اللي امتحنوا 12 أدبي والمنازل؟ بلبيز مساعدتكم

[M!Ss Un!VerSe]

السلام عليكم بنات

أنا بدرس منازل السنه اليايه ان شاء الله
فبغيت أسأل اللي امتحنوا عن المواد مالت المنازل اهي نفسها مالت اللي يدرسون بالمدرسه؟ ولا مونفس بعض الأثنين؟
اشصار ليش تغيرت المواد اتذكر كان في علم نفس وجغرافيا وقرآن؟ ليكون انلغوا؟ ولا نفسهم حق المنازل؟؟
والقضايا البيئية المعاصره اهي نفسها جغرافيا ولا غير؟
والأحصاء مع المنازل أو لأ؟؟؟ لإن اول مره اسمع فيه قبل جم يوم شفت الجدول بموقع الوزاره استغربت
بس اتذكر درسته ب11 ادبي و12 ماكان فيه

اهو نفسه المنهج مال أحصاء 11ولا كتاب ثاني؟ وشلون صاير يعني الرياضيات ثقيل ولا خفيف مثل 11
لإن اتذكر كانوا يعطونا حصة بالاسبوع ب11

وشلون على حسبة النسبة تراكمي ولا نفس النظام القديم؟

انا متخرجه من زمان ومكمله دبلوم بس ناويه على نسبه ابي اكمل جامعه بعد الدبلوم؟
فساعدوني فجزاكم الله خير

 

[M!Ss Un!VerSe]

الله يعافيكم بنات الإحصاء جم عليه بالشهاده؟

انا توني قريت شهادتي القديمه وكان العربي والانجليزي عليهم 60 والإسلاميه والقرآن والفرنسي والتاريخ والجغرافيا 40
والفلسفه وعلم نفس 20
ومجموعهم 360

بليز بنات الحين جم المجموع عشان اعرف الحسبة؟ وجم عليه الاحصاء لإنه زادوه عليهم؟
وشالو علم نفس وقرآن؟ فأكيد تغيرت عن 360 جم صارت ؟
واذا في مواد تغيرت درجاتهم ياريت تقولونلي جم صارت؟

سااعدوني بنات جزاكم الله خير

 

[نـــــ أم ـــــور]

وعليكم السلام ورحمة الله وبركاته

حبيبتي انا خريجه منازل ادبي نسبتي الحمدالله 79.5 اللهم بارك يمه بطلعه الروح

المهم شوفي ياروحي احنا نفس الصباحي بالضبط الفرق انه احنا ماعندنا بدنيه (العاب) وماعندنا معلوماتيه (حاسوب )

والقرآن اكيد معانا وعندنا هالسنه دستور ماده عسل الكتاب كل مال الفصلين يمكن 50 صفحة لووووووول

بس يمكن قالوا راح يشيلونها والله اعلم

وعلم النفس خلاص شالوه من رابعه وخلوه بثالثه
وقضايا بيئية معاصرة اهوا نفسه الجغرافيا

والاحصاء معانا بس ييبيلج مدرسة وبيكون سهل ان شاء الله لاتخافين بس لازم شرح اكيد

وبالنسبة للحسبة والله مادري انا درست ال3 سنين النظام الموحد يعني مادري شلون عليج بس سألي بالمنطقة التعليمية بس توقعاتي بس هالسنه يحسبون نسبتج


وعلى الاحصاء درجه بسيطه اتوقع 20 والله باجر باخذ شهادتي وان شاء الله اقولج بالضبط جم

وعسى الله يوفقج واي شي تبينه انا حاظرة بس اخاف ما اشوف موضوعج راسليني على الخاص

 

[M!Ss Un!VerSe]

مشكوووووووووره حبيبتي نـــــ أم ـــــور يا عمري ما قصرتي

وألف مبروووووووك عالتخرج ماشاء الله نسبتج واايد حلوه موفقه قلبي

بالنسبه لموضوعي

شوفي هذا الجدول مثل ما اهو موجود بموقع الوزارة قبل اعلان النتايج





فمادري انتي تقولين في قرآن وين ؟ والدستور مو محطوط بالجدول ليش؟
يعني المنازل جدولهم غير ولا شنو؟

وبسألج انتي ب11 درستي احصاء؟ لإني درست ب11 احصاء على ايام النظام القديم وب12 ماكان في احصاء؟
فبعرف اهو نفسه الكتاب القديم لإنه كان سهل خايفه يكون رياضيات صعب ؟! الكتاب متين ولا شنو؟ لإن اتذكر كان ضعيف وخفيف المنهج!

ويا قلبي انا ناطره اتقوليلي مجموع الدرجات الكلي جم ولكل ماده عشان احسب حسابي وادرس عدل..!

