اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[مفتـون]

travel

انتي نفسي انا بعد مب ناويه على ديزني لانه عندي بيبي بس بتحسف عالالعاب اللي ما بقدر العبهم :eh_s(4):

يعني اذا بتمون شهر احس حلو لو تبدون من الجنوب بطلوع :

سان دييغو ٧ ايام

و بعدها لاهويا ٤ ايام

وبعدها نيوبورت بيتش ٦ ايام

بفرلي هيلز او سانتا مونيكا ٦ ايام

واخر شي سان فرانسيسكو .. ٧ ايام

سوي سيرج على كل منطقه وشوفي لو حبيتيها ولا لا.. انا وزعتلج الايام على ذوقي الشخصي حسب ما اشوف كل مدينه كم تحتاج .. بس هالشي راجع لج طبعا :eh_s(7):


--

new woman

اوه بعده باقي ٣ شهور على سفرتكم.. خليه يجدد الجوازات ويخلص وبعدين اشتغلي عالابلكيشنات لانهم يبالهم طولة بال .. اهم شي الحين خذي قرار عن الولايات والايام و دوري الفنادق اللي تناسبكم عشان يوم تجهز الفيز تحجزون طيران وفنادق وكل شي من وقت .. :rerrerek:

--


الجادل..

اشوف اسعار الفيرجن بعد حلوه.. *

ادخلي موقع الطيران وبتاخذين فكره كم السعر بعد التاكس.. virgin airways

اما على الاماكن الحلوه في امريكا انصحج بالتقارير السياحيه وايد بتستفييدين منها خلي عندج مذكره صغيره وقسمي الاماكن وتحت كل مكان اكتبي احلى الاسواق والمطاعم..

--


يبالنا نحط جدول تواريخ المسافرات .. :bbbiu:

 

[مفتـون]

ام كشه

اذا تبين الماركات روحي بارنيز نيويورك و ماديسون افنيو،، وعندج الفيفث افنيو عليه وايد محلات،، وضروري تخصصين يوم حق الاوتلت ... تروحون له بالباص ،،،

افا شكلج سايره بدون ترتيب وعناوين..

 

[مفتـون]

نيو وومن..

ترا ضروري يكون رقم الجواز مجدد عشان هو نفسه بيقارنون فيه يوم الانترفيو ..

 

[أم بنوته]

قووووووووه بنات شلووووووونكم ..
انا بنيوويوورك الحين .. برررررررررررد مووووووووووووت ولويه مليون شارع وشارع واحنا ودنا بمجمع شي بس ماكو كل محلاتهم شوارع .. وانا ظهري انكسر من المشي .. ومدحووو ميسي رحناله مليق !! ياربي يقولون سوق نيويورك كشخه ماشفنا شي !!!!!!!!!!

شنو في حلو اهني !!!
من اسواق وغيره ,,, ومشكووووووورين ..
انشالله بين فتره والثانيه اطل عليكم ,,

هلا حبيبتي الحمد الله على سلامتكم
شوفي انتي نفسي أنا أول مره رحت نيويورك ما حبيتها أول شي لأنها زحمه و لما سألت بالفندق عن المولات قالولي ما فيه مولات بس محلات بالشوارع فما حبيتها زياده بس بعدين لما استوعبتها حبيتها
بالنسبه للتسوق روحي الفيفث أفنيو شارع و كله محلات بس محلاته حلوة و كلها ماركات و الشارع حده راقي
في مولات أنا مسجلتهم عندي بس للأمانه ما زرتهم ناويه هالسنه أزورهم ( زوريهم و قوليلنا رايج فيهم ):
kings plaza shopping
shops at columbus circle lay out و يقولون انه الشارع اللي فيه هالمول كله محلات
فيه أماكن أنا مسجلتها عندي حلوه للتمشي بس مو زايرتهم ناويه أزورهم :
south street seaport
union squere
أخذي بعد التور اللي بالباص السياحي وايد حلو و يوريج الأماكن المهمة بنيويورك
بالنسبة حق ميسز ترى حلو بس يمكن زحمته اللي أول ما تدخلين بايخه عندج الدور التاسع كله جاكيتات نسائيه اتهبل و أغلبها أسعارها مناسبه خذيت منهم 3 جاكيتات و عندج البيجامات و ملابس البيت عندهم اتينن و لبس اليهال بعد حلو و أنا عندي فرع نيويورك وااااااااايد بضاعته أحلى و أرقى من فرع آورلاندو و واشنطن
أتمنى إني أكون فدتج و طمنينا شنو يصير وياج
موفقه:eh_s(7):​

