اللي تدل في ماليزيا عدل ابي مساعدتها

[البدر2000]

السلام عليكم بنات كيف حالكم
ابي مساعدتكم اللي تدل في ماليزيا زين وتعرف ابي تتواصل معي على الخاص ابي كم سؤال اعرفه على الخاص
اما الاسئلة الثانيه اللي تقدر تفيدني فيها
ابي المره هذي اغير انا قبل كم سنه رحت كوالا بيننغ جينتنغ لانكاوي
ياليت وحدة تقترح علي بالنسبه اروح كوالا واماكن ثانيه بس اهم شي تكون تنقلات بريه بدون طيران داخلي
سمعت عن صباح والكاميرون وسلانجور شرايكم ابي معلومات او صور عنها تكفون مساعدتكم سفرتي قريبه ان شاءالله

 

[ArEEj]

بساعدج باللى اقدر عليه
شوفي الخاص

صباح والكاميرون ما زرتهم
بس سلانجور ترى اهي اللى فيها الصن واي لاقون والمايينز والجولدن هورسس اكيد زرتيهم

 

[OM-3ABADY]

السلام

شوفي صباح لازم طيران داخلي بس حلوه
والكاميرون تقدرين تروحين بالسياره اهي على جبل وهادية وما فيها شي زايد حق اليهال
بس الفراوله

انصحج روحي جزيره اسمها بنجور تينن هاديه وعيالي اشبعو من التسبح بحمامات السباحه
وانا كنت ريلاكس على الأخر
يعني بالمختصر بنجور منتجع سياحي بس معزول عن الديره وزحمتها

 

[مشتطة وبس]

ام عبادي........شنو هالجزيرة.شلون نروح لها.........شنو فيها حق اليهال والكبار.........

 

[أم وصايف]

بصراحه انا رحت ماليزيا مرتين واهي دوله وايد حلوه وعجيبه وكل مره تزورينها تكتشفين اماكن جديده

بالنسبه لكوالمبور اخليها حق التسوق والفراره بالمجمعات

 

[ستروبيري تشيزكيك]

حبيبتي الكاميرون منطقه الرومانسيه جوها بارد مافي تكييف وفنادقها كلها تصاميم اكواخ اوربيه
تبعد عن كوالالمبور بالتكسي 3ساعات
وإذا بتروحين لها من بيننع تبعد 5ساعات تقريبا
منطقه هاااااديه وبارده تصلح لج أنتي وزوجج وبس
مافيها سوق بس فيها اكشاك الورد والفواكه اللي ترد الروح
فيها شالالات ومزارع فراوله ومزارع شاى حلوه للتنزه
كل شئ يسكر قبل المغرب
روعه وطبيعه خلابه ورومانسيه حيل تكفيها ليلتين بس
أذا تبين صور عن الكاميرون راسليني عالخاص

 

[البدر2000]

يعطيكم العافيه ماقصرتو طبعا مو غريب دايما متعاونات
انا عندي سؤال سالته على الخاص لكم وحدة بحطه على العام ابي فنادق 4 او 5 نجوم بس مافيها خليجين كثير مو ضروري جنب الاسواق
ضروري الله يعافيكم
وابي اسال من تعرف منتجع ايفاموزى يستاهل العنوة او لا

 

[star_tete]

يعطيكم العافيه ماقصرتو طبعا مو غريب دايما متعاونات
انا عندي سؤال سالته على الخاص لكم وحدة بحطه على العام ابي فنادق 4 او 5 نجوم بس مافيها خليجين كثير مو ضروري جنب الاسواق
ضروري الله يعافيكم
وابي اسال من تعرف منتجع ايفاموزى يستاهل العنوة او لا

والله انا رحت لكولالمبور وماطلعت منها لارحت لاجزر ولاشي لاني ماندل فيها ظلينا فيها تسوق ومطاعم
ومارحت الالاب لاني كنت شاكه اني حامل ...
وماخاطرت عل روحي باللعب مع اني كنت مشتهي اللعب

فنادق 4 نجوم قعدنا بفندق حلو ونظيف اسمه سوكاسه يطل على الاسوقه وعلى برج التوام المنظر بالليل عجيب ومافيه عرب بالفندق ماذكر شفت بالفندق عرب ويانا
هذا الي اكره
سافرت لها شهر 2

 

[أحلام العمر]

للرفع

 

[ترووفه]

انا بعد ابي معلومات لاني ناويه اسافر لها انا وزوجي بالصيف

تكفووون بنااااااات فيدونا ااكثر

والله كنت بنزل موضوع عن الاماكن الحلوه اللي بماليزيا

 

[د-سوسه]

الافاموزا عادي حيل واذا انتي رايحه بيننغ ولانكاوي ماله داعي تروحيله لان في عرض الحيوانات الي موجود بمنتزه بوكيت ميراه ببيننغ الي فيه عباره توديج جزيره القرود (اورانغ انان)..انا الفنادق فصعب تلقين مافي عرب بس جربي سويس جاردن حلو اهو اربع نجوم بس زين وشارع العرب قريب عليج يعني تقدرين تروحيله بمشي 7دقايق او اقل ونسبه العرب الي فيه شويه حييل

 

[sweetkoko]

فندق فيدرال موراقي بس سعره وموقعه ممتاز اهم شي نظيف ومرتب وافاموزا مميزه
تحياتي