اللي تشوف نفسها محبوبه واجتماعيه تدش تنقذني تعبت نفسيااا ساعديني ادعيلج بالحرم

[شيختهم$$]

السلام عليكم ورحمة الله وبركاته


بنات هذا اليوزر حق خالتي عشان مايصير لبس بالموضوع

انا بنت بالجامعه انطوائيه من صغري يعني صعب اتعرف على رفيجات وصعب اندمج واسولف واحس البنات مايبون يسولفون معاي مادري ليش مع اني طيبه حيل بس ماني عارفه شلون ارافج واتعرف والله مرات اشوف بنت وحولها كوكش بنااات والكل يحبها ويسولف معاها واهي تتعرف عالكل والكل يبي قربها واستغرب شلوووون ياربي شلوووووون ماحسدها والله بس انا راضيه بجم رفيجه واشوف البنات يسلمون على بعض بالكلاسات ويأشرون للي تدش عشان تقعد يمهم انا صارلي سنتين بالجامعه ماعندي رفيجات ادش محاضرتي كلش كلش اسأل اللي يمي سؤال وتجاوبني وخلاص ومرات احسهم مالهم خلق يكلموني ومرات اهمه يسألوني واجاوبهم وهم احس مالهم خلق يرافجوني ويسولفون ياربي انا فيني شي ؟؟؟ قمت اشك بعمري والله ليش قمت اوسوس ان ويهي مو مريح او انهم يشوفوني ساكته يكرهوني بس انا ماعرف شسوي وشلون ارافج والله تعبت حيل بنااات هالمشكله معاي من طفولتي من الابتدائي وبالمتوسط كانو البنات مايحبوني بس رفيجه وحده عندي وبالثانويه البنات يكرهوني ويقطون علي كلام وهمن كان عندي رفيجه وحده والحين انا اعاني من الوحده والله ابي رفيجات ابي اسولف واضحك معاهم ابي اشوفهم مستانسين لما يشوفوني :eh_s(2): وانهم فاقديني

بنااااااات تكفون ساعدوني والله اللي تساعدني بدعيلها بالحرم ابي تعلموني ليش انتو محبوبات وشنو صفات البنت المحبوبه وعلى اي اساس تحبونهم وشنو اللي يخلي البنات يتجنبوني تكفون يمكن انتوا شايفين شي انا ماشوفه
الله يرضالي عليكم عمري ماترجيت احد بس هالمره ترجيتكم ونخيتكم تكفون نوروني تعبت نفسيااا ودمعتي بعيني

 

[شيختهم$$]

واخيراااااا نزل الموضوع

بنات ناطرتكم الله يرضالي عليكم محتاجه نصايحكم

 

[cherry.91]

امممممم
الله يعينج حاسه بشعورج
أنا تقريبا نفسج او اكثر
حتى لو عندي سؤال أخاف اسأل البنات ما ادري ليش

 

[قلبي وينك]

الله يعينا ويعينج اختي والله ما ادري لاني انا ما عندي صداقات وان شاء الله البنات يفيدونا

 

[مياسه الحساسه]

وعليكم السلام
هلا حبيبتي
خل اقولك شي
انا متزوجه وعمري 27 سنه لاعندي اخوات لا عندي صديقات
الاخوات هاذا امر الله علي ماعندي اخوات
الصديقات للاسف مافي صديقات ..كلهم مصالح وبس
بيتي محد يدخله الا في العيد ومو الكل
ياما ناس من اهل زوجي او اهلي ما اقصر معاهم في الواجب والمناسبات
وهم حاطيني على لستت الانتظار
يعني اخر همهم
وانا هالشي تاعبني تدرين ليه
انا زوجي طبيعة شغله صعبه ودايم مشغول ..فاحتاج اخت اسولف معاها اتكلم معاها
تخيلي انا واولادي صغار .
زوجي اغلب وقته مشغول كله من عمله النحس
المهم ما الاقي احد اكلمه
تخيلي طول اليوم وانتي ساكته او تسولفي مع عيالك
ماعندك مشاريع طلعات مع بنات من سنك
انا ما الوم زوجي ..بس هو مايقصر معاي بالطلعات والتمشيات وفي اجازته نسافر
بس باقي الايام وش اسوي
ماعندي غير اهلي ..شبه يوميا عندهم
على الاقل اسولف مع الوالده والوالد اغير جو
احس اني عبرت طلعت كلام ..احد يسمعني اسمع احد
اممممم
خل اقولك طبعي انا انسانه خجوله ..بس احب الناس
يعني لو تعرفت على ناس ودخلو قلبي ..الخجل ينكسر واصير معاهم عادي
اغلب الناي ياخذون فكره اني مغروره وشايفه نفسي..بس هالشي مو فيني
اغلب الناس الخجولين ينقال عنهم كذا
عندي امل فالقريب العاجل ربي مخبيلي اخت لي
تعوضني عن الايام اللي راحو
اىقرقت عليك بس تحمليني
كل الي ابي اوضحه ان كثير مثل حالتك وحالتي
والله المستعان

 

