اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[Om AlBdoor]

بنات اللي عندها اي استفسار بخصوص امريكا ان شاء الله ماراح اقصر ، ان افتريت علي اكثر من منتدي اقرأ معلومات عنها ، وأخوي راح لها كذا مره اقدر ارجع له باي شي

 

[كويتية أصيله]

شلونكم بنات ، أنا من زمان متابعتكم كويتية 28 وكويتية 81 ونيو وومن وام كشة وكويتية أصيلة ونونا ، بس ما حبيت أتفاعل معاكم الا لما أتأكد من سفرتي لأمريكا من زوجي ، هذي اذا الله كتب راح تكون اول سفرة لنا لأمريكا ، الحمدلله خلصنا من المقابلة حق الفيز بس باقي نستلم الجوازات ، بس امس زوجي صدمني علي موضوع إجازته يقول وايد الدوام متشددين علي الإجازات خاصة اللي بشهر 6 و 7 ، ادعو لنا بنات ان الله يسخرهم ويكتب لنا هالسفره *

الله يسخر لكم الارض وما عليها ويكتب اللي فيه الخير والصالح لكم...... وين معزمين تروحون؟؟؟؟؟؟؟

 

[q8tiaa81]

ام البدور اذا رب العالمين كاتبها لج صدقيني بتتوقع اجزة ريلج بدون مشاكل انشالله خير ربج كريم

 

[^noonaa^]

ام البدور


حيااج الله حبيبتي
وان شاءالله يوافقون على اجازة ريلج

صج ماقلتي لنا شنو خطتكم ان شاءالله

 

[q8tiaa81]

بنات انتوا بالويك اند تاخذون اجازة من المنتدى ))) ترى العطلة من الدوامات بس

 

[أم حمادين]

ان شاء الله تطلع فيزه ريلي واتفاعل معاكم

 

[ناسي626]

بنات ترا التجمع صاير صخه خلونا نتعاون نترسه معلومات
ونبي نحدد تقريبا ميزانية السوق والمطاعم جم يبيلنا لاني احس فلوسي شويه ونبي نشوف كل وحده جم تقريبا بتاخذ
ارجو التعاون والرد:yaaaaaarb:

 

[q8tiaa81]

ام حمادين انشالله خير ياربي ويدقون عليج بأقرب وقت يارب وتتفاعلين يارب ناسي 262 انا لحد الحين حاطة 3500 واحسهم شوية مادري وعموما معاشي ومعاش ريلي ينزلون واحنا هناك مادري يكفون ولاشوية

 

[عروس الدنيا]

انتوا تجمعكم صخه ... ليش وينهم ملوت العام و اول العام ام البنين و البقيه راونا وينج

 

[^noonaa^]

صباااح الخيييير

شلوونكم بناات


ناسي

والله مادري على حسب كل وحده واشكثر ابتشتري واشكثر ابتقد




بناااات منو عنده ايفووون ؟

عندي لكم برنامج حده عجيييييييب يبين لج احسن الفنادق والمطاعم والاماكن السياحيه باي منطقه انتي تبينهاا واللي عجبني فيه اكثر شي انه الناس مجربينه وحاطين راايهم والصور اللي مصورينها

اللي تبيه اتقولي

 

[كويتية أصيله]

انتوا تجمعكم صخه ... ليش وينهم ملوت العام و اول العام ام البنين و البقيه راونا وينج

حبيبتي بنات العام ملو من تكرار المعلومات ماكو شي جديد ...... نفس المعلومات كل سنه فسوي مثلي دخلي تجمع السنه إللي طافت واقريه مفيد جدا جدا.....

 

[Om AlBdoor]

الله يسخر لكم الارض وما عليها ويكتب اللي فيه الخير والصالح لكم...... وين معزمين تروحون؟؟؟؟؟؟؟

آمين اجمعين ان شاء الله :yaaaaaarb:
احنا اذا الله كتب خط سير الرحلة راح يكون كالتالي على الخطوط البريطانية:
كويت - لندن ( 6 ساعات تقريبا )
لندن - لوس انجلوس ( 9 ساعات تقريبا )

بعدين نقعد بلوس انجلوس 7 ايام نأجر سيارة طبعاً ونستلمها من المطار ومن لوس انجلوس نروح لاس فيغاس 3 ايام او اربعة ايام ( الطريج 4 ساعات بالسيارة ) واحتمال نمر سان دييغو نقعد فيها يومين ، الرجعة لنيويورك يا تكون من لوس انجلوس او لاس فيغاس طيران داخلي ( 6 ساعات تقريبا ) نقعد 3 ايام بنيويورك .

