اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[^noonaa^]

وناااسه واخيرا فتحتووو هالتجمع


انا ان شاءالله اذا الله كتب بروح 1\7 وبعد 25 يوم

وبروح لوس انجلوس ولاس فيغاس وسان فرانسيسكو وسان ديغوو

وقاعده ادورلي فنادق واللي جربت فنادق ابهالولاايات اتقولي بليز اتفيدني

 

[q8 83]

عيل يمكن اغير رايي واللي كاتبة الله بيصير . مع انتصدقين عندي خصم عالكويتية بس مادري انشالله اروح فيها بعد مايروح الخوف مني.
بس بغيت اسألج اروح السفارة اخذ منهم اوراق للفيزا وطلباتهم او من النت؟
اخوي يقول اهو اخذ منهم الطلبات ودزولة على ايميلة موعد المقابلة . فشلون طريقتهم؟؟
والفندق حاطتة بقائمتي لان صج حلو .بس شرايج اسكن بالتايم او بعيد عنة؟؟ اخوي يقولي لاتسكنين فية مادري ليش . فشرايج

كل شي صار بالنت مافي فيزا عن طريق السفارة دايركت حتى موعد المقابلة عن طريق النت

وبالنسبة لنيويورك لا تسكنين برا التايم سكوير ترى مو امان بالليل كلش التايم سكوير امن جدا اما الافنيوات الثانية ترى خطره

 

[Dorur]

بنات متى احسن وقت حق حجوزات السفر لامريكا؟
لو الله كتب ورحنا شهر 7
وبالنسبة للفيزا جم يبيلها على ما تخلص؟ واسويها قبل الحجز ولا عقب ولا مايفرق؟
مشكوريييييين

 

[^noonaa^]

@@ امبييييييييه شالسالفه محد بيسافر امريكااا


ليش التجمع نايم

ويييييينكم اهل الخبره؟؟

 

[الكويتية28]

رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

مبرووووك افتتاح التجمع .. وان شاءالله يكون من التجمعات الناجحة علشان يتم تثبيته :rerrerek:


بالنسبة لرحلتج وعلى الاماكن اللي مختارتهم اشوف 20 يوم وايد شويه :eh_s(2):


نيويورك كافي لها من 5-7 ايام (بزيادة)

افضل اماكن السكن فيها مانهاتن / تايم سكوير

عندج ماريوت - شيراتون - حياة من الفنادق الممتازة اهناك

انصحج تاخذين رحلات تور فيها وتزورين تمثال الحرية والجزيرة اللي عليها - اهم الاماكن السياحية في نيويورك السنترال بارك - بلازا هوتيل - الامباريم بلدينغ - مكان احداث سبتمبر 11 - سكاي لاين نيويورك- السوق .. واذا تحبين العروض تقدرين تحضرين عروض برودواي بس اذا بتروحين لاس فيغاس حضري العروض اهناك احسن لأنها نفس العروض مثل فانتوم اوف ذا اوبرا -لايون كينغ- ماما ميا - شيكاغو وغيرها ..

متحف الشمع مدام تيسو موجود في نيويورك - لاس فيغاس - هوليوود في لوس انجلوس لا تروحين مال لاس فيغاس صغير انصحج بمتحف الشمع اللي في نيويورك او هوليوود


بالنسبة حق لاس فيغاس

سكنت في الفنيتين الفندق حلو بس اللي ما حبيته بفنادق لاس فيغاس ما حسيتها 5 نجوم!! خدمتهم عادية بس عجبني فندق الwynn las vegas حسيته حلو

شارع الستريب في لاس فيغاس كل شي فيه وتقدرين تفرين على كل الفنادق اللي اهناك والسوق وتحضرين اغلب العروض

من العروض الحلوة في لاس فيغاس

1. The lion king

2. Phantom of the opera موجود في الفنيتين

3. Mestere عرض سيرك تابع لسيرك دي سوليه موجود في فندق تريجر ايلاند

4. O عرض موجود في فندق البيلاجيو واهو تابع لسيرك دي سوليه بعد

5. عرض ka هم حق سيرك دي سوليه

6. Le reve عرض مائي حلو موجود في الوين هوتيل

وهذا الموقع يفيدج حق رحلات لاس فيغاس البرية ورحلة الويست غراند كانيون (الهنود الحمر) وباقي عروض لاس فيغاس مثل عروض كريس انجل وديفيد كوبرفيلد وغيرهم
www.lasvegas.com


كاليفورنيا حيل كبيرة بس اذا بتقعدين في لوس انجلوس بس لازم تقررين وين تبين الشمال والا الجنوب يعني صوب هوليوود وبيفرلي هيرلز والا صوب الجنوب عند نيو بورت بيتش واريفاين وقريب من سان دييغو خصوصاً ان ما عندج وقت تروحين كل مكان فيها


ولي عودة بإذن الله موفقة :aha:

​

انشالله يتثبت التجمع ويستفيدون منة البنات
10 ايام قالولي زينة للوس انجلوس بزور فيها الشمال والجنوب بقسمها 6 ايام شمال و4 جنوب يمكن . وماعليج بتشوفين تكفينا ويمكن تزيد . خل اول مرة انشوف هالديرة وانا بروح بالغالب للتسوق هذا اللي احبة بالسفر .

