اللي تبي عطر فواح ثابت قوي يشمونه معك لو بعد 100متر تقراء الكلام المكتوب

[مس بيبي دول]

مشكوره ع أفاده

 

[serina]

يعطيج العافية أختي شادية على موضوعج القيم.

مبين عليج وحدة فاهمة ما شاء الله عليج. حفظت موضوعج عندي.

صدقتي بخصوص عطور أوبيوم وجيفونشي. عطور أتعب وأقول إنها ثابتة ومميزة.

نصايحج وايد حلوة ومتعوب عليها. إذا عندج بعد نصايح يا ريت لا تبخلين فيها علينا.

أنا عن نفسي أحب قبل لا ألبس شيلتي أرش عليها العطر اللي أبيه وأكويها بالبخار. ما شاء الله تتم الريحة بالشيلة وما تروح إلا بالغسيل.

الله يوفقج حبيبتي ويكتب لج الخير :eh_s(7)::eh_s(7)::eh_s(7):

 

[حلوه وعنيده]

حبيبتي الله يعطيج العافيه موضوعج قيم
كملي متابعينج ولو يكون مدعم بالصور يكون افضل
ومن العطور القديمه الي احبها جادور بس ماادري اي سنه تم تصنيعه؟
وطبعا لا غنى عن كوكو شانيل وجفنشي وفي وايد عطور مجرد ماتذكرين اسمها تحضر ريحتها من حلاتها
موفقه قلبي

 

[Mona Lisa]

يعطيج العافيه حبيبتي وما قصرتي

وموضوعج روووووووووعه

 

[شروق شمسي!]

.











آستفدت وآييد , الله يصلح عيالج

عطرمانسرا قولد من وين .؟ اشتريةة
وشكرا

 

[اشراقه]

مشكووووره على الافاده
بس بسالج انا احب العطوور اللي تكون ريحتها خفيفه وثابته بنفس الوقت مثل عطر كلوي اللي عليه فيونكه
ممكن تذكرين لي جم اسم

 

[صادقة بكلمتي]

مشكوووووووووووووورة حبيبتي ويا حبي للعطور وسمسارا كانت الغاليه امي تستخدمه يبله اجربه انا بعد كل هالسنين

 

[تبيني آرضى عليك]

مشكوررررررره حبيبتي

 

[روآق]

استفدت من معلوماتك شاديه

حفظة الموضوع ومنتظرة باقي نصايحك قلبي

الله يصلح لك عيالك يارب

 

[ذات الهمة العالية]

روووووووووووعة موضوعك

انا اتعب بالعطور لأن ما ابيها من همنيى ودى من برة فرق صج
بس لو انا اسافر كان شحنت لى بس قدر الله موقادرة اسافر الله ييسر

المهم من العطور الزين كارولينا هيريرا القديم ابو نفط واااو


بس شلون اعرف العطور القديمة اللى انصنعت بالثمانينات

وانا ميتة على عطر لانكوم القدريم ماجى نوار ما بقى احد ما سألته ما فى هذا كان خياااااا ل بمعنى الكلمة اتذكر وانا صغيرة وحدة حاطته للحين اتذكرها بالعطر تخيلى

بس ولا عطر من اللى قلتيهم عرفته غير شانيل لأن ابى الصور:eh_s(4):

 

[دعاني الشوق2012]

ماشالله عليج تججن افكارك

طيب وشو رايك بهالعطور طلبتهم امس من ebay:

coco شانيل الاصفر

فلور بومب

D@G THE ONE


بليز لا تطنشيني.!