ومن نيويورك - لندن ( احتمال نقعد 3 ايام بلندن )
ومن لندن - الكويت حبيبتي

طبعاً هذي للحين خطط ما حجزنا شي ، واي وحده عندها اقتراح ياريت تفيدني . احنا كان المخطط مالنا غير جذي ، كانت اورلاندو داشة على الخطة بس حسيت راح تصير لوية وتفتر روسنا من كثرة الطيران الداخلي مع ان احنا خفاف انا وزوجي بس وبناتي حبايبي راح اخليهم عند امي بس هم حسيت ان وقتنا راح يضيع على الطيران الداخلي

 

[Om AlBdoor]

ام البدور اذا رب العالمين كاتبها لج صدقيني بتتوقع اجزة ريلج بدون مشاكل انشالله خير ربج كريم

سبحانه ، الله يكتب اللي فيه الخير ، شاكرتلج :eh_s(7):

 

[Om AlBdoor]

ام البدور


حيااج الله حبيبتي
وان شاءالله يوافقون على اجازة ريلج

صج ماقلتي لنا شنو خطتكم ان شاءالله

الله يحييج حبيبتي نونا ، امين ان شاء الله :wqedqw:

 

[Om AlBdoor]

بنات نصيحة اللي راح يطبون نيويورك ترانزيت يحطون ببالهم ان جناطهم راح يتلونها بنفسهم الى الترمينال مال الطيران الداخلي اللي راح يركبون عليهم ويحطون ببالهم اجراءات التفتيش الطويلة ، فيا تطبون نيويورك تقعدون فيها جم ليلة ترتاحون ، او تروحون على طيران دايركت يوديكم على الولاية اللي تبونها ، اخص بالكلام هذا الخوات اللي بيروحون مع عيالهم

 

[Om AlBdoor]

بنات ترا التجمع صاير صخه خلونا نتعاون نترسه معلومات
ونبي نحدد تقريبا ميزانية السوق والمطاعم جم يبيلنا لاني احس فلوسي شويه ونبي نشوف كل وحده جم تقريبا بتاخذ
ارجو التعاون والرد:yaaaaaarb:

ناسي اللي اهم من هذا انج تراجعين البنك مالج وتقولين لهم لا يحطون لميت على السحب مالج في اليوم ، تدرين الواحد بديرة غربة وما يندرا عن الظروف هناك

 

[Om AlBdoor]

ان شاء الله تطلع فيزه ريلي واتفاعل معاكم

أم حمادين ان شاء الله تطلع فيزته ، وكل شي خيره صدقيني

 

[ناسي626]

ناسي اللي اهم من هذا انج تراجعين البنك مالج وتقولين لهم لا يحطون لميت على السحب مالج في اليوم ، تدرين الواحد بديرة غربة وما يندرا عن الظروف هناك

ما فهمت قصدج يعني راح يكون لي لمت وانا مسافره مثلا 200 باليوم هذا قصدج؟؟؟:bbbiu:

 

[new woman]

انأجر سيارة من المطار أحسن ؟؟؟ ( نيويورك )

ولا المكاتب من بره أفضل ؟؟

 

[Om AlBdoor]

ناسي انا اتكلم عن بطاقة البنك مالتج اللي تستخدمينها ( كي نت ) عادة يكون اللميت المسموح فيه بالسحب باليوم حول الالف مو اكثر ، فعلشان جذي تأكدي من البنك مالج قبل لا تسافرين اذا راح تستخدمينها هناك
نيو ومن حبيبتي السواقة بنيويورك صعبة وايد ما نصحج فيها خصوصا الاماكن اللي بتروحين لها كلش محدودة حتى الأوت لت تسألين عنه الفندق اللي بتسكنين فيه ، واللي اعرفه ان في باص يوديج لهناك