 

[الكويتية28]

بنات اللي سافرتو امريكا شاركونا تجمعنا فيدونا
ونونا ماعليج التجمع بيزيد بس تدرين متى ؟؟؟
شهر 3 لان اغلب اللي يفكرون بالسفر لهالدولة يبدون بالحجز .

 

[الكويتية28]

بنات وينكم نايمين شنو منتو مسافرين امريكا؟؟؟

 

[المستبــده]

الله يكتب لنا هالسنه حق امريكا وانضم معاكم

 

[عروس الدنيا]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

التذاكر نااااااااار .... العام هل حزه التذاكر بالقاع ... الحين اشوف الاسعار غاليه ... وايد انشالله تنزل الاسعار لي شهر 3

 

[carlota]

انشاء الله حجزنا علي البريطانيه تاريخ 25/6 بنروح لوس انجلوس و لاس فبغاس و سان ديغو راح اتكون مده الرحله 28 يوم انشاءالله بالنسبه حق السكن حجزنا شقه في ذا فلج

 

[ام سعودي وحمودي]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

شرايكم بنات اخذ ولدي عمره 2وثمان اشهر غلى وقت السفره اخذه او اخليه

 

[الكويتية28]

رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

التذاكر نااااااااار .... العام هل حزه التذاكر بالقاع ... الحين اشوف الاسعار غاليه ... وايد انشالله تنزل الاسعار لي شهر 3

اي صاجة . اظاهر شافو الناس قامو يروحون لامريكا وايد فزادو سعر تذاكرها

 

[الكويتية28]

رد: رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

شرايكم بنات اخذ ولدي عمره 2وثمان اشهر غلى وقت السفره اخذه او اخليه

حبيبتي طيعيني وخلية جددي شهر عسلجمع ابو العيال . لاحق عالسفر . انا اكبر عيالي ولدي وقت السفر بيكون 5 سنين والصغير 3 سنين وفكرت اخذهم بس لاكلهم مائيدوني حرام مايفهمونشي وبتعب معاهم بالسفر . خل انشالله لما يكبرون ويفهمون اسفرهم لاي مكان يبون حتى لو جزر القمر

 

[قلبي الصغير]

ودي انشاءاالله باذن الله اروووح بس الصراحه التذاكر تكسر الميزانية :cxxxp:
شنو ارخص طيران؟؟ انا ودي اروح اورلاندو اونس عيالي يعني جم تقريبا صرف اورلاندو؟؟؟
واذا بروح امريكا 10 ايام جم بتكون الميزانية؟؟ بليييز عطوني فكرة عشان اقدر ارتب عمري وادعووولي اساااافر :eh_s(8):

 

[مدرسة كويتية 95]

ودي انشاءاالله باذن الله اروووح بس الصراحه التذاكر تكسر الميزانية :cxxxp:
شنو ارخص طيران؟؟ انا ودي اروح اورلاندو اونس عيالي يعني جم تقريبا صرف اورلاندو؟؟؟
واذا بروح امريكا 10 ايام جم بتكون الميزانية؟؟ بليييز عطوني فكرة عشان اقدر ارتب عمري وادعووولي اساااافر :eh_s(8):

امريكا 10 ايام ما تسوي كلش شنو بتطقين الطوفة وتردين؟ :RoadRunner: يا قلبي انتي رايحة قارة كاملة تمتعي اصلا انا اشوف حتي شهر ما يكفي الا جان ولاية او ولايتيين يمكن

 

[زنوبة الحلوة]

خوش تجمع ويه بوقتة

انا ودي اسافر امريكا وتحديدا اورلاندو واول مرة بحياتي اروح امريكا

و ودي معلومات عن السكن وتأجير السيارة

بنات اللي عندها اي معلومة لا تبخل علينا فيها



ويعطيكم الف عافية

 

[Om_Ksha]

بنااااااااات كل وحده تكتب شنو جدولها .. انا قاعده ايمع معلوووومات الصراحه

 

[BroKeN GiRL]

مقررين الصيف على اوربآ انشالله .. ولنا خبره فيها مو اول مره نروحلها
بس عقب الزياده تغيرت النظره يعني ميزانيتنا حلووه حيل قمنا نفكر بامريكآ ومترددين ؟؟

بس ولا مره رحتلها وماعندي خبره ومتخووفه منهآآآ ؟؟؟؟؟؟؟؟ شرايكم بنآآآت

يكفي لهاا 16 يوووم ؟؟؟؟؟؟؟ ولايتين ؟؟؟؟ او 3

وشلون الميزانيه صج يقولون رخيصه امريكآآآآ ؟؟؟؟؟؟؟؟؟؟؟ بس تذاكرها غاليه ؟؟؟؟؟

 

[قلبي الصغير]

عزيزتي مدرسة كويتيه انا اول مره اروح امريكا فكبدايه حابه اروح بس ولايه يعني حاطه فبالي اورلاندو عشان جيه انا اقول 10 ايام كفايه؟؟

 

[ذرابه]

رد : اللي بتسافر امريكا صيف 2011 .. تركب معانا ( تجمع امريكا .. شيكا بيكا)

جيكت عالقطريه بتاريخ ٣ يوليو

لوس انجلوس والرده نيويورك



ب ٩٠٠ وشي اشدعوااااا 