 

[أم بنوته]

وانا بنات ناويه ابدى بسان فرانسيسكو بس جم يوم يكفيها ؟؟؟؟

أنا مو رايحه بس من كثر ما أحوس بالمنتديات عرفت أنه ما يبيلها أكثر من 3 أيام لأنه ما فيها أماكن وايد

​

 

[أم بنوته]

بنات باركولي صور صور بو العيال

من فرحتي من دقايق دشيت الموقع السفارة علشان اعبي الأبلكيشن قعدت احوس يمين يسار فوق تحت مالقيت الأبلكيشن الظاهر في العطلة يشلووووووووونه

ممكن افادة مستعجلة علشان اسوي الفيزا علا الراحة بالعطلة

مبروووووووووووووك التصوير :eh_s(6):
ما أظن أنه يشيلونه بالعطلة لأنه هذا موقع نت ماله علاقه بالدوام و الإجازات يمكن انتي مو عارفتله
لإنه أنا مسويه الأبلكيشن حق رفيجتي و ريلها و عيالها بالويك إند و عادي كان موجود بالموقع حاولي مره ثانيه​

 

[أم بنوته]

اب اب اب ليش التجمع هدووووووووووووووء

التجمع واااااااااااايد هادي ما أدري ليش يعني أنا صارلي فتره ما دخلت و لما دخلت لقيته بس متحرك صفحتين
يالله بنات شدو حيلكم و صحصحو و قولولنا يومياتكم شنو سويتو و شنو بتسوون حق السفره :ggdw:​

 

[أم بنوته]

مفتون شلونج و شلون بنيتج
عاش من شافج
متى ناويه اتسافرين ان شاء الله​

 

[مفتـون]

ام بنوته ..

هلا فيج حبيبتي.. تعرفين ترا امس المنتدى كان مخرف يطير الردود.. فيمكن عشان جذي مافي مشاركات وايد..

انا فخاطري نسافر على ١١ - ٥ .. يعني حوالين هالتاريخ

بس دوام ريلي شوي عسرين ما بيأكدون علينا الا نص ٤


ان شالله خير


انتي ناويه تسافرين ولا؟

 

[مفتـون]

بنات بليز حد يسوي جدول المسافرات .. انا ماعندي فوتوشوب ولا ما بقصر

يالله منو الحلوه اللي بتسوي الجدول

 

[ناسي626]

ام هاله
فندق روزفيلت اللي بهوليوود بوليفارد شرايج فيه

 

[Om_Ksha]

ماتقصرووون بنات .. انشالله بروح الاماكن اللي قلتو عنها واقولكم رايي ..
مفتون والله مسويه ميمعه معلومات وغيره بس دشينا نيويورك احسسسسسسسسسس دخت من اللويه وماقمت اركز ,,

اليوم رحنا ميسز ماعجبني يمكن من زحمته وجذي ..
ورحنا بلومقدال زوييين شريت منه لكتكوتي
وبالصدفه شفت ساكس 5 افنيووو وعجبني بس ريلي عصب وماشفته كله ..وقال نرجع الفندق لانه مشينا وايد وخاف انه مو زين علي .. عاد بلش عوار ظهري وطول الوقت منسدحه بالفراااش موقادره اتحرك بس ساكته ومتحمله عشان مايعصب وباجر يمنعني من المشي !!!
صج هال3 اماكن تعتبر نفس مجمع .. بس صح كلامج اهما مايقولون في مجمع على ابو انه كله بالشوارع ..

باص التور يورينا المجمعات ولا بس الاشياء التراثيه !! ,, احنا عيب وقتنا انه حيل بررررررررررررد لدرجه مالنا خلق نسوي شي .. وصايرين عكس الاوادم بالنهار نطلع بس تظلم نرجع !!! عاد حلات نيويورك بالظلمه !! انشالله باجر نجرب نطلع متاخر ابي اشوف الليل !!!!!!!!! الله يسهل انشالله ونشوووفكم على خييييييير

انزين سؤال بنات عادي اكل حبوب لعوار الظهر اسمه ريلاكسون وانا حامل !!

