الليسن مو لعبه يا وزارة الداخليه

[اخت واختها]

الليسن مو لعبه يا وزارة الداخليه

نتمنى من وزارة الداخليه التشدد اكثر على موضوع الليسن وسن قوانين تحمي حياة الموطنين

اكثر سبب للوفاة بالكويت على حسب علمي هي حوادث السيارات

طبعا هشي طبيعي واحنا نشوف المواطن والوافد الصغير والكبير الخواف والمستهتر العموم بيده الليسن

وليمته يعني ؟

امس قاعده الاحظ جم واحد دش علي ولوو مو انا انتبهت له ووخرت عنه جان صارلي حاديث

يمكن فوق العشر وما ابالغ بهالعدد

تخيلو يعني لو مو نباهتي جان صارلي 10 حوادث باليوم الواحد بس :eh_s(16):

واكثرهم بسبب هذا الي يدش عليج بدون لا احم ولا دستور

او يطق اشاره ويلف على طول بدون لا يشوف اذا الوضع مناسب ولا لا

هشي مو معقول يا وزارة الداخلية

:eh_s(17):

 

[&جامعيه&]

عادى الحين من هب ودب يعطونه ليسن سيلانيه ساكنه يم بيتنا ماخذه ليسن وبعد مو مدربة تقول انا اعرف بروحى وفوق هذا امتحان النظرى مو ممتحنه مطوفينها على بو انه وااسطه!!

 

[dob106]

الشره على اللى يتوسط لهم !!!!!!!!!!!! واللى يرتشى !!!!!!!!!!! واحنا الضحيه ؟؟؟؟

 

[تذكر خافقي رمحك]

اغلب الناس تاخذ الليسن بالواسطة
ومعنهم امنعوا التلفون وقت السياقة بس محد يطبق هالشي لان الوزارة نفسها مستهينة بهالشي

الله يكافينا الشر بين كل فترة وفترة اسمع عن ناس توفوا بحادث واغلبهم بعمر الورد

 

[جلكسيه اس 3]

اي و الله الليسن مو لعبه
ياريت يشوفون حل.

الواسطه مو بس بامتحان اليسن
حتى بالشغل و بكل مكان

 

[kndora]

باعتقاادي وبظري اسبااب الحوادث اهي

1- ان الاهالي يعطون عيالهم السياره وهم تحت 18 سنه ومو ماخذيين الليسن اساسا
2- الوواسسطه الي خلت الهنوود والمقيمين شكثرهم بالشارع واهماا اصلا مايعرفوون يسوقوون وقام يسببون زحمه عالفاضي مو مخليين شي ما احتلووه
3- والاختباار العملي طريقة غلط بغلط والي يمتحن بمزاجه يمشي ما يمشي

انشالله يارب يلقوون حل باسرع وقت

 

[kndora]

ايي وبعد شغله الرياايييل الكباار بالسن الي زين شايليين نفسهم لازم يلقوون لهم حل ذييك المرره بغينا نرووح فيهاا بس الحمدلله ربي سترها عليينا

 

[انوار87]

قبل شهر انا كنت واقفه على اشاره وشبت خضرا والبنت مشت وفجاه طقت بريك!! مامداني استوعب انها طقت بريك الا وسيارتي انعدمت والاخت سيارتها لان جيب ولا خط . اخوي يقولي للاسف قانون الكويت راح يطلعج انتي غلطانه خلاص مانبي مخافر و لما قلتلها تقولي الا ننطر اخوي ايي انا ابي ورقه تصليح قلتلها اي تصليح سيارتج مافيها شي وقفتني ساعه بالشمس حتى ماتقول تعالي قعدي بسيارتي عشان التكييف ولما بروحي عزمت روحي وقعدت بسيارتها اسمعها تقول حق وحده بالفون سويت حادث لا هالمره اخف من حادث الاسبوع الي طاف!!!! يعني اهل هالبنت والي نفسها اذا انتوا مو هامتكم بنتكم ومخلينها تسوق واهيا ماتفهم بالسواقه ترى احنا مانبي نموت صراحه وسيايرنا مو نازلتلنا من السما الشكوى لله

 

[شعطآنيه]

بعد شنسوي ....

لكن المفروض يسوون اللي يقدرون عليه
ينظمون السير ... يتشددون بالمخالفات شوي ... وما يعترفون بالواسطه
عشان يكون للمرور هيبة شوي ....

لأن الكل له حق يسوق ...

 

[انا لحبيبي .]

والله همي مشددين كتير ، انا صرلي سنتين بحاول اطلع ليسن ما زبط معي شي لحد هلأ ،

وفوق هاد اي حد بحكيلو بدي ليسن بحكيلي هاتي الف ، او 800 دينار وبعملك واسطه بالليسن

 

[Hi--class]

َََ


السالفه مو سالفة ان يعطون كل من هب ودب واسطه لأ..
في منهم ماخذين الليسن عادي وبشطارتهم
ولكن بالشارع العادي يطلعون مواهبهم اسمالله عليهم ولا يعطون اهمية للاشارات ولا اللفات وعبالهم شطار بهالشي
وغير اللي ماسك البيبي ويتكلم ..نسى المثل اللي يقول"صاحب بالين جذاب" يعني شتسوى عليك وانت ماسك هالفون ولفيت على واحد بالغلط !
السالفة سالفة انتباااااااه ..بالكويت قليل اللي ينتبهون بالسيااقه للاسف مع ان في منهم سياقتهم زينه مافيها شي..
الله يهديهم ..



