الليله اللي قبل عرسج .. شنو كان ....؟؟

[خاصة جدا]

ههههههههههههههههههههه

اي الحين اذا برجع ذاكرتي لقبل سنة وجم شهر خخخخخخخخخخخخخخخخخخ اضحك على روحي كله متخلبصة وبس ما ارقد وكله متنرفزة وعصبية هههههههههههههههه على شنو مادري ابي الشي بسرعه يطوف

 

[بدويه ستايــل..]



 

[دلوعه ززوجي]

أنا كنت عندي رفيجاتي ووضحك وسوالف ولا جنه بأجر عرسي وبعدها راحم جتني حراره بجسمي ونمت وقاعده اتسبح وراحت اصابون وتهواشت مع خواتي وصالون بس. وناسه خهههههههت ياحلوها من ايام

 

[cat^q8]

انا ماتذكر شي لان كاااان حفلة بكاااااااااااااء جمااااااااااعي


انا ابجي

خواتي 5 الله يحفظهم

كلما وحده طلت من الباب شافتني ابجي دشت بجت معاي ساعه وطلعت

وامي ختمتها بعد بجي خخخخخخخ

وبعدين كنت اتأمل غرفتي شلون ان اخر ليلة بسريري

عاد كانت غرفتي مملكتي الوردية الخاااااااااااصة

وتوقعت انها بتظل للأبد بس للاسف بعد يومين من العرس لقيت الغرفة بالسكة ومسوينها غرفة لوحده من خواتي لان كان

عندنا كثاافة سكانية بالبيت خخخخخخ

الموووهم

نمت مادري شلوون وانا قاعده افكر


قعدت الصبح تريقت وجذي

الساعه 2 الظهر رحت الفندق

كنت يايبة لينا فاعور من لبنان عشان تمكيجني مع اهلي

وصلت وبدت تمكيج خواتي وانا كنت اطلعهم و ساكته مو مستوعبة الوضع


لحد ما خلصت مكياج ولبسوووني

دشوا على بنات خالي وحمواتي استحيت خخخخخخ

الموووهم يوم دشيت الصاله كنت فرحانة بالناس اللي حضرولي ولكمن يقولي باي من بعيد

المووووهم

يوم بطلع من الصاله مع ريلي جان امي تقول حق ريلي بذووونه ( شوي شوي عليها تكفى )

امي ما تستحي طلعت فديتها خخخخخخ

هني عاد جاااااااااان اخاااااااااااااااااف


وابدا اتوتر ومادري شفيني قمت استحي مع ان بدعنا بالملجة حتى نوم كان ينام عندنا بس مادش علي


احلى اياااااااااااااااااااااام

 

[ورد]

قبلها بليلة ولا كانه عرسي ولا شي ،، تعشيت عادي وجيت بنام وامي وخواتي عندهم حووووووسة

حطيت راسي عـ المخدة وعلى طول بسحبها نومة الا مسج من زوجي يسالني اذا نمت
قلت له على وشك لا تتصل
وكل شوي يرسل مسج وانا عين مفتحة وعين مغمضة وانا ارد عليه ، الي اذكره ان ما كان جايه نووم
ونمت وطسييييت من جد في ذيك النومة وقعدوني الظهر وبالموت قمت وتاخرت على موعدي في الصالون هههههههههههه ومن الزحمة ما مداني اشيك جوالي الا في السيارة وفيه مسجات وش كثر من زوجي ،، مسكين ما نام الا بعد صلاة الفجر ومن الصبح قعد يتجهز للزفة (زواج الرجال من الصبح عندنا لين الليل)

 

[مسؤولة تعيين]

اتذكر اهل ريلي الله يسامحهم مايابولي ليموزين وكنت حدي معصبببه بس بنفس الوقت مستاااااانسه ان بكون مع حبيبي واخيرا في بيت واحد وريلي كان يدز مسجات واتذكر بيتنا كان حيل متوتر ولا جنه في فرح وزهبت جنطتي مالت الفندق وطبعا يومها كلللش مانمت انا اساسا مدمنة تفكييييير

 

[popa]

اذكر اني تعشيت ونمت ماكنت افكر بشي
لمن قعدت جان اخترع ان اليوم بصير عروس
وكنت افكر بالناس الي بتشوفني اكثر من ما افكر بالمعرس
ولمن دشيت الصاله بغيت اموت من الخرعه والرهبه

 

[الـــغـــلآ]

كل المشآعر مختلطه بس الغآلب فيهآ المحاتآة

 

[فطوم السعوديه]

هههههههههههههههههههههههههههههههههه

تهبلوووووووووون ياناس مطنشين ياناس مدمنين تفكير




اذا تزوجت بعلمكم خخخخخخخخخ اعرف نفسي بارده

 

[*عيون مغليها*]

ما ادري بعد 19 يوم اقولكم ادعوللللللي الله يتمم على خير

 

