الله يوفقها دنيا واخره اللي ترد علي وتطمن قلبي ، ماعندي خبره ابددا :(

[هِتاف]

السلام عليكم
بنات انا هالشهر اول مرا اخذ كلوميد ثاني يوم من الدوره ، اخذته خمس ايام
وبعد الحبوب رحت الدكتوره وقالت التبويض كويس ووصل حجم البويضه ف العشرين
وعطتني ابره تفجيريه ... اوك ؟
بعد الابره ع طوول اخذت حبوب دوفاستون 10 ايام قالت اذا مافي حمل تنزل الدوره واذا فيه تثبته ،،
خلصت الدوفاستون واليوم رابع يوم بعد اخر حبه ! والدوره لسى م نزلت !
واعراض كثيره احسها حمل ! لكن الصدمه رحت اليوم لدكتوره وكشفت مهبلي وحللت دم ومافي حمل

وش اسوي بنات مررررا خخخايفه انا ما اعرف ولا عندي خبره بهالسوالف ! اخاف فيني شي !
طيب كان التبويض كويس ليه ماصار حمل ؟؟
وهل ممكن يكون في زوجي شي لا سمح الله :eh_s(2):


الله يفرج لكم ويسعدكم ويحقق لكم م تتمنون
افيدوني لو بكلمه والله هالشهر كلللللله على اعصااااابي ومتوتره
ياربي وش اسوي :eh_s(2):
مين مرت بنفس حالتي وحملت ؟؟؟؟؟؟

 

[سميره مملوحه]

حبيبتي الله يبشرج بالحمل هالشهر يااارب

بس ماقلتي متى موعد دورتج
يعني متأخره ؟؟؟؟ ولا شنو

وكثر التفكير والتوتر ينزل الدوره

خلي زوجج يسوي تحليل يمكن عدد الحيوانات عنده قليله شويه

خل ياخذ فيتامين اي وحبوب الزنك

يكثر الحيوانات

ديري بالج
كثري استغفار

 

[هِتاف]

سميره حبيبتي انا دورتي مو منتظمه شوي
والدوفاستون قد جربته ونزلها لي اول يوم بعد م تركته ، هالمرا طول ٤ ايام

 

[مآيكبرني نك]

اؤل شي مش شرط اذا وصلت البؤيضة للحجم المناسب يصير حمل

لآن ممكن يكون كيس بدؤن بؤيضة ، وترى بالسؤنار مستحيل الدكتؤره تعرف لؤ هالكيس فيه بؤيضه

اؤ ﻻ هي بس شافت حجمه اؤك ،

ثآني شي الدؤرة تنززل بعد الدؤفاستؤن آكثر شي اسبؤع ، يؤم كانت دؤرتي متلخبطه وصفت لي ياه

كملت 7 ايام اليوم ال8 شرفت


الله يرزقج عاجلا غير آجل يارب

 

[مذهلة2013]

حبيبتي مو شرط الحمل يصير من اول مره
وعادي موشرط اذا ريلج عنده نقص بالحيوانات المنويه
عادي بس سبحان الله بعض الاشهر البويضه ما تتلقح
انتي نطري حبيبتي واكييد خيره بكل شي
بس نصيحه لا تفحصين مهبلي كلششش
موزين والله

 

[هِتاف]

والله حبايبي انا ماعندي خبره بهالاشياء وحاسه اني توترت
الله يوفقكم ويسهل امركم ياررررب

 

[هِتاف]

طيب الدكتوره قالت انتظري لما تنزل الدوره وخذي كلوميد مرا ثانيه ؟ عادي بنات ولا موزين ورابعض

 

[أأأميرة الورد]

حبيبتي مو شرط من اول شهر تحملين

ناس تحاول وتابع التبويض اشهر مايصير حمل

اعتمدي على الاشياء الطبيعيه
اشربي زنجبيل فرش وقت الدوره والله عن تجربه يزيد التبويض

