الليله اللي قبل عرسج .. شنو كان ....؟؟

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[البارونـه]

Up
لا يوقف عرايس
مواقفكم تهبببل
الله يهنيكم :**

 

[%دانة%]

حزب طمطم :eh_s(9):

يارب ترزقني الزوج الصالح انا وخواتي وبنات المسلمين :yaaaaaarb:

 

[^لغموضي معاني^]

ههههههههههه مافي اي احساس باللليووم هذا


ونمت يمكن اربع ساعات وفزييت

 

[بنت بطنهااا]

طلعت من البيت العصر كملت الشغلات اللي ناقصتني المفرووض مخلصه قبلها بجم يوم

المهم شريت جم بجامه وجم قميص نوم هههههه

وبعدين طلعت من السوق ع الساعه 7 رحت نيل ستيشن و زحمممممممه كنت بسوي اضافري قالتلي تعالي باجر الصبح

وطلعت منهم رحت مطعم تعشيت

ورديت البيت من الخوف ماقدرت انام قعدت مع امي الله يححفظها لي الساعه 1 او 2 بليل

و قعدت الساعه 7الصبح رحت الصالون اسوي بديكير منيكير و حمام مغربي وبعدين طلعت رحت حق الصالون اللي بحط فيه مكياااجي


حدي راهيه موو ههههههه

 

[فوولي]

لوووووووووووول موضوع مميز

 

[شطانه طفله]

انا كنت اعصااااب وعصبيه وهواش وكسرت تلفني من الاعصاب اللي صارت فيني لان بدله عرسي استلمتها قبل العرس بيومين انا فلم ورحت الصالون وانا ميته ضحك وعادي ماحسيت ان اليم عرسي كنت مع رفيجتي وضحك ووناسه مته بلش عوار بطني لما بلشوا يستشورون شعري ودشيت غرفه المكياج لدرجه يتني الدوره وانا بالصالون لاتعليق ادري
ههههههههههههه


بس مغامرات

 

[نـعـومـه]

واي قلبي عورني احلى ايام احس بدمع ؛(

ماذكر تفاصيل مع الاسف بس اذكر بليل كلمته قبل لا انام واهوه قاعد عند عيال خالته

 

[Mrs_Orchidia]

هذيج الليلة ما تنسي ! خوف و توتر و سههههرررر غير طبيعي
و سويت بعمري مصيبة بغيت انتححر رر


قاعددة من الفراغة سهرانة جان اقول جنه جسمي فيه شعر شويخل اشيله بالنير
و اقوم و احط و للا جسمي ملتهب من الحمام المغربي و الشيرة و تحترق ايدي الساعة 3 الفير !!!! و تصير بقعة عنابيييييية على ذراعي و اكلم رفيجتي بالبيبي ام و تزفني زف هههههه حياتي احبها
المهم زادت الخرعة خرعتين و طااار النوم من عيني كاااااك
بس اشوة كريم الجسم بالصالون محا كل ملامح جسمي خخخخ و رحت العرس نايمة يمكن ساعة بس

 

[Mrs_Orchidia]

بس سبحان الله ايام احلى من العسل

 

[Mrs_Orchidia]

لما رحت الصالون كنت هادية حيل .. و تصرفت عاادي و رحت الجمعية بعد
امبيه ذكريات
رحت الجمعية شريت كاكاو و حلاو و توست و جبن و عصير امي بعد قلبي تقول عشان ماتيوعين
و رحت عادي و سوالف و ضحك
بس بجيت لما ماعجبني الميك اب لكن عادي رشا شيك ماخلوا شي بخاطري الحمدلله

 

[Jolyan]

كان وضع عادي قبل عرس بليله لما جا وقت عشا و تجمعنا كلنا على عشا
و اسولف مع أبوي فديته فجأه جذي و لا ابجي بجي :eh_s(16): :eh_s(11): حتى انا كنت مستغربه من نفسي
الحين أتذكر و اضحك على نفسي

 

[♥MaSteRiyA♥]

آنا لو كان عندي جناح جان طرت
الحمدلله رب العالمين..
من أحلى وأجمل الليالي لي ولزوجي :yaaaaaarb:​

 

[memo1988]

ليلة كانت هادية امي و خواتي راحوا يودون اغراضي و جلست انا احف و بعدين سويت رياضة و وزنت عشان اوثق وزني قبل الزواج و بعد ����ً و زوجي كان يكلمني بالواتس يقولي فيني النوم بحط راسي و انا و انتي نامي بعد
و دخلت حطيت راسي بس ما نمت �� قالت لي امي قومي تدربي على المشي بالزفة
و اشغل زفتي و اللبس الكعب و اجلس اتمشى �� و ضليت ما قدرت انام الا الصباح على الساعة ثمان يمكن و الساعة 11 جالسة �� و بعده رحت الصالون و زوجي يكلمني يقولي انه ما قدر ينام طول الليل
قلت اشوا يعني مو بس انا الي ما قدرت انام ��

 

[Om_Sanad]

لوووول صحكتوني

انا شعري مدهن ومو مغسول ونمت ولا كأني ادري
ثلني يوم قعدت عل راحتي وحته صورت وانا عل سرير يم اختي نايمه شكلنا يضحك للحين عندي الصورة

حته نفس يوم حفلتي رحت طلعت بدلتي

ورحت ركبت رمووش الظهر وبعدين رحت الصالون بذمتكم ابرد مني في :krkrkr:

يمكن لان مو مثلكم ما سويت بصاله ببيت اهلي

 

[Om_Sanad]

طبعا عشان لا تستغربووون

وتحسوون اني انسانة طبيعيه لوووول

بعد اسبوعين استوعبت اني متزوجه جان ابجي بالبيت بروحي وانا اكوي الملابس كككككككككككك

 

[مزيونة الخبر]

هههههه الله تونس سوالف أن شاء الله أتزوج واقولكم شعوري بالقريب العاجل

 

[نجمه السيد]

جلوا تي كانت الاثنين العصر الثلاثاء كان ويكندارتحت فيه جداً وجهزت أغراض الكوافي من والى

 

[kAmMoOnH]

الله يسعدكم

 

[جامعيه طموحه]

ههههههههه الله يسعدكم ان شاءالله اتزوج وانا وكل العزابيات ونجي نكتب شنو صار معانا