اللي تزوجت صغيره تدش ؟؟؟؟؟؟

[نجدية2011]

من جد السن المناسب للزواج 25 وطالع
اقلها اخذتي حريتك وعشتيالعزوبيه
بس في بنات مطيورات ع الزواج
غ1
الله يرزقني ويرزق البنات الازواج الصالحيين

 

[أغلى حبيبه]

احلى مافي الزواج واحنا صغار يبنا عيال والحين يكبرون معانا

بس مسؤوووووليه وتعب اول سنه

 

[اوتار الحب]

انا تزوجت وعمري 18 بعد الثانوي والحين عمري 23

الحمدلله الزواج حلو بس احيان اطفش من المسؤؤليه واتمنى اني بنت:eh_s(17):

والزواج استقرار بس مع الطفل الاول تبدء المسؤوليه ..:krkrkr:

 

[فنونه التميمي]

انا تزجت 18 بس عااادي بالاول مسؤليه خاصه اني ادرس وكل صدقاتي مو متزوجات يعني بعد ما اطلع اسوي الغداء وصديقاتي يسولفون يربيه متى اطلع انااااام هنا خلاص اندم على الساعه اللي تزوجت فيها وغيره وغيره من سوالف البنات اللي بدون مسؤوليه
عموما الحمدلله

 

[yasmeen_q8]

انا تزوجت وكان عيد ميلادي اللي عقب ملكتي بجم يوم بدش ال19
والحين عمري 20 وحامل الله يتمم علينا

ما احس استعيلت الحمدلله ولو كان زوجي ياني قبل هم كنت بتزوج

 

[غلأأأأ مغليهأأأ]

ووووووووووووووووي
حرام كلكم صغاااااااااااااااااااار حييييييييييييل

الله يعينكم انشالله ويهديكم ريايلكم

 

[أغلى الأثمان]

والله ما ينعرفلنه الي تزوجت واهي صغيرة مو راضية والي للحين ما تزوجت هم مو راضية عموما الزواج من تكبر البنت استر لها وأحسن لا تقولون لا كنا أصغار ما عشنا شبابنا شنو بتسوون يعني مثلا كل شي متوفر سواء متزوجة والا مو متزوجه لا وبالعكس على الاقل عندك واحد يدلعج تفكرين فيه احسن لج من الفرارة الي على غير سنع والله البنات الحين صاكين الثلاثين ومو متزوجات وتحسفو على ايام شبابهم الي راحت الحين نسو شروطهم قبل يتشرطون ويلون يتزوجون عشان يجيبون أعيال عشان لي اكبروايكونون عندهم والله أحمدو ربكم وشنو يعني متزوجه ما اقدر أعيش شبابي لا عادي عيشيه واستانسي معاااه لكن ترا في الواقع حتى سوو دراسة بهالموضوع الزواج تحت سن الواحد والعشرين دماار بس الحين خلينا من هالدراسة بالفترة الاخيرة لاحظت ان كل البنات تزوجو من ثمنتعش لي عشرين بشكل رهيييييييييب ما شاء الله مع ان سن مبكر لان البنت ان ما تزوجت تقعد تتحلطم وتحوس تحوس لييييييييين تتزوج ففي كل الأحوال احمدوا الله ^_^

 

[كتكوته حبيبي]

انا ملجت توني كنت مكمله 17 وتزوجت قبل 18 بجم شهر صح اول شهوور تعب وتحسييين مسؤؤوليه بس خلاص تعودت

 

[شرغوفة]

السلام عليكم انا تزوجت وعمري 16 ونص والحين عمري 25 صرااحة ووايد مشاكل مريت فيهااا مع ريلي وغير ريلي وانا عن تجربتي الشخصية اقول غلط الي تتزوج مبجر والحين لو شنو ما خلي لا اختي ولا بنتي يتزوجون بهالعمر يخلصون الجامعة ويتوظفون وبعدين الزواج

 

[Judy . abbot]