 

[new woman]

أم كشه ما اتشوفين شر لا تاخذين أدوية بكيفيج انتي حامل مري صيدلية وسأليهم أضمن

ام بنوته كلش ما قليت الأبلكيش بالموقع ممكن اتقولين اشلون اسويه حدي متوهقة الظاهر من الفرحة ما قمت أركز

 

[UniquẼ ♥ ώomaN]

ام كشه حمدالله عالسلامه ,,

بالعكس نيويورك حلوه وصح ازعااااااج فيهااا صبح وليل وشكثر دواعيسها يبلها قعده
اذا تبين تشترين عدل وبأسعار حلوه روح الاوت لت((الوود بيري)) يبعد عن منهاتن تقريبا ساعتين صج مايتطووووووووف
في باصات تودي هناك روحوله مبجر يعني يفضل تاخذون اول باص اعتقد الساعه 8
ماركات وبأسعار حلووه


روحو حديقة السنترال بارك حلووه واهم شي صووري فيها شكثر افلام ومسلسلات تصورت هناك
واهمهم مسلسل فريندز

روحي تمثال الحريه((تاخذون عباره بالبحر ))

شلالات نياااااغرا ماتتطووووف اجروا سياروه وروحولها
عندج الحي الصيني بعد


والبنات ماقصروا قالولج عن الباجي

 

[لولوة الكويتية]

ام كشه الحمدلله ع سلامتكم وموفقه

 

[لولوة الكويتية]

كويتيه ٨١ حبيبتي انتي بتروحين نيويورك ولا بس فلوريدا وين السكن سعره زين ؟؟ ؟. وبتاخذين عيالك معاك

 

[Om_Ksha]

مشكووورين بنات ..

حبيبتي نيو ومان روحي عند مكتب يسويلج اياهم وتفتكين .. اشوه اليوم شمس يالله اشوفكم على خييييييييير ,,
كان ودى اروح الاوتلت بس قالولي وقت العطل زحمه ولويه فانشالله بعدين )

 

[E- buy.]

ابببببببببببببببببب

 

[لولوة الكويتية]

اب
اب
اب
اب
​

 

[umhala]

السلام عليكم
ناسي
والله الفندق الي انتي قلتيه حلو ماعليه بس هولييود مهب حلوه والله ان تتندمين انك تسكنين فيها مكان عاااادي جدااااااا حده نص يوم
انا افضل وارشح لك انك تسكنين ببفيرلي هيلز الرود رايف جمب الماركات الفخمه والفنادق الراقيه وجمب حي الممثلين والنجوم تتفرجين على بيوتهم وقريب منك ذا غروف وسانتا مونيكا وذا امريكان اما هولييود ترا في قلايع وادرين يعني بتصير الاماكن عنك بعيده لو سكنتي فيه
ارشح لك لك هاذي الفنادق في بيفرلي هيلز واختاري الي يعجبك :
الفندق الاول انا سكنت فيه العام حلو ماعليه كلام وتمشين ع الرجلين 5 دقايق الا انتي في وسط الرود رايف
Beverly Hills Luxury California Hotel | Los Angeles Boutique Hotel | Mosaic Hotel, Beverly Hills, CA

الفندق الثاني
Luxe LA Hotel on Rodeo Drive: a Luxury Beverly Hills Hotel in Beverly Hills LA

الفندق الثالث
Beverly Hills Hotels: The Beverly Hilton Los Angeles Hotels Resorts Conference Centers Event Venues Weddings Banquets

الفندق الرابع
Beverly Hills Hotel | Luxury 5 Star Hotel Beverly Hills | Hotels Los Angeles | Dorchester Collection

الفندق الخامس
Luxury Accommodations in Beverly Hills | Montage Beverly Hills - Guestrooms

واي خدمه انا حاضره
واذا ماناسبتك قوليلي عشان ادور لك ع شي ثاني
بس بليز انحاشي عن السكن في هولييود عاد انتي وراحتك