وبعد الدوره اشربي ميراميه تنظم الهرمونات واهتمي عدل بدورتك وتدفي عدل
والجماع خليج بوضعية السجود او حطي مخده تحتك

يعني حاولي كذا محاولات ولا تتعبين بسرعه
واهم شي النفسيه ولا تفكري بالحمل

والله يرزقج ان شالله هالحمل الشهر الياي وتبشرينا

 

[هِتاف]

اميرة الورد
بعد قلبي بس انا بستخدم الكلوميد ، واستخدم الميراميه معه بعد ؟
وان شاءالله ياااارب الله يسمع منك واجي ابشركم
الله يبشرك بالجنه

 

[أأأميرة الورد]

لا مايصير ميراميه مع كلوميد لانهم اثنينهم منشطات

استخدمي كلوميد مره وبعدها وقفي علشان لايصير فيك تكيسات من الكلوميد

وجربي الاشياء الطبيعيه

موفقه حبيبتي

 

[Om_HoBi]

لا تخافين الحمل ما يضبط بكل معاشره
متى ما الله كتب اهم شي تكونين بصحه و عافيه و مايكون فيه موانع او امراض
الله يسهل عليج يارب

 

[glby7sas]

انا ايتغرب من الدكاتره اللي يعطون علاج للزوجه من غير فحص الزوج حتى لو الزوجه فيها مشكله هم لازم تفحص الزوج يمكن من الصوبين وعادي وايد بنات صارتلهن الافضل حبيبتي انه زوجج يفحص خليه ثلاث ايام من غير جماع ويروح يفحص بعدها بالنسبه للدفستون اذا في حمل راح يثبته مافي حمل راح تنزل الدوره ان شاءالله بس مايصير التوتر ترا النفسيه تلعب دور نطري بعد اسبوع مانزلت راجعي الدكتوره

 

[! فيهـآ دلـع !]

حبيبتي الله يكتب لج الحمل ويطمن قلبج

والله ماعندي اي فكره بهالخصوص

بس حبيت ادعيلج بالحمل السليم الي يفرح قلبج تفائلي بالخير وان شاء الله حاااامل

 

[هِتاف]

الله. يوفقكم بنات ويفرج لكم
واميييين يارب الله يسمع منكم


قلبي حساس

وش طريقة الفحص لرجال ؟؟؟ وش يحتاج

 

[fofowa_q8]

عادي حبيبتي مو كل مرة يصير في تبويض يكون في حمل

انا خذيت الكلوميد يمكن 4 او 5 شهور وكل مرة تنزل

اكثر من 3 بويضات وكلهم حجمهم مناسب ولا كنت. اشتكي

من اي شي بس تاخرت بالحمل وزوجي مافيه اي شي

سبحان الله بس هديت الكلوميد والعلاج حملت الحمدلله

انتي شكثر صارلج متاخره عن الحمل؟

وسويتي تحاليل الغده وهرمون الحليب وغيرها؟

اذا صارلج اكثر من سنة متاخره وانتي مافيج اي شي

زوجج يسوي تحاليل يحددها الدكتور

وان شاالله ماكو الا العافية وايد ناس يتاخرون واهم مافيهم
شي يسمونه حمل عزيز.. والله يرزقج الذرية الصالحة

 

[هِتاف]

فوفو
انا لي سنه وثلاث شهور تقريباً متزوجه
كنت اخذ حبوب منع الحمل ووقفتها من ٣ شهور
والحمدلله محلله م فيني شي يمنع
بس شاكه الدكتوره بهرمون التكيس شك بسسيط


ظنك اترك الكلوميد ولا اجرب هالشهر ؟؟
الله يريح بالك ريحيني

 

[هِتاف]

انتظر

 

[هِتاف]

بنات ممكن يكون حمل ؟ اليوم كملت اسبوع من تركت حبوب دوفاستون ومانزلت الدوره !!!

 

[كاريزما حلوة]

الله يرزقج يارب

اشربي ماي المركدوش مخفف مع الماي العادي على الريج وقبل لاتنامين يساعد على التبويض