اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[بنت فايزه]

أهلين ياااا حلوات أنا هذي أول مشاركه لي بالمنتدى ..
ياااازينكم يا الكويتيات و يا خف دمكم ....

أنا ان شاء الله رايحه بدايه 7 و الا نهايه 6 ..
و حسيت الخطوط القطريه هي الأفضل في السعر و الا وش رايكم ...
حجزت لنيويورك و طلعت لي التذكره بـ 4950
عاد قالوا لي ازين من الكويتيه و السعوديه
وش رأيكم ...؟
بس صدق 17 ساعه نونا !!!

 

[لولوة الكويتية]

كويتيه 81 في القطريه دايركت لي نيويورك ولا ماتبين نيويورك ترى الهولنديه زينه ريلي مجربها

 

[q8tiaa81]

اي والله يانونة 17 ساعه تعب عاد قلت بروح عالهولندية والله مدحوها لي وبتوكل على الله لانه زوجي حتى عالكويتية يقول وايد 13 ساعه ومعانا يهال

 

[digital]

السلام عليكم

بنات اللي حجزوا بجم التذكره ؟؟

 

[q8tiaa81]

ولله لولوة الكويتية لامابي نيويورك واختي ديجتال على حسب الولاية اللي انتي تبينتها

 

[ام النمل]

بنات الفين دينار تكفي حق عشرين يوم انا وريلي و2 عيالي ؟

السلام عليكم حبيبتي.....الالفين اللي بتاخذيهم حق شنو بالضبط.......حق تذاكر ولا سكن ولا مواصلات ولا اكل ولا مصرفج ومشتراج؟؟؟؟!!!!!!

 

[q8tiaa81]

لاطبعا بدون سكن ولاتذاكر مصرف بس بس الحين زدتهم صاروا 3000

 

[digital]

انا حطيت الروحه لي نيويورك والرده من اورلاندو بس جنه التذاكر غاليه طلع حدود ال 500 وشي

 

[الـجـادل]

بنات انا بشهر سبعه ان شالله ناويه على نيويرك

ابي ارخص خطوط جويه
وماعندي مشكله مع الترانزيت كلنا كبار وعددنا سبعه
نبي 20 يوم ودي امر اكثر من ولايه بس الوالد ماتحب التغيير

بس خايفه نصادف شهر رمضان
ومتى تاديدون احجز السكن والخطوط ..؟؟
ابي فنادق مجمعات مطاعم ابي شي لقالت انا رحت امريكا مايقولون طافج
وشنو تفضلون مواصلات سياره اجر ولا انتقل مع الباصات

وهل يوجد باص رحلات نطلع معه من الصبح ونرد للفندق بالليل


بليز بنات ساعدوني انا كابتن الرحله
امي كلشششششششش مو واثقه فيني ومابي ظنها يصير صج
واخواني معطيني الضوء الاخضر ومعتمدين علي وابي اكون قد هالثقه



شنو النصائح الي توصوني عليها بهالرحله

 

[q8tiaa81]

اختي ديجتال اي خطوط اخترتي؟ والجادل حبيبتي حجزي الحين لاتنطرين انا نطرت وارتفعت التذكرة وايد

 

[digital]

صااجه التذكره كانت ب اقل من 400 دينار قبل شهر الحين زادت الاسعار وايد

شفت القطريه واليونايتد وال klm تقريبا كلهم نفس السعر

كل سنه على شهر 2 يسوون عروض على التذاكر هالسنه مافي شي

 

[q8tiaa81]

Klm رخيصة احسن من القطرية بس حاولي تغيريين بالتاريخ تلاقين ارخص

 

[هاديهـ&مطيعهـ]

آنا بنطر لي نص 3 دايم يسوون عروض

 

[ناسي626]

انزين اذا جوازي ينتهي 2013 شيصير عالفيزا لان مدتها 10 سنوات
هل اقدم من جديد!!!!!

 

[الكويتية28]

بنات انا مقابلتي انشالله يوم الخميس ادعولي الله يسهلها .. والله خايفةالله يستر

 

[q8tiaa81]

باركولي بنات حجزت عالهولدنية كان ودي القطرية بس 17 ساعه طيران وايد ريلي يقول ترانزيت احسن واللله كريم الفال لكم الظهر كانت التذاكر 1200 يينا نحجز بليل ارتفع السعر وصاروا 1406 خلصنا اخيرا الحين بتفرغ للفندق والله يوفق الجميع

 

[بنت فايزه]

اهلين بنات
ودي ببيوتي سنتر بنيويورك و الا أورلاندو و فيه سكشن للمحجبات ....
أبييي شغل عددددل ..

 

[عديل الروووح]

انشالله بنات انا ماشية السبت 5/3 على اليونيتيد وطلعت التذكرة 460 لاني ماخذتها مفتوحة لاني رايحة علاج لابنتي ومادري متى ارد
وتخيلوا انا حامل وبدخل الشهر السادس والله يستر وخايفة عسى ربي يسهل انشالله
حبيت اسال البنات الخبيرات في السوق في واشنطن دي سي وفرجينيا يالله همتكم ابي اسواق زينة اقدر اروحلها في هذي المنطقتين
عفية اللي تعرف تقول لي لاني ماعرف الا (البينتقون +البوتيماك +تايسون )بس اللي يعرف اوت ليت هناك شغلة حلو ورخيص يقولي لاني
ابي اشتري لولادتي ولابناتي للعيدين ارخص عفية لا تنسون طالبتكم
واي استفسار انا حاضرة

 

[q8tiaa81]

الله يوفقج ويعينج عديل الروح

 

[الكويتية28]

بنات اللي راحو المقابلة شنو تاخذون معاكم والابلكيشن يكون موجود عندهم لما تروحون ؟؟ وورقة الموعد يكفي اطبعها واراويهم ياها والا بعد يجيكون عليها ؟؟ شلون طريقتهم تكفون جاوبوني . موعدي الخميس وخايفة حدي اكون غلطانة بشي او ناقصني شي.