مشكوره حياتي على ردج.. بالتوفيق ام نور

 

[نـــــ أم ـــــور]

اي حبيبتي المنازل تحت الجدول هذا كاتبيلنا في مادتين دستور وقرآن حتى امتحناهم قبل الامتحانات اللي بالجدول فوق باسبوع
الاحصاء اي انا درست ب 11 ودرست ب 12

لا لاتخافين بسيط ان شاء الله مو نفس العلمي رياضيات لا بسيط حيل بس لازم مدرسة عشان تفهمين بس

الدرجات بالشهادة حاطينهم عادي يعني من 100 كلهم والله مادري ليش

وحياج الله ياعمري واي سؤال انا بالخدمة

 

[om_abo0od]

لا تحاتين يا مس ان ترا الاحصاااااء سهل حددددده واهو اساسا
يرفع النسبه بس بما انج راح تكونين منازل يعني لازم مدرس احسن لج
واضمن ..​

 

[M!Ss Un!VerSe]

اي حبيبتي المنازل تحت الجدول هذا كاتبيلنا في مادتين دستور وقرآن حتى امتحناهم قبل الامتحانات اللي بالجدول فوق باسبوع
الاحصاء اي انا درست ب 11 ودرست ب 12

لا لاتخافين بسيط ان شاء الله مو نفس العلمي رياضيات لا بسيط حيل بس لازم مدرسة عشان تفهمين بس

الدرجات بالشهادة حاطينهم عادي يعني من 100 كلهم والله مادري ليش

وحياج الله ياعمري واي سؤال انا بالخدمة

موفاهمه شلون من 100 تقصدين كل مادة عليها 100 ولا شنو؟

انزين شلون احسب النسبه.؟ والله احترت

مشكوووره قلبي على ردج انا شكلي بروح المنطقه التعليميه ببداية السنة اليديده واسأل

لإن شكله انتي عالنظام اليديد فغييير..

مشكوووورة حياتي على ردج..موفقه ياارب

 

[HoOope]

حبيبتي انا بعد بعيد رابعه
بس خدي متخوفه اتا خريجه 2004
ودرست دبلوم بالتطبيقي
ودي ارفع نسبتي وادش الجامعه
بي عتدي سؤال ممكن
انتي قلتي درستي دبلوم مايروح علينا اذا عدنا رابعه وانلغت الشهاده الاولى يعني همن الدبلوم يلغي؟؟؟؟؟؟؟

يصير ادرس الصبح ولا لازم مساءي او منازل؟؟؟

واب لعييووووونج

 

[أحلى عقربة]

بنات ودي اعرف اكثر عن المنازل؟؟

 

[M!Ss Un!VerSe]

حبيبتي انا بعد بعيد رابعه
بس خدي متخوفه اتا خريجه 2004
ودرست دبلوم بالتطبيقي
ودي ارفع نسبتي وادش الجامعه
بي عتدي سؤال ممكن
انتي قلتي درستي دبلوم مايروح علينا اذا عدنا رابعه وانلغت الشهاده الاولى يعني همن الدبلوم يلغي؟؟؟؟؟؟؟

يصير ادرس الصبح ولا لازم مساءي او منازل؟؟؟

واب لعييووووونج

حياتي سوري طولت على ماارد

بس مادري عن الموضوع نسيته

المهم

اول شي مايصير صبح رفيجاتي قبل حاولوا

وما صار لإن لازم تكون البنت عادت السنه مو نجحت وتبي تعيد

وثاني شي الدبلوم ما ينلغي اذا عدتي الثانويه

انا بعد خريجة 2005-2006

وعدت المنازل من قبل بس مادرست..

وناويه اعيدها مره ثانيه إن شاء الله..

ولمن عدتها أول مره لإني ما درست سقطت ب3 مواد.. دور ثاني .. ومارحت حق الدور الثاني

عاد رحت المنطقة التعليميه انا تبع العاصمه خفت لإني مابي تروح علي شهادتي الاصليه

ومابي السنه اللي عدتها لإني ماكنت بحضر الدور الثاني مع إن نسبتها أعلى بس مابيها..

عشان مالي خلق دور ثاني رضيت بشهادتي الاصليه..

المهم جان اتطمني اللي هناك اتقولي لا تحاتين اللي تسقطين فيها ما ياخذونها

ياخذون بس اللي نجحت فيها ..

والحمدلله شهادتي تمت نفسها .. بدليل انا غيرت مكان دراستي 3 مرات من 2007 لهالسنه

وكل مر يقبلوني على نفس شهادتي القديمه

فلا تحاتين..

ترى انا يوم قدمت عالمنازل كنت ادرس بكليه فترى عادي..

تدرسين وتعيدين المنازل بنفس الوقت ..

ترى عندي ملاحظه قريتها هناك

إن يحق لكل كويتي يعيد المنازل 3 مرات فققققققط

وانا عدتها مرتين بدون دراسه هههه.. يختج محسووده..

المهم استهلكت المرتين وباجيلي الاخيره

وعلى فكر المنازل مو بلاش يعني تدفعين 30 دينار تسجيل مع اني كويتيه

ولا بعد اذا سجلتي متأخر ياخذون 60

والأدهي والأمر اللي تعيدها للمره الثالثه تدفع 90 تخيلي؟ ولا اذا متأخر دفعي دبل؟!

انا اول مره سجلت مبجر دفعت 30 وثاني مره دفعت متأخر 60

التسجيل المبجر اتذكر بشهر 10 والمتأخر ينتهي بشهر 2 عقبها ماكو تسجيل

يعطونج اوراق رقم جلوسج واوراق تستلممين كتب ويطلبون منج شغلات اللي اهي بيناتج ومادري شنو

اي والمنازل ترا غير المسائي المنازل امتحان واحد اللي اهو اخر السنه عليه 100

يعني المنازل صعب عل مو شاطره..

لإن الدرجه تنحط نفسها..

موفقه ان شاء الله..

 

[M!Ss Un!VerSe]

بنات ودي اعرف اكثر عن المنازل؟؟

اقري الرد اللي قبله..

وإن شاء الله البنات يفيدونا ..