اللي تزوجت صغيره تدش ؟؟؟؟؟؟

[كويتيه مـزيونه]

مرحبا بنات .........
انا تزوجت عمري 16ونص وكنت ماعرف شي بالزواج بس الله يخلي اختي علمتني علي
الاشياء المهمه؟؟؟
والحين عمري 20 ومعاي بنت ولد واحسسس ما تهنيت بشبابي شبابي صار كله مسؤليه ويهال وزوجج
ولووويه بسسس الحمدالله زوجي يحبني ويموت فيني وانا احبه
وابي راي اللي تزوجت صغيره حلو او مو حلووو 

 

[قــل مـا تـشـاء]

أنا تزوجت وعمري 17 سنة ,, وألحين عمري 24 سنة
بس لي ألحين ماعندي عيال ,,,
والله ساعات بالذات أول ماتزوجت كنت أتأفف من الزواج شوي
خاصة أن البنات اللي حولي في عمري أو اكبر مني مو متزوجات
مع أنه حياتي الحمد لله مستقرة ,,
بس مسؤولية مثل ماقلتي ,, يعني البنات حتى لو وراهم مسؤوالية بيت بتكون مشتركة بينهم ,, مايتحملون مسؤولية بيت وزوج ,, يعني كل وحده مسؤولة عن نفسها وبس ,,
بس الحمد لله رب العالمين الزواج نعمة ,, وروا كل شي تسوينه أجر كبيير ,,
الله يوفقنا بحياتنا ويهنينا ويرزق العازبات بالأزواج الصالحين ويهنيهم في حياااتهم
الله يخليليج ولدج ,, وتبلغين فيه إن شااااء الله

 

[ملح على الجرح]

تزوجت وعمري 16 والحين ع 23

الله يوفقكم يارب

 

[زوجة عزيز]

الله يخليكم حق بعض انا تزوجت وعمري 15 بس ماصار نصيب

 

[ملكه بكبريآئي]

بالضبط نفسش ونفس عمرش لما تزوجت ويمر علي هالنفكير صح تحملت مسؤوليه بدري .. بس عادي ..الحين عمري ٢٢


والله يوفقش ياارب

 

[مجنونة هع]

انا عمري 20 وما توجت يعني عانس انتوا على الاقل احسن مني عندكم ريل وعيال والله تراهم نعمة لا تتركونهم

 

[دآنة آلرشآيده]

انا تزوجت وعمري 18 والحين 22
تخرجت من الثانويه على طول تزوجت
والحمدلله حياتي مستقره​

 

[ryoonah]

أنا تزوجت عمرى ١٨ سنه والحمد الله كل شي أوكي الحين عمرى ٣٠

 

[لوفيه]

انا تزوجت عمري ١٨ والحمدلله

صح حتى انا فكرت جذي بداية سنة زواج كنت ابي اكون حره اكثر

قصدي مع رفيجاتي وحياة العزوبيه حلوة

بس الحين الحمدلله يارب ريل وطباخ وغسيل وتكدش ودوام وحمال يالله من فضلك

ماكو رفيجات وقطعتهم ماكو سفرات وسكتنا اهم شي امي احترمناها وحطيناها عالراس والمقابل حششششش وكره من غير سبب

الحمدلله الحمدلله

 

[" ام حمود "]

انا تزوجت وعمري 18 سنه من تخرجت من الثانويه
عالطول تزوجت اول سنه كانت صعبه علي بس الحمدالله
بديت اتأقلم بالوضع والحمدالله ماشيه أموريء ..

 

[Om_Ksha]

ماشالله عليكم .. انا عمري مناسب للزواج .. بس مع المسؤليات احس توني صغيره !!
والله المسؤليات تكبر .. الحمدالله على كل حال

 

[f6oma 1991]

انا تزوجت عمري ١٨ سنه الحمد الله صج مسؤولييه بس ميخالف احسني اكبر من عمري و كلناا قدها و قدووووووود

 

[cute_lady]

شلونكم

 

[cute_lady]

شلونج

 

[لياليـ]

زوجه عزيز 15!!! او انتي 16!!! 18 او نمشيها عالعموم انا ماانصح الزواج اب هالعمر يعني من 22 او فوق المفروض كلم تستانسون اب شبابكم او الزواج مسؤؤليه عالعموم الله يوفقج
اتقبلي مروري

 

[اخت خالتهم]

انا ملجت وعمري 18 بس ما تزوجت الا توه عمري 19 ونص يعني على حد العشرين
و توني حامل .... حياتي الحمدلله مستقـره ومرتاحه وما احس ناقصني شي
والصراحه انا عقلي الحمدلله كبير يعني حتى اللي احسهم صج حلوه القعده معاهم اعمارهم 24 وفوق

 

[ام*زهوره]

صج مسؤوليه زواج انا تزوجت ١٨ ولمن اشوف بنات خالتي ورفيجاتي احسدهم على حريتهم
بس الحمدالله الله رزقني ببنوته عسل الله يحفظها لي 

 

[ابيك لي بروحي]

انا تزوجت وعمري 17 ااخ على ذيج الاياام ماحلاهاااا
والحين عمري 22 سنه وعندي بنت وولد الله يحفظهم لي
صج مو مرتااحه اول زوااج ابي استاانس صغيره بس مع الايام تعوودت ومرتااحه الحمد لله

 

[shak!shoka]

انا تزوجت عمري ١٨
والحين ٢٠
عندي ولد و الحين حامل

صراحه.....
لوعة جبد
مسؤوليه كبيييييييره
احس ما عشت احلا مرحله
خلصت من الدراسه و همها و على طول زواج و هم اكببببببر

الايجابيه الوحيييييييده
اني يبت عيال و انا صغيره علشان يكبرون معاي
بسسسسسس

ولا غيره تعب و هم و غم !

 

[BubbLe87]

انا ما تزوجت صغيرة تزوجت ٢٣ و بصراحة ما اايد الزواج المبكر مع نه له مميزات بس يظل البنت تبي تعيش احلى فترات عمرها اللي اهي ١٨ و ١٩
بس الحمدلله كا نتوا عايشين و عندكم عيالكم الله يخليهم لكم
الزواج نعمة