اللي تزوجت عن حب .. تفضلي وانصحيني =(

[مستغانميـة]

شلونكم حبيباتي ؟؟

انا بصراحه وايد اسمع ان اللي تتزوج عن حب ماتتهنى بحياتها معاه وتكون حياتهم شك وماكو ثقه بينهم .. وان اكبر غلطه ان البنت تتزوج اللي كلمته او حبته .. وان هالزواج مايكتمل ويفشل .. صج هالكلام ولا مجرد كلام ؟؟ واذا كنت ابي اتزوج عن حب تنصحوني ؟؟ وشلون حياتكم الزوجيه ؟

 

[al-musk]

اعتقد الحين الشباب عندهم قدرة ان يميزون البنت الزينة من الي مو زينه وماظن سالفه ثقة ممكن تكون بموقع شك بس هو بالنهاية يعتمد على مخه

 

[ام شووووق]

رد : اللي تزوجت عن حب .. تفضلي وانصحيني =(

لا حبيبتي الحين الشباب تفكيرهم اخذ حبيبتي ولا احذ حبيبه غيري

انا عن حب والريال يعرف اذا البنت تستاهل يأمنها على بيته وتصير ام عياله او للا

 

[نـعـومـه]

رد : اللي تزوجت عن حب .. تفضلي وانصحيني =(

انا تزوجت تقليدي وقبل الزواج كنت اتمنى اتزوج عن حب وميته على زواج الحب بس لما تزوجت تقليدي قلت الحمدالله زواج التقليدي احسن

اهوه موشرط حب او تقليدي يكون فشل او نجاح يعتمد على الشخص نفسه بس زواج التقليدي احلى لانه الاثنين مايعرفون بعض ويستحون من بعض وبس يملجون تبدي رحله الاكتشاف عن شخصيه بعض والبنت تكون خجوله ومستحيه << شعور حلوووو

اما زواج الحب شخص اعرفه ويعرفني ومكلمته ومكلمني طلعت معاه وانا متزوجته ماحس بفرق وايد لاني اعرفه من زمان

 

[كلنا نحب الكويت]

اب اب اب

 

[سارة ة]

ااب

 

[ام خدود ورديه]

انا ما اقولج أأيد زواج الحب لانه العلاقه محرمه
بس انا متزوجه عن حب ومالج شغل باللي تقول الزواج ما يتم ولا مشاكل ماكو زواج بدون مشاكل
بالنسبه لي الحمدالله يارب فووق المرتاحه وريلي دايم يقولي اتزوج وحده انا اعرفها ولا آخذ وحدها مادري شمهببه من وراي بس هذا ما يمنع انه ما كان عنده استعداد ياخذ وحده مايعرفها
وهذا نصيبنا ومستانسين ومتفاهمين وحبنا زااد الحمدالله حتى مشاكلنا تافه ومايمر يووم الا واحنا متراضيين
الف شكر لك ياارب
والله يوفقج

 

[مستغانميـة]

رد : رد: اللي تزوجت عن حب .. تفضلي وانصحيني =(

اعتقد الحين الشباب عندهم قدرة ان يميزون البنت الزينة من الي مو زينه وماظن سالفه ثقة ممكن تكون بموقع شك بس هو بالنهاية يعتمد على مخه

فعلا صح .. بس الخوف مشكله ,,

 

[مستغانميـة]

رد : اللي تزوجت عن حب .. تفضلي وانصحيني =(

لا حبيبتي الحين الشباب تفكيرهم اخذ حبيبتي ولا احذ حبيبه غيري

انا عن حب والريال يعرف اذا البنت تستاهل يأمنها على بيته وتصير ام عياله او للا

عدل كلامج حبيبتي والله يريح بالج .. مشكوره عالمرور حبيبتي

بس بغيت اسأل عن موضوع الشك بالعلاقه ,, راح يكون في شك بعد الزواج ؟

 

[مستغانميـة]

رد : اللي تزوجت عن حب .. تفضلي وانصحيني =(

انا تزوجت تقليدي وقبل الزواج كنت اتمنى اتزوج عن حب وميته على زواج الحب بس لما تزوجت تقليدي قلت الحمدالله زواج التقليدي احسن

اهوه موشرط حب او تقليدي يكون فشل او نجاح يعتمد على الشخص نفسه بس زواج التقليدي احلى لانه الاثنين مايعرفون بعض ويستحون من بعض وبس يملجون تبدي رحله الاكتشاف عن شخصيه بعض والبنت تكون خجوله ومستحيه << شعور حلوووو

اما زواج الحب شخص اعرفه ويعرفني ومكلمته ومكلمني طلعت معاه وانا متزوجته ماحس بفرق وايد لاني اعرفه من زمان

حبيبتي انا اختي وبنت خالتي تزوجو اخوان .. بنت خالتي كلمت ريلها بعد الملجه .. واختي ما كلمته وكان زواجها تقليدي بحت .. بس بليلة العرس تخيلي بنت خالتي كانت ترجف رغم انها كلمته وكانت ترجف ايدها وجسمها من الخوف .,. اما اختي كانت بس متضايقه وخايفه بس مو كثر بنت خالتي .. مو شرط يكون كل اللي قلتيه صح وعلى حسب البنت ونظرتها للتغير والامور اللي تعتبر بالنسبه لها نقطة تحول ومهما كان كلمته وطلعت معاه وعرفته لكن وقت الزواج غير كل شي والحيا اجباري موجود بكل بنت .. تسلميلي حبيبتي عالمرور :*

