اللي بعد الولادة راااااح بطنها ومالها كرش تدش تقول لنا شسوت

[ttmra-82]

مرحبااا :eh_s(7):
بنات واااضح العنوان
ابي اللي راح البطن والكرش بعد الولاده تقولنا شسوت شنو الادويه اللي اخذتهم وشنو التمارين اللي سوتها وشنو امتنعت عنه واذا لبست حزام متا تلبسه وشنو نوعيته ومن متا بدت تلبسه

بنات نبي نفيد ونستفيد من بعض
انا بكريه وبالتاسع بس بطني صغيرررون بس خايفه انه مايرد مثل قبل....:eh_s(2):

يالله ننطر ردودكم:ggdw::ggdw:

 

[ملامح شرقية]

حبيبتي اذا بطنك صغير يعني ماكبر وايد بالحمل

بيرجع يصغر بعد الولادة انشالله

اختي مثلج بطنها ماكبر وعقب الولادة رجع صغر وشوية باقي ويرد مثل ماكان

عموما اهم شي الرياضة وتمارين شد البطن

وكمان اسمع عن ربط البطن زين

موفقة

 

[انسام الكويت]

مو شرط حتى لو بطنها صغير لازم بعد الولاده

تطلع لها كرشه صغيره ولا تغث بعد انا بعد ودي اعرف

بس اللي اعرفه من البنات اللي حولنا بالنفاس ماياكلون عيش ( زر)

لانه معروف الرز يربي الكرش وتستمرين بعد النفاس ماتاكلين رز الا جم قفشه

ويسون رجيم اذكر خدامة اختي كانت توها يديده يتها شافتها بالصدفه تلف بطنها بشي مثل

الشرشف بس صغير لمن سألتها شنو تسوين قالت لها انا قبل جم شهر يجيب بيبي ولازم يربط بطن

عشان بطنها بصك وفعلا جسمها زين وبطنها مشدود يعني ماربطت بطنها بس ٤٠ يوم لا شكلها شهور وهي تربط

اما المشد يقولون موزين يطيح الرحم تحت ويضره وهاذا اللي عندي نبي عاد خبرت اللي ربطوا بطنهم

وصارت نتيجه معاهم حلوه وبنفس الوقت ماضرت الرحم

 

[امـ خــزامـى]

انا الحمدالله ماطلعلي بطن لاني اصلا ولدت اول الثامن وبطني صغير كان

بس باقي خط الحمل اللي يطلع من تحت السره الى الاخير متى يروح؟

 

[ميشووو]

اب اب ضروري

 

[المكسيكيه]

بنات اربط بطني بشنو فيدوني

 

[انسام الكويت]

مكسكيه اربطيه بشماغ الاحمر حطي داخله كشكول قديم

وهاذا رابط وحده من الخوات حاطه طريقه وصور

ان شاء الله يفيدكم

http://www.q8yat.com/t662796.html

 

[أعشقه]

انا في بنتي والله بطني طلع وش كبره وولدت ولا دخل والي يشوفني يقول لسى حامل
والحين حامل بس بطني مو كبير حيييل يارب انه يدخل
بكون متابعه لعلى وعسى اشوف شي يفيد

 

[الزين عنزي والدلع سعودي]

الكرشه سبحان الله تختلف من وحده لوحده .. انا عني ولادتي البجريه بطني بعد ٦ شهور بدت ترد حيييل نفس اول وحتي التشققات صغرت حيل وبدت تختفي .. واللحين حامل وان شاالله تروح بعد مااولد ،، لان الولاده الاولي دايما تختلف عن الثانيه 

 

[روح مووود]

انا اربط بى احرام العمره سراحه روعه

 

[هذا مزاجي]

up up

 

[^_^يالي احبه^_^]

اب اب

 

[shak!shoka]

باختصار: تبين الكرشه تطير

ربطي بطنج (غتره) احسن شييييي

الاعشاب لا تهدينها لمده ٤٠ يوووووم

بفترة نفاسج ممنوع (معجنات ، عيش، خبز )

الحركه بركه

.........................................
بعد نفاسج سوي جدول رياضه اذا ريلج كان برا البيت و البيبي نايم ساعه و نص ع الاقل ايروبكس و تمارين و اذا عندج جهاز مشي بعد احسن

خففي عيوووووش كثر ما تقدرين





وشوفي جسمج شلون يصير

والله هذا الي سويته و مشالله مشالله رديت اضعف من قبل زواجي !!

