اللي تحب البنفسجي والاخضر تدش تساعدني ؟؟

[F.L.O.N.A]

رفع لعيونك

الله يرفع قدرج يا رب
مشكوورة ما قصرتي:eh_s(17):

 

[F.L.O.N.A]

هلا أختي ... وأنا من المعجبين بهاللونين .. وثيم عرسي البنفسجي والأخضر .. بس عاد هذا من 5 سنوات قبل ...


المهم .. توكلي وسوي هاللونين .. بس نصيحه إذا أنتي فيج ربو .. ف لا تصبغين الحجرة بروحج .. خلي الصباغ يصبغلج .. وبيخلص في نفس اليوم،، وهذي شغلتهم وهم سريعين .. بس إذا أنتي بتتعبين وااايد ...


وإذا عن الدرايش .. تقدرين تغطينهم بطريقة ،، يعني تقدرين تحطين كبت وتلغين الدريشة نهائياً .. نحنا جي مسوين في البيت .. خليلج عالأقل دريشة أو دريشتين ..


بس من وجهة نظري الوول بيبر أحلى بوايد ويكون فخم ..

وعلى فكره هذا أول موضوع أشارك فيه . . :3lm1:



وبالتوفيق ...

يا حيا الله هل دبي .. دار الحي ..
يشرفني ان يكون موضوعي اول موضوع تشاركين فيه ..

مشكووورة عالنصايح الحلوة انا للحين محتارة بين اني اييب صباغ او اصبغ بروحي .. لان انا ماحب ريحة الصبغ تظل بالغرفة وابي نوعية صبغ مافيه ريحه كلش ... بس ودي اشتغل بروحي واذا راح اييب صباغ مادري احس راح افقد المتعة لوووول لان كل شي بغرفتي بروحي مركبته حتى كبتات ايكيا والتسريحه والارفف كل شي

اللونين هذول عشقي كل شي اسويه لازم اسويه باللونين حتى الاكل قمت اسوي فطايرومعجنات بهاللونين وحلويات بهاللونين تخيلي :eh_s(9):


يعطيج الف عافية وبصراحه جدا استفدت من نصايحج بس الوول بيبر ماقدر احطه لان الطوف عندي شبه مشوهه طوفة فيها باب وطوفة فيها دريشة وطوفة ثانية فيها دريشة كبيره عبارة عن 3 اقسام .. والطوفة الوحيدة اللي ساده حاطه عليها التسريحه مالتي وطاقة المرايه بالطوف


انا ناوية ادخل زخرفة خفيفة وستكرز بالزوايا بس

عجبتني فكرة اني اغطي دريشة والغيها وجاري دراسة الفكرة وانشالله تضبط على غرفتي

فديتكم هل الامارات عليكم افكار ديكورية خياااااالية :eh_s(9):

 

[F.L.O.N.A]

أول شي الألوااااااان واااااايد حلوة

وأهنيج على خطوتج الحلوة إنج تصبغين غرفتج بنفسج
أحب اللي يسوي شغله بنفسه خصوصا إذا ما يبيله شي
بس احنا نعتمد ع الغير بكل شي
وحبوبة إذا الطوف زينة ما يبيلها معجون
توكلي على الله واشتري الفرشة والصبغ
تحصلينهم بمحلات اللي يبيعون أصباغ
وسئليهم إذا بصبغ بروحي شنو أحتاج


وبالنسبة للطوف دام إنج تبي تصبغين لونين
خلي كل طوفتين يم بعض نفس اللون
يعني مو الطوف المتقابلة نفس اللون
أتمنى إنج فهمتيني
عشان لا تصير الغرفة مشتته بالألوان
دام إنج تبينها تكون هادية وريلاكس


والستارة خلي كل دريشة بروح مثل ما قلتي برول بروحها
عشان يعطي احساس بالاتساع شوي


والأرفف اللي تبينهم شوفي بنتا وايكيا
إن شاء الله تحصلين عندهم


وبالنسبة للأحرف شوفي بوتري بارن وماماز آند باباز
شفتهم عندهم وإن ما عجبوج قولي للنجار يفصلهم لج


وبس أتمنى أفدتج
وتراني ناطرة غرفتج بموضوع بشوفها

فديييتها اللي منورة موضوعي ..
شريكتي في عشق اللون الليموني :eh_s(22):

اقولج الصراحه حبي انا للحين ما استقريت ودي اصبغ بروحي وودي اييب صباغ .. محتارة بس انا كل شي بغرفتي بروحي مسويته حتى تركيب الاثاث احب اشتغل بنفسجي بس خايفة اعفس الدنيا واحصلي زفة معتبرة بالبيت :eh_s(2):

بالنسبة لطريقة الصبغ انا مفكرة نفس فكرتج سبحاااان الله حتى بالافكار متشابهين مو بس الاذواق انا مفكرة اسوي كل طوفتين يم بعض نفس اللون بس حاليا قاعدة ادرس فكرة اني اخلي كل الطوف بالبنفسجي الفاتح وادخل زخرفة خفيفة باللون الاخضر مع الابيض ما تتوقعين يطلع حلو ؟؟؟

والاحرف بروووح الحق عليهم اشوووف بالاماكن اللي قلتيلي انشالله احصل منهم لان عاجبيني صج ..

الارفف ما لقيت منهم ببنتا قبل يومين كنت اهناك :eh_s(2):
مادري يا ربي وين احصل منهم ؟


مشكووورة ياقلبي بصراحه افدتيني وافدتين وايد بعد مووو شويه
روحي ربي يوفقج ويسهل كل امووورج ويسخرلج جميع خلقه انتي وكل من رد علي وساعدني :eh_s(17):

 

[منصـ1981ـورية]

هلا أختي f.l.o.n.a ،، الله يحييج حبيبتي ،، وتسلمين على هالكلام الحلو ...

