان ولا تجعل في قلوبنا غلاً للذين آمنوا ربنا إنك رؤوف رحيم )

الله ينزع من قلبك و قلوبنا الغيرة و الحسد و الحقد :eh_s(17):​

 

[a انا وبس]

والله ماادري شقول انتي ساعدي نفسج وشيلي الحسد والحقد من قلبج وحولي تصكين علييهم لوووول ورد حبيبتج شافي وافي

 

[الوناسة]

نفس راي البنات

 

[رقـة الاحسـآس]

نحن ما نروم نغيرج
انتي اللي بايدج هالشي
بالعكس بالحقد و الغيره هاي الكل بينفر منج
الجمال و المظهر مب كل شي
لا تخلين تفكيرج سطحي
اهتمي بنفسج ما اقول لا ،، البسي و اكشخي بس كوني مستقله بلوكاتج بذوقج بكل شي
نمي نفسج تثقفي و قوي دينج
خلي عندج اهتمامات اكبر فالحياه من هالامور التافهه
دوري شي يديد مفيد و تحبينه و بتتغيرين مع الوقت للافضل ان شاءالله