 

[ام حمود@22]

اول شي الكرشه تختلف من جسم لجسم وحتى انها ترجع بعد الولاده همن حسب كل جسم
انا بالنسبه لي لااااااااااااااااازم اربط بطني باي شي المهم ما اقعد جذيه بدون شي يلمه (جربت كورسيه من الصيدليه بنلبس لبس جنا تنوره قصيره تلبسينه من تحت ويكفي منطقة تحت الصدر الى عضمتين الورج وهذي المساحه المطلوبه بربط علشان لا تطلع كرشه فوقيه اللي تحت الصدر والا كرشه تحتيه اللي فوق شيسمونه وتحت السره عفتيها طبعا ، وجربت كورسيه لزق التشيك تشيك من الصيدليه همن خذته عريض علشان يغطي المنطقه عدل ، وجربت الاندونيسي حلو باللف تتحكمين في المساحه والضغطه على كيفج بس جدا متعب بالقومه والقعده يتلفلف ويخرب يعني يبيلج تكونين على طول واقفه وهذا مستحيل ، وانشالله هالمره شاريه واحد من تاجره معانا بالمنتدي ب٤٠ او ٤٥ دينار جنه مضاد رصاص اتمني يكون زين ولا صج بتحسف على فلوسه )
والبسهم من ثالث يوم في بجري وفي بنتي الثانيه طولت اكثر شوي ومرات البسه وافصخه يضايقني واهوا المفروض على طول تلبسينه انا منت ابجي مرات من الضغطه وافصخه واتذكر الكرشه وارجع بعد ساعه او اكثر شوي البسه
واذا تقدرين تلبسينه عقب لنفاس بعد احسن خاصه اذا كنتي بطلعتج من لنفاس بتسافرين وايد مفعوله حلو مع المشي والتفرفر بالسفر من الصبح ال اليل
وكنت اخذ الهوم عدل ما اخربط بالاكل يعني الممنوع ممنوع واي شي يتفخ البطن وخري عنه خاصه العيش مثل ماقالوا البنات
وتحركي زين حق جسمج وجرحج بعد

 

[ام الحلوااات]

نـــبـــغـــــي مــــزيـــــــــد مــــن الــتـــجــــاااارب

اااااااااااااااااب​

 

[ttmra-82]

اول شي مشكوووورين يالي ردوا علي وياااااااااااارب مايطلع لكم بطن بعد الولاده يااااااااااارب

شوفوا انا شنو ناويه اسوي

اول شي انا ما ابي اضعف ابي ازيد وزني لاني فترت الحمال ضعفت حيل وابي ارد مثل قبل
الادويه طلبتها من خبيرة اعشاب
الكورسيه ابي اربط من ثاني يوم وناويه احط دفتر او زنوبه بالكرشه اللي تطلع فوق جبهة اللي شيسمونه ولا ناويه اخلي الكورسيه كلش حتا بعد الاربعين
ويااااارب يروح البطن بعدين ان شاءالله

 

[Australia girl]

لاتحاتين حيل كل شي باهتمامج يرد طبيعي انا ببنتي بطني كان شكبره اللي يشوفوني يقول حامل بتوام وايدي واريولي ضعاف حمالي كله ببطني شكبره كان بعد 6 شهور شوي شوي قامت تروح الحين مع الريجيم والرياضه الخفيفه الحمدالله وماشالله رديت اضعف من قبل ماحمل ,,شدي حيلج

 

[((*فروووحه*))]

اخ بس اخ يااااامااااامي انا الحمدالله اللهم لا اعتراض الحمال دمر جسمي تدمر
زاد وزني بشكل يخرع وانا بجر ان شالله يصير عندي امل ان يرد جسمي مثل
اول يااااااااااااااارب 

 

[frfr]

اهم شي تحطينه في بالج انه الكرشه ما راح تروح بعد الولاده على طوول يعني بعد الولاده على طوول بطنج راح يكون

شكله مثل شكل بطنج وانتي حامل بالخامس وشوي شوي لارح يصغر لمن تطلعين من الاربعين الكرشه راح تكون قلت بس

ما اختفت ولمن يصير لج 6 اشهر جسمج راح يرد طبيعي والكرشه راح تروح وبطنج يشد وكل اللي تقدرين تسوينه اب هل

6 اشهر بعد الولاده انج تحافظين على اكلج وتربطين بطنج وهم الرياضه حلوه

والبجر دايما بعد 3 اشهر جسمها يرد وكرشتها تروح مو مثل اللي والده من قبل تحتاج مده اكثر عشان الجسم يستعدل

 

[zain-bh]

انا من جسمي مايفقد بسرعه والحين بعد الولاده كرشي تلوع الجبد ووايد متأزمه منها وشريت لي جهاز مشي بس مو كل يوم امشي مافي وقت وانشالله تروح