تدرين .. أنتي شرات أخت ريلي .. فيها الربو .. وبروحها تحب تعدل حجرتها وتركب ورق الجدران .. ما شاء الله عليكم .. بس شرط حطي الكمامات .. عشان صدرج ما يصتك من الريحه وحتى لو الريحه خفيفه ..

أنا الصراحه مال الهيازه .. أعرف عمري إذا قلت بروحي بسوي عزات ما خلصت التأثيث ...

وبالنسبة أنج تصبغين بلون البنفسجي وادخلين زخرفه .. أفضل أن يكون أخضر مع ذهبي مات .. بيعطي تج حلو للغرفه .. حتى إذا تبين تسوين الحروف .. خلي النجار يسويلج .. وعقب يرش الحروف بالذهبي المات .. أحس حلو بيستوي .. لأن إذا دخلتي الأبيض بيطلع وايد شاذ اللون .. أنتي لازم تكسرين البنفسجي والأخضر بالذهبي ..

أنا عندي راي .. ألعبي بالآيشدو على ايدج وادمجي البنفسجي والأخضر نفس الدرجات اللي تبينهم والظل ذهبي مات .. بيطلع روعه .. (عشان تتخيلين اللون قبل لا تبدين الشغل) ما أدري هذا رايي ..!! لأن أنا يوم أبا أثث لازم اتخيل الألوان وافكر فيهم .. واتخيلي من كثر ما افكر يوم أرقد لازم أحلم في الشي اللي أفكر فيه ...

 

[F.L.O.N.A]

هلا أختي f.l.o.n.a ،، الله يحييج حبيبتي ،، وتسلمين على هالكلام الحلو ...

تدرين .. أنتي شرات أخت ريلي .. فيها الربو .. وبروحها تحب تعدل حجرتها وتركب ورق الجدران .. ما شاء الله عليكم .. بس شرط حطي الكمامات .. عشان صدرج ما يصتك من الريحه وحتى لو الريحه خفيفه ..

أنا الصراحه مال الهيازه .. أعرف عمري إذا قلت بروحي بسوي عزات ما خلصت التأثيث ...

وبالنسبة أنج تصبغين بلون البنفسجي وادخلين زخرفه .. أفضل أن يكون أخضر مع ذهبي مات .. بيعطي تج حلو للغرفه .. حتى إذا تبين تسوين الحروف .. خلي النجار يسويلج .. وعقب يرش الحروف بالذهبي المات .. أحس حلو بيستوي .. لأن إذا دخلتي الأبيض بيطلع وايد شاذ اللون .. أنتي لازم تكسرين البنفسجي والأخضر بالذهبي ..

أنا عندي راي .. ألعبي بالآيشدو على ايدج وادمجي البنفسجي والأخضر نفس الدرجات اللي تبينهم والظل ذهبي مات .. بيطلع روعه .. (عشان تتخيلين اللون قبل لا تبدين الشغل) ما أدري هذا رايي ..!! لأن أنا يوم أبا أثث لازم اتخيل الألوان وافكر فيهم .. واتخيلي من كثر ما افكر يوم أرقد لازم أحلم في الشي اللي أفكر فيه ...

هلا حبيبتي .. والله

تصدقين عجبتني فكرة الاي شدووو وجاري التطبيق بس مع اللون الفضي لان انا مدخلته بالاكسسوارات شوي ..
افكاااااااااااااااااااارج روووووووووووووعه والله فتحتي عيني على شغلات ماكانت على البال ولا عالخاطر ... واحلى شي عاجبني اسلوووبج الاماراتي بالحجي احب رمستكم

مشكووووووورة يا قلبي وعسى ربي يوفقج ويسخرج الخير بدربج وين ما تروحين يارب
والله لله فالله حبيتج من اسلوبج ومساعدتج لي فديتج

 

[مسافرةبلازاد]

يعطيك العافية.........

 

[&'الذآهبـھ'&]

ۈۋۈھّۈۋۈبـ♡ـآ ^_^

 

[bent babaty]

انا حطين وول بيبر من ابيات بنفسجي واخضر عجيب روحي شوفي

 

[ستـايل]

حبيبتي اعتمدي هاللونين البنفسجي والاخضر بس بشرط يكون الوان الدرجه فاتحه نفس درجة غرفة البنوته
وبالنسبه للاكسسوارات اتوقع تلقين بايكيا وهوم سنتر مع الارفف اللي تبينها راح تحصلينهم

 

[أدريانا.]

رفع

 

[-MaYa-]

حلو الاخضر والبنفسجي ا احلى من التركواز

 

[modern]

الارفف تلاقيها عند ايكيا او اذا ما حصلتيها شوفيلك نجار يسويهم و اللونين اذا سادة مو حلوين لازم يكون فيهم اشكال يعني لو ورق جدران هاللونين اجمل من الصبغ

 

[رموش النمــــلة]

ان شاءالله البنات يفيدونج

 

[mostafagado2012]

الونين حلوين جداا​

 

[مملوحه السهول]

دام الغرفه صغيره اختاري الالوان الفاتحه

يعني مثلا حطي الغرفه كلها لون بنفسجي فآتج والستاره اللي ورا السرير سويها اخضر رول وكل قطعه بروح او العكس

والحروف على ما اعتقد ب آيكيآ

صبغيها سآده وبدعي ب الاستكيرات هاذا احد مواضيع عضوة تبيع ستيكرات وجذي حلو شغلها

http://www.q8yat.com/t749760.html


بالتوفيق ي حيآأإتي :eh_s(7):​

 

[صعب انساني]

اصبغي بـ الوان بارده لانها تحسسج ان الغرفه كبيره ​