انا ملجت عمري ١٩ ونص
واول العشرين تزوجت
بفتره الملجه لا كاان وناسه هياته وماكو مسؤوليه
بس اول ماتزوجت بيت وريل ومسؤوليه شوي بيني
وبين نفسي اقول ليش تزوجت جنه توني صغيره
بس الحيين عمري عشرين ونص خخخخخ.
والحمدالله حتي لو في تعب ومسؤوليه بس هم الزواج حلو
حتي العزوبيه بس بالزواج تحسين انج ناضجه ولج كيان

 

[Judy . abbot]

وانا كنت اقول ما اتزوج الا لما اخلص دراسه احس احسن فانا فتره الملجه كانت اخر كورس وتزوجت عقب ما تخرجت
وعموما تري العمر ماله شغل
علي البنت نفسها في بنات كبار ومخهم جنهم بنات صغار
وفي بنات صغار يتحملون المسؤوليه

 

[أم ميميتو]

انا تزوجت عمري 18 سنه و الحين عمري 21 سنه و عندي ولد صح ساعات احس هالاحساس بالمعنى الحمدلله مرتاحه مع زوجي بس لما احس ان المسئوليه كبير علي اقول بيني و بين نفسي ياليتني ما تزوجت بس ارجع اقول الحمدلله انا مرتاحه و عايشه احسن من غيري

 

[ضوى قطر]

تزوجت بعمر ١٩

وانا ندمانه ومستحيل اخلي بنتي تتزوج قبل ٢٥ خل تستاس بعمرها صح مر ع زواجي ١٦ سنه ماشاء الله بس انقهر لما اشوف صديقاتي توهم متزوجات وعيالهم صغار وانا

بنتي وولدي طولي الله يخليهم كبروني الله يحفظهم

 

[ذهب.]

تزوجت عمري 15 ونص والحين 27 ومرات احس في سنين من عمري ضايعه ومفقوده مادري وين راحت بس الحمد الله زوجي يحبني وانا بعد بس نصيحه الزواج مسواليه يعني فوق ال23 احسن سن للزواج
​

 

[دلوعة أبوهآ]

وآآآآآي بنات اغلبكم تزوجتوا وانتو صغار
احس تعب ومسؤوليه
يعني وحده عمرها مابين 15 الى 19 احس ماتنفع لبيت ومسؤوليه ابد ..



اشوف السن المناسب للزواج فوق 23 ..

وربي يوفقكم ويسعدكم ..

 

[om al ghaleen]

تزوجت بعمرج وعشت الحلوه والمره "
انتي لاتفكرين انج صغيره وماااستانستي بحياتج
عيشي وناستج ولاتخلين ريلج كل شي بحياتج


عيالج
اهلج
صديقاتج
دراستج او ووضيفتج


وصدقيني الحياه بتصيرين حلوه معاج
لاتخلين زووجج كل اولولياتج بس اهتمي فيه
والسعاده بيدج ولاتهتمين لكلام الناس
ترا اغلب المشاكل تكون من نصايح ناس مو عايشه التجربه "

\\

 

[بحرينيه كوول21]

انه تزوجت وعمري 19 والحين عمري23
بالعكس الحمدلله رب العالمين انه مستانسه واايد بالزواج بس اهل زوجي الله ياخذ حقي منهم خربوو ايام خطوبتي وحتى بعد الزواج<<<<مو جني طلعت عن الموضوع هههههههههه
بس الحياه الزوجيه حلووه

 

[نور خانوم]

انا تزوجت عمري 20 واحس للحين صغيره عالمسؤوليات والبيت ! وللحين فيني شطانه ابي احس اني للحين دلوعة اهلي هههههه

 

[الزيـــــ^^ـــــن]

انا تزوجت وعمري 20

والحين تفكيري ان الوحده تتزوج بعد ال22 افضل

 

[ام يوسف2011]

انا تزوجة مو صغيره حيل كان عمري 21 والحين عمري 22 بس الحمدلله الوضع مستقر بس تحسسسسسسفت علي قد شعر راسي

اني ماكملت دراستي ونفصلت من المعهد اهم شي الدراسه تكون عندج شهاده ..

بس الوضع ككل بالبدايه حسيت اني صغيره علي المسؤوليه لاني ببيت اهلي مااحرك عود

بس بعدين تاقلمة ..

ومستحييييل ازوج بنتي واهيا اصغر من 20 او 19 سنه