اللي تخصصها إدارة مصارف تتفضل

[استبرق أم علاوي]

السلام عليكم


بنات تخصصي آزروني وآزركم

توظفتوا ولا لأ ؟

واللي توظفوا وييييييييييين؟

سمعوا سالفتي

كل مااروح اقدم على مكان قالو مانبي هل تخصص
كل وزاره ماتبينه ( غير مرغوب )

سألت عن بنات تخصصي كلهم ماتوضفوا

الا اللهم في قطاع الخاص اللي اهما يبونا
( وحنا مانبيهم )

عاد انا سمعت انه في بنات توظفوا بوزارة الماليه وبنات توظفوا بالاسكان من نفس تخصصي
وطلع بواسطه

قلت عيل يا استبرق روحي دوريلج واسطه صارلج سنه ونص قاعده بالبيت
رحت حق جم عضو حاولو ماكو فايده كلهم يقولون تخصصكم محد يبيه بس حق قطاع خاص

رحت حق الديوان بكبره قالولي انتو التخصص الوحيد اللي مو راضين الوزارات تقبلكم وراح نحاول
وماصدقوني انه في بنات من تخصصي توظفو

بس انا مافقدت الامل رحت حق العضو فلان الفلاني جزاه الله خير
سوالي كتاب حق الاسكان وحاولنه فيهم مارضو مع انه شفت وحده معاي بنفس التخصص هناك وقالتلي واسطه

ورد سوالي كتاب حق الكهربا والماي قسم الشؤون الماليه ورفضوني ودزوني حق قسم ثاني وكل قسم يدزني حق قسم ثاني
صرت جني كره بملعب :jumpon:

المهم وصلت حق قسم .... << عندي امل اني اتوظف فيه ادعولي

وقالي مديرهم الله يحفظه اختاري المكان اللي تبينه مع انه اول مره اسمع بتخصصج ومايصلح الا للشؤون الماليه
واخترت المكان ووقعلي وعطاني اوراق الفحص وقالولي عقب ماتطلع النتايج ايي آخذ كتاب حق الديوان

طلعت من الوزاره شوي ولا يدقون علي يقولون اول روحي حق الديوان لانج يايبه كتاب من عضو وعطيهم كتاب طلب حاجه يعني الوزاره محتاجتني موظفه عنهم يعني بالعربي يبون شهادتي

رحت خذيت منهم كتاب طلب حاجه او وداه ريلي الديوان اليوم الثاني


آآآآآآآآآآآآآآآآآآآآآآآه

الديوان قالي شلون تتوظفين وانتي رقمج 81 واللي قبلج ماتوظفو هذا تخطي
نطري لمن يصير رقمج واحد واذا توظفتي باي مكان يبيلنه هل كتاب نشيلج من مكانج نحطج بالكهربا والماي

ابوي وامي راحولهم اليوم الثاني حاولو فيهم هم ماكو فااايده


ودي اجمع بنات تخصصي ونروح حق معهدنا ونقولهم يغيرون مسمانا من ادارة مصارف لي محاسبه عل وعسى نتوظف

ادري قرقت وايد بس اتعبت نفسيتي وخصوصا لمن حسيت انه خلاص توظفت وبعدها الديوان كسر فيني :23_asmilies-com:

شسوي؟

 

[استبرق أم علاوي]

شدعوه ولا وحده ردت

ما كو تخصص ادارة مصارف

 

[nathia]

هلا حبيبيتي .. الله يعينج والله

انا نفس حالتج
تخصصي ادارة مصارف متخرجه من شهر8-2008 وليحد الحين ماتوضفت

يم اسمي مرشحه بس مادري لي متى بنطر رقمي 82|103

 

[CANDLES]

انا تخصص دبلوم ادارة مصارف اول دفعه
تخرجت 2007
وقعدت بالبيت سنتين وشي تقريبا
وهم من مكان لي قبلها كله واسطات وماقبلو بتخصصي
بس الله سهل والديوان حطو اسمي بالداخليه ووايد بنات من دفعتي بعد بالداخليه خذوهم واكثر شي مراكز خدمه يبون الحين كله نقص وانتو موموظفينكم والله حرام عليهم
اشكثر مراكز خدمه انفتحو بالفتره الاخيره ونقص ومع هذا انتو مقعدينكم بالبيت
وانا الحين صارلي 6 شهور من توظفت وبدش بالشهر السابع
بس صح تخصصنا محد يبيه الا قليل حيييييل والحمدلله ان الداخليه رضو فينا والحمدلله ان الداخليه لان يفرق عن معاشات الوزارات 100 زياده
وبالتوفيق وان شاءالله دفعتكم تتوظف بسرعه لان وايد بنات بعد من دفعتكم الي اعرفه ناطرين لي الحين
بس ان شاءالله هالسنه متوظفين بنطرونكم يمكن نفس مدة دفعتنا سنتين

 

[nathia]

بالتوفيق اخت candles
امبيه سنتين لالا مومن صجهم .. ماشاءالله عليج الله صبرج ونطرتي كل هالمده
الله يسمع منج ويقبلونا

 

[استبرق أم علاوي]

هلا nathia

انتي دفعتي , وانا رقمي 81


CANDLES

مبروك ىالوظيفه

لااااا سنتين وااايد مااتحمل
مع انه جم شهر واصير سنتين

دعواتكم بنات

 

[احلا عجميه]

وانا معاكم ياليت يغيرون اسمنا لان مواد المحاسبه كلها درسناها سنتين ننطر تعبنا

 

[استبرق أم علاوي]

احلا عجميه

انتي ادارة مصارف اي دفعه؟
الاولى ولا الثانيه؟

 

[بنت سيمز]

وآنا بعد معاكم والله مليت من القعده شنو هذا معقوله ولا وحده توظفت انا بعد إدارة مصارف أكاديمية سيمز حسبي الله ونعم الوكيل انا صالي سنه ونص ولحد الحين انطر الله كريم

 

[عشق]

رد : اللي تخصصها إدارة مصارف تتفضل

اانا تخصص بنوك
وتوظفت بالداخليه
روحي اي وزاره اداره الشئون الماليه
لان البنوك والمحاسبه نفس الشي

 

[بنت سيمز]

بنات المصارف في احد منكم توظف في وزارة التربيه او الاوقاف او التجاره

 

[استبرق أم علاوي]

اي توظفوا بالتربيه