اللي بتروح لندن على شهر 11 أو 12 تدخل تفيدني

[BaiTotia]

قوووة

منو تعرف جم التذاكر الحين حق لندن؟

القطرية و الإماراتية بليييييييييييييييييييييييييييييز

والفنادق شلون أسعارهم هالأيام؟

 

[a7latwins]

انا ان شاء الله رايحه لندن بالكرسمس
طلعت علينا التذاكر على الاماراتيه 590
و حجزنا الكمبرلاند طلع علينا تقريبا اذا ماني غلطانه 480 - 500 لمده 8 ليالي
و اي شي تبينه راسليني على الخاص

 

[carrot^cake]

القطرية ارخص شي حق لندن
بالصيف كانت 265 التذكرة
اتوقع بعد الحين ارخص
دشي على سايتهم يحطونلج كل شي كل تاريخ ومع سعره

 

[versace]

أنا ودي بلندن بالكرسماس بس بنات مو برد هناك وأنا باخذ اليهال شنو تنصحوني

 

[fona]

هلا بيتوتيا اشلونج وشخبارج

شوفي انا طلعتلج سعر التذكرة حق الشخص الواحد على الايكونومي 205 عالاماراتية و187عالقطرية .. بس انا حاطه تقريبا من نص 11 لي اخر 11 الاسعار وايد حلوة .. واذا على الفنادق انتي وين تبين اي فندق عشان ادورلج حبيبتي...

 

[BaiTotia]

أحلى توينز إن شااااااااالله تستانسين بسفرتج

كاروت كيك القطرية رووووعة

حسافة ماعرف أحجز بالنت

فيرزاتشي أهو أكيد بررررررررد بس عادي وناسة حتى بالكويت ب12 برد يدش بالعظم وبالنسبة لليهال أهم شي أخذي لهم ملابس ثقيلة و عربانة حقهم

فونا هلا وغلااااا أتمام وإنتاي؟

تعرفين فنادق غرفهم عودة شوي وأسعارهم حلوه؟

أنا سكنت من 9 و 10سنين ب Thistle Marble Arch وكانت غرفه عودة وزينة بس الحين مادري شلونهم؟ وشلون أسعاره؟

مشكووووووووووووووووووورين ماقصرتوا تعبتكم معاي

 

[fona]

الله يسلمج بيتوتيا.....
شوفي ثيستل جددوه يقولون صاير حلو بس انا مو شايفته .. انا شايفه كمبرلاند والله انصحج فيه اهو في وايد غرف وفي الكبار وفي الصغار على حسب انتي شنو تبين بس والله نظيف انا عندي اهم شي الحمام وانتي ابكرامه...وعندج فندق سيلفردجز في ناس يمدحونه وفي ناس لا ..بس نصيحه احسن شي كمبرلاند موقعه وايد حلو
وان شاء الله البنات يفيدونج واذا بغيتي شي انا حاظرة

 

[أم منصور2000]

انا مسافره اول الشهر 11 ولاسعار زينه وايد بنسبه للاماراتيه

ان شالله تتوفقين

 

[AMANI82]

انا احب ثيسل قريب بنص السوق و غرفه كبيرة

 

[كويتيه مذهله 87]

انا ريلي بروحلها شهر 1
ان شالله

بس ما يدري جم اسعاارهم توصل

 

[BaiTotia]

فونا إي وايد يمدحون كمبرلاند بعد ما عدلوه أهو بأجور رود صح؟؟؟؟؟

تسلمين حبيبتي ماقصرتي

أم منصور بالسلامة حبيبتي

إن شاالله الله يكتبلي السفرة وأروح

أماني ثيستل موقعه واااااااااااااااايد حلو وخطوتين إنتي بالسوق

مشكورة

كويتية مذهلة يروح بالسلامة إذا محدد الموعد خل يشوفله من نص 11 حجز لأن الأسعار تغلى والفنادق ممكن تصير فل

مشكورة

 

[ام سعيد77]

السلام عليكم ورحمة الله وبركاته الغاليات انا ابغي اعرف متى بتبدأ تنزيلات الشتا او الكريسمس عندهم لاني ابغي اسير بس 6ايام وارد ؟؟؟

 

[BaiTotia]

هلا أم سعيد

إن شاالله البناتاللي رايحين يفيدونج

أنا أتوقع من شهر 12 يمكن بالنص

 

[اوملييتا]

حبيبتي انا بروح اول 12 جيكت على القطرية من النت البريتش ارخص انا بروح 3 - 12-2008 طلعت تذاكري انا وريلي ب506 دنانير
ا

 

[BaiTotia]

أومليتا

البريتيش قليلين أدب ماأحبهم

تروحين بالسلامة

 

[fona]

هلا بيتوتيا
كمبرلاند صاير في ماربل ارج مو اجوورود تقريبا قريب من ثيستل مو وايد ابعيد

بس حلووو انا الصراحه حبيته وللاسف انا مو شايفه ثيستل عشان اقدر اقارن بينهم بس انتي شوفي شنو الارخص لانه اتوقع اثنينهم نفس المستوى ..

وان شاء الله اتسافرين وتستانسين يااااارب

اذا عندج اي سؤال انا حاظرة

وان شاء الله اقدر افيدج

 

[BaiTotia]

هلا وغلا فونا

إي عيل ثيستل و كمبرلاند قراب من بعض أثنينهم بماربل آرج

مشكوووووووووووووورة حبيبتي وأبي سلامتج

 

[fona]

العفو ولو

الله يسلمج

 

[اوملييتا]

أومليتا

البريتيش قليلين أدب ماأحبهم

تروحين بالسلامة

الله يسلمج ياعمري بس اشفيهم انا اول مره اروح عالبريتيش ؟؟

 

[bambena]

الارخص اتوقع الجلف اير

خل اشوفلج اون لاين