اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[q8tiaa81]

بنات تعرفون شي عن تامبا بفلوريدا وتسوا نزورها او لا اللي تعرف تفيدني بليز

 

[توته الحلوة]

سلام عليكم بنات اشلونكم

حياكم الله بامريكا وتوصلون بالسلامه ان شاء الله
نانسي بخصوص السياره مكاتب ايفس بالمطار واهم ارخص الموجود واذا بالشهر انزلون بعد

وبالسلامه حبيبتي

 

[كويتية أصيله]

بنات التأمين الشامل نسويه لما نوصل ولا نقدر نسويه من الموقع ولو وحدة فيكم تعرف شلون احجز تأمين شامل من النت وتعرف الطريقة اكون شاكرة لها خل تعلمني
ا

على طول لما تحجزين يطلع لج شنو تبين ضد الغير ولا شامل يعني من نفس الموقع...... واذا بتسافرين من ولايه لي ولايه في خانه تعبينها علشان ضريبة الطريق ...... وممكن ما تدفعين وانتي مسافره بالطريج تدفعين بالكشك

 

[كويتية أصيله]

سفرتنا شقا ما تسوا علينا لو مسافرين مصر مانفكر بكل هذا يا حلو بو رخيص

خلصنا الفيزا وبعدين التذاكر وبعدين الفنادق والحين السيارة صج لووووية

الوضع طبيعي بس انتي لانج اول مره تروحين تحسين انج مرتبكه شوي.......

 

[malekatsabaa]

السلام عليكم بنات


انا هالسنه انشالله بروح امريكا - فلوريدا
وبمر يومين نيويورك ..ممكن الي رايحه تفيدني بكل التفاصيل الصغيره والكبيره عن نيويورك

ثانكس

 

[new woman]

بنات التأمين الشامل نسويه لما نوصل ولا نقدر نسويه من الموقع ولو وحدة فيكم تعرف شلون احجز تأمين شامل من النت وتعرف الطريقة اكون شاكرة لها خل تعلمني
ا

هلا والله

التأمين الشامل حقكم ولا حق السيارة

اذا تبين تأمين مال السفر في شركة في مجمع الصالحية علا طول أنا أسوي عندهم

التأمين العائلي بثلاثين دينار

 

[Om AlBdoor]

شدعوة بنات محد جاوب على سؤالي
جم مسموح كاش للشخص لما يدخل امريكا ؟

 

[new woman]

والله ما أدري

ليش أهم يسألون عن الفلوس ؟؟؟؟

 

[كويتية أصيله]

شدعوة بنات محد جاوب على سؤالي
جم مسموح كاش للشخص لما يدخل امريكا ؟

أقل من 10000 دولار 3000 دينار كويتي ويجب الإفصاح بالمطار عنهم ..... أكثر من جذيه يعتبر غسيل أموال وتدخلين في سين وجيم........ أخذي مصروف ما يقارب 500 دينار والباجي بطاقات أئتمانيه.......

 

[كويتية أصيله]

والله ما أدري

ليش أهم يسألون عن الفلوس ؟؟؟؟

إي حبيبتي ديري بالج السالفه مو لعب دخلين ألوف وتطلعين ألوف......

 

[كويتية أصيله]

new woman

لازم تأمين شامل على السياره ما تدرين شصير لاقدر الله ..... إلا مفتكه ما تتعطلين........

 

[مدام فاشن]

واااااااااااااااااااي عليكم بالف الف عافيه

انا هل سنه امي وابوي وخواتي وعيال اختي كلهم بيروحون امريكا

بس انا بقعد ريلي عنده التزامات وراح نقعد لو ماعنده انا قبلهم رايحه

بس هم اخذت احتياطي صورة بنتي وبطلع لها فيزه يمكن باخر لحظه اسافر انا وبنتي مع اهلي يمممممممممكن


اهلي بيرحون فلوريدا ونيورك ولاس فيغس


وبنات الي تبي تروح مع قروب ابوي عنده مكتب سفريات ومسوي قروبين حق امريكا قروب 19 يوم طيران وطيران داخلي وسكن ومواصلات بحدود ال900 هذي بس فلوريدا


ورحله ثانيه 23 يوم نيورك فلوريدا لاس فيغس طيران وطيران داخلي وسكن ومواصلات ب1300 تقريبا

وطبعا القروب منظم وفي جدول يمشي عليه وكل يوم رحله غير وايام تسوق

والي يحب ياخذ فندق واذا عايله كبيره ياخذ لهم فلا بالمنتجعات

 

[q8tiaa81]

نيوو وومن اقصد تأمين السيارات بس مالقيت سعره بالسايت بس كاتبين لما تستلمين السيارة تسوينه وبالنسبة حق تأمين السفر البنك الوطني يسوويه حق شهر 20 دينار تأمين عائلي حتى حق سالفة الغاء الرحلات او ضياع الجناط والخ وحلو سعرهم صراحة

 

[^noonaa^]

صبااااح الخييير

شلوونكم بناااااات

يلااااااا شدووو حيلكم مابقى شي


انا الحين بس بقى سياره بحجز وافتك



كويتيه

حتي بيت التمويل عندهم تاميين ١٦ دينار للعايله لا تنسووون اتسووونه

 

[malekatsabaa]

السلام عليكم

بنات انا بروح نيويورك يومين منو تعرف سكن زين واسعاره حلوه؟؟
ووين اقدر اروح بهاليومين بحيث اغطي الاماكن المشهوره

واتمنالكم سفرات سعيده

 

[q8tiaa81]

نونة انا مع الوطني عاد قلت مرة وحدة وانا مثلج باقيلي السيارة وبس وجني بحجزها من موقع دولار صراحة اسعارهم معقولة وحلوة

 

[^noonaa^]

كويتيه

اي حجزي وافتكي عشان ترتاحين بس تأكدي انه عليها تأمين اضمن لكم

ّواتصدقون بنات الدولار كل ماله وينزل صااج ريلي قالي نطري بينزل ولانه اهو ماشاءالله خبره بالفوركس فا ناطرين يطيح طيحه سنعه 

عسى بس مايخون فينا ويرتفع لوول

 

[q8tiaa81]

نونة انتي حجزتي سيارة ومن وين حجزتيها انا دشيت موقع دولار صراحة وايد زينة اسعارهم بس دقيت عليهم قالولي التأمين تسوينه لما تستلمين السيارة حسب العمر والليسن والخ وبالنسبة للدولار كان 275 نطرت وماصرفت صارت 276 مادري ساعات احسه زين واذا نزل شكثر ممكن ينزل ماتوقع يطيح اكثر ولاشرايج

 

[new woman]

نونة انتي حجزتي سيارة ومن وين حجزتيها انا دشيت موقع دولار صراحة وايد زينة اسعارهم بس دقيت عليهم قالولي التأمين تسوينه لما تستلمين السيارة حسب العمر والليسن والخ وبالنسبة للدولار كان 275 نطرت وماصرفت صارت 276 مادري ساعات احسه زين واذا نزل شكثر ممكن ينزل ماتوقع يطيح اكثر ولاشرايج

النسبة حق موقع دولار للسيارات ما حصلت ميني فان
في بس جيبات وصالون

 

[عروس الدنيا]

ليش التجمع نااايم