 

[مستغانميـة]

رد : رد: اللي تزوجت عن حب .. تفضلي وانصحيني =(

انا ما اقولج أأيد زواج الحب لانه العلاقه محرمه
بس انا متزوجه عن حب ومالج شغل باللي تقول الزواج ما يتم ولا مشاكل ماكو زواج بدون مشاكل
بالنسبه لي الحمدالله يارب فووق المرتاحه وريلي دايم يقولي اتزوج وحده انا اعرفها ولا آخذ وحدها مادري شمهببه من وراي بس هذا ما يمنع انه ما كان عنده استعداد ياخذ وحده مايعرفها
وهذا نصيبنا ومستانسين ومتفاهمين وحبنا زااد الحمدالله حتى مشاكلنا تافه ومايمر يووم الا واحنا متراضيين
الف شكر لك ياارب
والله يوفقج

ربي يسعدكم ويديمها عليكم مشالله .. بس بغيت اسألج .. بالخاص راح اطرش لج اوك ؟

 

[دلوعة حمني]

مراااحب حبوب.... ترى اصابع ايدينج مو سوى ! ممكن تحبين واحد و تاخذينه و يشك فيج لانه كلمج قبل الزواج و يمكن تعيشين مرتاحة معاه... هذا يعتمد على الشخص و طبعه انا خذيت زوجي عن حب... و الحمدلله تبارك الرحمن حياتنا ماشية لان عقله كبير و هم عارف هو تزوج منو.... و مثل ما قلتلج الشخصية تلعب دوووور!

 

[مستغانميـة]

رد : اللي تزوجت عن حب .. تفضلي وانصحيني =(

مشكورين للي سوو اب :**

 

[ديانا سبنسر]

ماله شغل الحب بالشك في ناس متزوجين زواج تقليدي وهم يشكون هالشي راجع للعقلية الر يال وعلى الاختيار السليم

 

[مستغانميـة]

رد : رد: اللي تزوجت عن حب .. تفضلي وانصحيني =(

مراااحب حبوب.... ترى اصابع ايدينج مو سوى ! ممكن تحبين واحد و تاخذينه و يشك فيج لانه كلمج قبل الزواج و يمكن تعيشين مرتاحة معاه... هذا يعتمد على الشخص و طبعه انا خذيت زوجي عن حب... و الحمدلله تبارك الرحمن حياتنا ماشية لان عقله كبير و هم عارف هو تزوج منو.... و مثل ما قلتلج الشخصية تلعب دوووور!

الله يديمها عليكم يارب ويسعدكم ويوفقكم ويبعد عنكم عيون الحساد حبيبتي :*
مشكوره عالرد والمرور والله طمنتوني :**

 

[Moon-85]

<-- حزب الطماشه



انا مع زواج الحب على الاقل تعرفين الشخص الي بتتزوجينه ويكون ابو عيالج تعرفين عنه كل شي طلعاته روحاته يياته وين ينام وويب يطلع ومع منو يقعد مو تتزوجين واحد ماتدرين عنه شي مجرد سؤال بدوامه ولا جيرانه يمكن من برى هالله هالله ومن جوى يعلم الله شدراج مو سكير قمير راعي بنات وااااااااي انفعلت حدي


على العموم الخيره فيما اختاره الله


وبالتوفيج

 

[asrar al7ob]

شوفي حبيبتي لا تخافين من شي
اهوا على حسب عقلية الريال , وبالعكس اللحين ياخذون اللي يعرفونها ولا اللي مايعرفونها
والله يوفقج ويجقق اللي في بالج

 

[a7la MUM]

مع البنات اتوقع يعتمد على عقليه الريال وبالاساس اذا نيته لما كلم هالبنت زواج ولا لا
عموما يبين عالبنت
والله يوفقج ويسهل امورج يالغاليه

 

[مستغانميـة]

رد : رد: اللي تزوجت عن حب .. تفضلي وانصحيني =(

ماله شغل الحب بالشك في ناس متزوجين زواج تقليدي وهم يشكون هالشي راجع للعقلية الر يال وعلى الاختيار السليم

عدل كلامج بس الحب قبل الزواج يعطي مجال ان هالباب ينفتح وانا خايفه من هالشي ..

 

[مستغانميـة]

رد : رد: اللي تزوجت عن حب .. تفضلي وانصحيني =(

<-- حزب الطماشه



انا مع زواج الحب على الاقل تعرفين الشخص الي بتتزوجينه ويكون ابو عيالج تعرفين عنه كل شي طلعاته روحاته يياته وين ينام وويب يطلع ومع منو يقعد مو تتزوجين واحد ماتدرين عنه شي مجرد سؤال بدوامه ولا جيرانه يمكن من برى هالله هالله ومن جوى يعلم الله شدراج مو سكير قمير راعي بنات وااااااااي انفعلت حدي


على العموم الخيره فيما اختاره الله


وبالتوفيج

ههههههههههه حياج حبيبتي نورتي موضوعي .. ويسلم لي الراي وراعيته قلب :*