[Mrs Al-Nasser]

لووول عيل انا كان عندنا ظيوف وايد من البحرين فبيتنا وبيتنا لووويه وايد ناس
جان مرت خالي تقول لي تعالي نامي عندي عشان ترتاحين ومني لويه واساسا الصبح بروح وياها الصالون

لميت قشي بسرعه بسرعه ورحت وياها
احاول انام احااول
نمت عالساعه ١
ولا الساعه ٣ اسمع صراخ ولدها يبجي من بطنه
يعني منحاشه من الازعاج واشتغل ولد خالي بجي بدالهم هههه فديته
اتقلب اتقلب لما نمت وقمت وانا داااايخه واهيا تقول لي يلا اخذيلج شور بسرعه
راحت وردت وانا اكلم رفيجتي بالتلفون
تقول لي يلااا تاخرنا وسديته وبسرعه تسبحت ورحنا

اخييه جان زين يرد هاليوم :eh_s(16):
مو من زمان قبل ٧ شهور
​

 

[شادن33]

باتشولي والله انج طيبه هههه ماتحاتين شي بااارده
انا كنت خايفه لما طلعوا اهله من الغرفه خخخخخ يا وقت الجد

 

[shy rose]

يااااااااااااااااااااااااااااااااااااربي ياحلو ذيك الايام ...
اتذكر اني مانمت الليل وكله خاااااااااايفة
والصبح افطرت فطور خفيف <<واستفرغته كله من القلق والارهاق ..
وكانو خوالي عندنا من يومين وتعالو شوف الازعاج واللجة
ورحت للصالون بدري على الساعة 10 انا وخواتي وكنت متوترة
ورجعنا على المغرب وتصوير ماتصوير
وبعدها رحنا انا وزوجي بفندق وكانت احلى ليلة ..

مرسي صاحبة الموضوع على استرجاع ذكرياتنا الحلوة..

 

[мίѕѕ 5оОо5α]

اااااب رووووعه المووضوع
اممممم
كان في شوية توتر << شلون التسريحه والميك وشكلي شلون بيطلع و و و و و. ..........
بس احلا ايام والله
انا عادي تعشيت ع السااعه ٨ فديته اخوي كان ياايب لنا من ماك :d
بعدها قعدت مع ابوي واخواني وخواتي نسولف ونضحك وجذي واخواني طاحووله ضغط فيني خخخخخخخخخخخخخ
بعدين كلمت بنت خالتي توأم روحي بالفوون
نمت الساعه ٢ << اكلت بنادول ناايت طبعا لأني بدونهم مسسسستحيل انام اذا كنت احاتي او افكر او عندي شي
وبسس
اخيييه ذكرتيني بهالاياام صج صج ياحلووووووها ودي لو ترجع :/

*

 

[امـونه]

انا ليلة عرسي تعشيت وجلست مع خوالي وخالاتي كانوا جايين يحضرون عرسي

المهم ع الساعه 2 امي دخلتني الغرفه وقفلت علي بالمفتاح يلا نامي ههههههههههههههه

وانسدح السرير وهات لك بجي هههههههههههههههههه

ودق على زوجي وسوالف ع الجوال الين الساعه 5 ههههههههههههههههههههه

شوي اضحك معاه وشوي ابجي وهو بس يسكتني كله من التوتر والخوف بس الحمدلله كان يومي حلو قعدت ع الساعه 10 وتسبحت وطلعت الصالون وبدت الحوسه عاد خخخخخخخخخخخخخخخخخ

 

[غرام 20]

انا الحين ملجة وعرسي شهر 5 وافكر بهاليوم ياااااو اخاف ابنام عند اهلي ههههههههههههههههههههههه

 

[ạ7ạśêś ~]

لووووووول انا مثلج كان عادي حيل ورحت ونمت من 10 اتذكر
بس لم رحت صالون وشفت ابوي قعد ابجي حسيت بسالفه صج بس بعد صالون ايزي
حتى طلعت اكل بالهتلون ومع رفيجاتي بس بعدها حسيت بصجيه لووول

 

[لعيون الغالي]

الله يعدي هاليوم على خير


ربي يوفقكم تحمست معاكم

 

[some one waw]

خوف مع ونااااسة مع توتر مع حزن بفارق اهلي

 

[Miss.sho sho]

ههههههههههههههههههه نفس شعووووووووورك آختي Patcholli وربي كنك تتكلمين عني
بس آلفرق متى حسيت بآلجد آلا يووم دخل علي زوجي وخلص وانا آبكي وآستوعبت وقتهآ اني تزوجت
بس مآحبيت حيآتي آلجديده وقتهآ وحتى بشهر آلعسل آبكي وآقوله مآبي شي خلاص ودني عند آهلي
عانيت آول 3 شهور وبعدين تقبلته وحبيت حيآتي وآلحمدلله . .