اللى حجزت من الحين حق (لندن) حق الصيف بليز تدخل

[^kloOot^]

قوه بنات شلونكم



يوم الخميس افتريت على كذا مكتب وفي جم مكتب قالى اذا تحجزين من الحين وعلى البريطانيه حق شهر 7 تطلع لج اذكره ارخص 250 دك لشخص

بس في مكتب شككنى قالى 295دك قتله اشمعنه انت غاليه اسعارك قالى انا مستغرب انه المكاتب معطينج هالسعر يمكن بحطونج على الويتنك ليستر ومادري بصراحه قام بقول كلام وايد مافهمته

وفي ناس تقول انه البريطانيه تبيع تذاكر مرات اكثر من العدد المطلوب وتوهقج:krkrkr:


مادري شسوي


بليز اللى حاجزه تبلغنى مابي يوهقونى وتذكرلي اى سفريات ؟؟
لانى اليوم بروح قبل لا تترفع الاسعار

بليز ساعدوني

 

[Mrs. Finance]

السلام عليكم
دخلي على موقع البريطانية و شوفي جم السعر .. انا حاجزه كذا مرة عن طريقهم .. بس بالغالب تكون التذاكر المخفضة ثابتة لا ترد القيمة اذا لغيتي الحجز او تغيرين الموعد تدفعين قيمة التغيير

 

[^kloOot^]

مشكوره

 

[miss_heathrow]

ما انصحج تحجزين من الحين تو الناس وااااايد

المهم اذا تبين اي شي عن لندن او اي استفسار يخص لندن انا حاااضر

بس حرام تحجزين وتدفهعين حط احتمال خط رجعه او لا سمح الله يصير شي او تغيرين رايج
او اي شي كااان انا وااايد صارت فيني

 

[ترف 111]

لندن ممله

 

[^kloOot^]

مشكورين
حبايبي

انا اصلا رايحه لندن قبل

اهلي عايشين برايتون


بس كنت ابي اعرف اسعار التذاكر بلييييييييييييييييييييييييييييييييييز

للي حجزت

 

[زينة2008]

انا حجزت شهر 3 على البرتش كان عندهم عرض وكان سعر التذكره 190 بلالالالالاش

حق شهر سبعة وصدرنا التذاكر ...........أموت أبلندن يلا انشالله اي الصيف وانسافر ونستانج ملينا من الروتين...

 

[بنت ابووها]

لندن بالصيف عالبرتش الشخصين ب 443 على موقع البريطانيه لا يقصون عليج وحجزي عن طريق الموقع ودفعي بالفيزا اريح لج من المكاتب لان يقصون عليج وياخذون عليج فايدة دبل وحجزي من الحين لان بالصيف راح يصير فل وماراح تلاقين حجز

 

[أثير الورد]

السلام عليكم
سويت بحث فى بعض الخطوط على النت وشفت شنو الفرق بينهم بحيث اختلاف الاسعار
وطبعا الاسعار حق شخصييييين

طيران الاتحاد / 518 دينار

-----------------------------------------


طيران الامارتيه / 399 دينار

-------------------------------------

طيران القطريه / 504 دينار

-----------------------------------

طيران الكويتيه / 645 دينار

--------------------------------

طيران البريطانيه / 485 دينار

طبعا التاريخ 30/6 الى 10/7


وادعو لى انى اساااااااافر واغير جو

 

[ba6boo6ah]

up up

 

[^kloOot^]

مشكورين بنات انا قالولى 250دك

 

[دلع الكون]

انا توني راده من لندن صارلي خمس ايام

وكنت حاجزه على الكويتيه ب 175 دينار

وكانت على البرتش ب 190 دينار

من سفريات السيد بجمعية الرميثيه

وعندج مكتب سفريات اسمه المدار بمجع السفريات يعطيج سعر حلوووووووووووو

واذا تبين خصم راسليني عالخاص

 

[dashtiya]

والله انا كنت حدي مشتطه حق السفر بس الحين حدي بردت من المرض المنتشر شلون بتسافرون انتوا؟؟

 

[mr000]

أنا توني راده من لندن ب18/4 التذاكر عاى الكويتيه أخذتها من مكتب جامبو بالأفنيوز ب160 دينار بس كنت حاجزتها من شهر 3 تقريبا وأكيد ترتفع أسعار التذاكر حق الصيف بس ترى مو مبكر عااحجز حق الصيف في ناس حاجزه من قبل بعد لأن تالي ماتحصلين وتضطرين تاخذين تذاكر غاليه!!! واي لندن تهبل أستغرب من اللي مايحبونها بس الناس أذواق أو يمكن أنهم مايروحون مناطق بره فأكيد يملون من أكسفورد وأجور رود آنا ب10 أيام رحت مناطق بره لندن أول مره أشوفها وكل سفره أسوي جذي فعمري مامليت منها!بس ألحين من ناحية المرض مادري والله لازم اللي بيروح يتأكد أول

 

[روبيانة]

أنا حجزت على البريطانية و سعرها 2700 ريال لشهر 7 .... يعني تقريبا 208 دينار ...
بالتوفيق حبيبتي و إن شاء الله تحصلين اللي يعجبك ....​

 

[الدلال]

الحافظ الله

وانا حجزت حق شهر 8 على القطريه وبصراحه القطريه رووعه ومو اول مره اسافر عليها حق لندن

وطلعت علينا التذاكر 928 دينار حق 3 اشخاص وطفلين

والسكن اجرت شقه بالرووسل سكوير

ما احب زحمة الاكسفورد وأجور رود

وانشالله اذا الله سهل راح اقعد 15 يوم

 

[Q8TrendyGirl]

احنا حجزنا على الهولندية KLM من الموقع وسعر التذكرة لأدنبرة تقريبا 150 مع التاكس

http://www.klm.com/travel/klm_splash/splashpage.html​

 

[OmRashed]

انا حجزت على الكي ال ام خوش طيران ومواول مره اسافر علي هالطيران

وسعر التذكره اطلعت وايد رخيصه 154 دينار لكبير واليهال 127 دينار

اول شي حجزت على الاماراتيه 190 بس يوم شفت الكي ال مسوين عروض

حجزت عن طريق الانترنت ودفعت من تاريخ 12\7 ليما اخر شهر 8 تقريبا

 

[ام لمى]

آنا حجزت عالكويتية ب280 دينار شفت مافي فرق وايد عالاقل دايركت ولاحوسة الترانزيت من 14/7 الى 17/8 بس حبيت اسالج شكثر بتقعدين في برايتون لان هذي ثالث سنة احنا نصيف فيها خوش ديرة والله