 

[بوغاتي88]

اختي شاديه الف شكرررررررررررررررررررررررررررررررررررررررررر لج ماقصرتي

 

[ذات الهمة العالية]

حطيلى العطورات

وصورهم واساميهم

 

[Noor3]

شكرا

 

[دعاني الشوق2012]

لا حول يالله هذا ان ردت عليك

 

[Dare to challenge]

جزااااااااااج الله كل خييير الله يعطرج بعطر الجنه آميييييييين

 

[شادية المحمد]

اشكركم على تفاعلكم مع موضوعي ................ أنا اليوم بس مشغولة ..............لكن الليلة أنشاالله أرد على كل اسألتكم أنتظروني
لاتزعلون مني يابنات على التأخير ............... أحبكم

 

[غنج اهلها]

موضوعج روعه ياقمر

وطريقه تعطير الكف معتمدتها من زمااااااااااااان انا احط العطور المركز وامسحهم ببعض

عطور زهور الريف ونكتار

عوافي تم تسييفه الموضوع

 

[ذات الهمة العالية]

مشكوووورة بس لا تتأخرين
علشان بستغل التنزيلات وبشترى عطر

الله يعافيك ابى العطورات اللى من الثمانينات قبل لا يغيرون التركيبة والله حليتى بفضل الله حيرة كانت فى نفسى

وبعد فى شغلة ساعات إذا الواحد ما انتبه يبيعون اى دى تواليت بسعر البارفيوم
وبعد علمينى على الكريمات للجسم حلوة

ولاحظت اللى بعلب مدورة او مربعة غير اللى بطريقة الكريم العادى

ناطرتك

 

[شادية المحمد]

اليوم جايبه لكم نموذج من نماذج عطور الثمانينات الأنيقة الفاخرة ... (( عطر سمسارا غيرلان ))
هذي معلومات بالتفصيل عن (( عطر سمسارا )) هذه التحفة الأبدية من عطور الزمن الجميل التي لن تتكر ولن تتكر إلى الابد (( مع الأسف عطور هذا الزمن كلها روايح مانجا وكراميل وشوكولاته مافيها روح خالية من الأبداع والرقي والفن _ عطور منسوخة من بعضها البعض للأسف ))
قصة تصميم عطر سمسارا :
صدر عام 1989 ميلادي
ولصدوره العطر قصة جميلة ........ مصمم العطر (( يعني اللي صمم العطر من شركة غيرلان اللي أنتجت العطر ))
أسمه (( الفرنسي موريس مونيه )) كان مصمم عطور كبير وصمم قبل سمسارا غيرلان عطور ناجحة كثيرة .....
لكن توفت زوجته وحزن عليها حزن كبير لدرجت أنه تعالج من الأكتئاب ستة أشهر في مصحة في جنيف بسويسرا... كل هذا حزن على زوجته ..... وعطوه فترة نقاهه مدة شهرين وقالوا له سافر أي دولة بس لأتروح باريس (( لأنهم خايفين أنه يتذكر زوجته وترجع تنتكس حالته .......
وسافر (( للمغرب )) بشهر ديسمبر وهو شهر (( قطف الورد )) اللي يقطفون فيه المغاربه الورد ويجففونه حتى يقطرونه ويبيعونه
وكان في هذا الشهر بالذات تمتلي الطرق والممرات بالورد المجفف (( أسطح البيوت وقدامها والدكاكين ))
يقولون كان مصمم عطر سمسارا (( موريس مونيه )) ..... بعدما سافر للمغرب _ سكن بحي بسيط وحوله مزارع ورد كثيرة _
معلومة مهمة جداً :::
وفي شهر ديسمبر هذا اللي يقطفون فيه الورد ويجففونه _ تهب على المغرب
رياح رطبة خفيفة عذبة من الأطلسي أسمها (( رياح سيرجي ))............
وكانت هالرياح كلما هبت على المغرب تمتلي الطرقات والأرصفة _ بسبب رياح سيرجي العذبة _ بريحة الورد المجفف اللي على الأرصفة ........................
يقول الموقع الرسمي لدار ( غيرلان ) منتجة عطر (((((((( سمسارا ))))))))))
أن هذي الظروف الحلوة الطيبة والأجواء الحلوة اللي كانت حول (( موريس مونية )) مصمم العطر .............
جعلت مشاعره تجيش وثقته بنفسة ترجع وينسى أحزانه ووفاة زوجته وصمم هذا العطر ...........
أسم العطر مأخوذ (( من أسطورة مكسيكية )))
سمسارا ................ كانت أميرة مكسيكية وهي بطلة الأسطورة .....