َََ

 

[pinks]

الليسن ماله شغل كاا الشباب ماشااء الله عليهم ياخذون الليسن بدون تدريب يعرفون يسوقون

بس ماااكو اخلاق بالشارع داااااايس ويبتون ويحد الناس واخر شي يروح بيتهم ينام

لو يوعون الناس باخلاق السواقه ولو يزيدون العواقب على الي يستهتر بالشارع جان احنا بخيير

 

[gala q8]

عندنا وعندج خير .. :\


فعلآ هذي عقده امي .. بس لمن اكون معاها شوفي المعانات لمن نوصل


في ناس ما تعرف تسوووق انا اللي ما اخذت الليسن يمكن اعرف احسن منهم ..


امبيه اللي يدخل عليج و لي يلف من غير إشـآره وله الهندي اللي يعطيج السـآن تقولين شارع ابوه و له بديرته !!

 

[منو انت]

اللي ياخذ الرخصه بدون حق واحد غبي لانه يعرض حياته للخطر وعلى شنو شي مو مستاهل وصج الحيين كل الناس تطلع واهي مالها خلق وكلهم العدد يصييح من السرعه وكل وحد تشوفين شلون يسوق تقولين بس معاه بالسياره حاله ويبي طبيب وبالاخير تكتشفين اللي رايح السوق واللي جمعيه يعني مشاوير ماله داعي هالسرعه

مانقول الا الله يحفظنا ويحفظ الجميع يارب

 

[najma.q8]

الحين الكل صار معاه سياره الاطفال والوافدين أغلبهم معاهم سيارات وتعالي شوفي الزحمه والسرعه الجنونيه بالشارع

 

[FeShinGoOo]

واااي سكتي والله صج انا يرفعون ظغطي هذيل الي غصب طيب بيدش بينج وبين السياره الي جدامج لا ومعصب عليج

والله كل ما اسوق بطريج فحيحيل يرتفع ظغطي من هالنماين يالليت يحاسبونهم ويسددون عليهم اكثر

 

[MyLittleBerry]

عيل تعالو شوفو جارنا

ولده عمره 12 سنه مايروح المدرسه

اهو يوصل اخوانا الالف بالجمس واهو يوديهم الجمعيه

ابوه معطيه التصريح

 

[Miss Cherry]

احس بالرمضان اللي يسووقون تحوشهم تناحه خاصة بعد الفطور ..


عموما الداخلية كلها فساد اعرف واحد بالداخلية مطلع ليسن لمرته وهي ماسوت تراي ووالله ولا تعرف تسوق بدون حتى ماراحت عشان يطلون بوجهها وهي بالبيت وصلها ليسنها وكل يوم داعمه .. والليسن قاموا يتاجرون فيه خاصة بالنسبة للوافدين بديرته يركب حنطور يمكن ماعمره شاف سيارة يجي هني يعطونه سيارة يذبح بخلق الله

واللي اعرفه وجربته الليسن بالكويت واسطه وبس وحتى كانت تقولي مدربتي يوم بغيت اروح التراي قالت اذا ماعندج واسطه يسقطونج ماصدقتها انا اعرف اسوق قلت ليش واسطه ماله داعي مع انه زوجي يعرف واحد قلت له مو لازم انا اعرف طلع عيني اللي ركب معاي خلاني اسفط بمكان ضيج السفطة البايخة بين حواجز وسقطوني ثاني مره راح زوجي كلم اللي يعرفه ركب معاي السيارة بس مشيت مترين قالي خلاص مبروك الليسن .. مسخره

 

[رفيعة الشآآن]

صحيح كل من هب ودب اخذ ليسن

عيل هندي مسوي زحمة بشارع الغزالي يمشي اقصى اليسار 80 وطابور وراه من سياير

ولا القى باص يمشي باقصى اليسار شهالاستهتار غير شاحنات الي ماتلتزم بوقت المحدد لها و حارة المخصصة لها


انا اقول لو يحطون قانون للوافدين ان ما يستخرج رخصة القيادة الا حملة شهادة البكالريوس و الليسانس
مثل قانون دبي والباجي يتوجهون لنقل العام من باصات وتكاسي

احسن من كل وافد له سيارة وليسن ومايعرف يسوق ومسوي زحمة

 

[حلوى عمانيه]

الحين الكل صار معاه سياره الاطفال والوافدين أغلبهم معاهم سيارات وتعالي شوفي الزحمه والسرعه الجنونيه بالشارع

:eh_s(15):