[أحلى بنوووته]

نفس الحاله لووول
بس آنا عادي مايهمني لان الصراحه بهالوقت الواحد يخاف يصادق اي احد
والشي الثاني انا صارت عندي عقده من الرفيجات لان كل ما ارافج بنات انصدم فيهم لازم
بس ساعات ودي الصراحه يكون عندي قروب اسولف واضحك وياهم ونقضي وقت حلووو بس هالشي يعتمد ع البنات ونادر تلاقين ناس قلوبهم صافيه وطيبين
نفس حالتي انا وياج كخخخ اتغشمر لحد يعصب
بس انتي اهم شي لاتقولين محد يبيني وفيني شي مثل مافي بنات عندهم رفيجات هم واااايد نفس حالتج عندهم ثنتين وحده اللي انا منهم والحمدالله ع كل حال
وانشالله تلاقين رفيجات واااااايد

 

[خوخه بارده]

انا قبل كنت في شله بنات وتعرفت ع اكثر من بنت وماصفيت الا وحده ..لان ع نيتي وووجهي ,,

الحمدلله عانيت من موضوع الصديقات كثييير والحمدلله صرت اطنش احس اهم شي رضى ربي وبس ..

انا مأقولج لاتتعرفين وانعزلي بالعكس تعرفي وخليج واثقه بنفسج بادري انتي في البدايه ما تلقين قبول من البنات بس سبحان

الله بتلاقين كثير يندمجون وياج بس كسري الحواجز الي بينج وبين نفسج والله ييسير لج يارب
موفقه حبيبتي

 

[أحلى البشر]

عادي انا صارلي سنه بالجامعه وللحين ماحتكيت في البنات حيل
صدف 3 بنات اهمه تعرفوا علي على اخر هالكروس وهمن مو صداقه قويه عالخفيف
انا نوعي هاديه وفيني حياا شويه يعني ما أبدي بالتعارف يعني عادي اقعد بالكفتريا بروحي جني متوحده ههههه
امبي جد مرات اشوف قروبات بنات اقول يمكن منزمان بالجامعه وتعودوا على بعض ادري ماعطيتج حل
انشالله البنات يفيدونج

 

[جلكسي بالمكسرات]

هلاااااااا حبيبتي
بقولك شي بما أني اجتماعية بس عاد سالفة محبوبة مابي اصدق عمري ههههههههه
شوفي سابقاً من كم سنه كنت انا من هالنوعيه الي كتبتي عنها الي حولها شكثر ناااااااااااس وشله شكبر وحاله
بس حالياً انا أكثر البريكات بروحي لأن الأغلبيه من ربعي غيروا الجامعه ولا انطردوا ولا تخرجوا ولا بعضهم قطعتهم بنفسي
الحين انا نفسج
ادخل المحاضرات بروحي
بس لين الحين اتعرف على بنات
بس أني ما اعتبر اجتماعية ولا حولي شلة ولا هم يحزنون
أنتي لازم تعرفين شي واحد
العيب مب فيج
أنتي كنتي ضحية هالتسلط ايام المدرسة فهالشي احرمج أنج تدخلين الجامعه بصديقات قدام
والحين يوم دخلتي الجامعه دخلتي بنفس عقدة الثانويه والمدرسه
تحسين أن محد يبي يرافجج
زين حبيبتي انا بقولج طريقه أخبر اني كنت اسويها اول ما تخصصت
طالعي ألي معاج في المحاضرات وشوفي أي وحده تحسين أنها طيوبه وتحسين انها قاعده بروحها مثلاً روحي اقعدي احذاها المحاضرة الجايه وأبتسمي لها وأساليها : انتي أي تخصص ؟ بتقولج التخصص الفلاني , عاد انتي هني علقي على تخصصها وعقب تكلمي مثلاً عن صعوبة تخصصج .... ألخ
مثلاً علقي على أي شي حلوو فيها
ودايماً احمدي ربج واشكريه
ماتدرين يمكن هذا ابتلاء من رب العالمين
كله أستعيني ب الله أن يرزقج صحبه صالحة
وأغتني بالله عن خلقه
ولا تتحسرين وأنتي تشوفين البنات المحبوبات الي حولهم ناس وايد
الله يعطي والله ياخذ ’ والفالحه منا هي الي تشكر الله ولا تتذمرر
أن شاء الله بكره يجيك احلى عريس وعنده خوات طيوبات و عنده بنات عم حبوبات و يجيك باكج كاااااااااامل من الصديقات
وما ذلك على الله ببعيد

تقبلي مروري ياحبي

 

[أبلة فاتن]

انا عكسج مشكلتي مزاجيه مع الناس بسبة الصدمات صرت مزاجيه واصلا من ادش البيت انسى شيء اسمه دوام
وبنات جامعه والخ اخر همي كل الناااااااااااس وبنفس الوقت ودي بناس اطلع معاهم اسلي وقتي معاهم

بس شنسوي كل شي بيد الله حاولت بس مامنهم فود هههههههه​

 

[عادت ذكرياتي]

بأسلوبج وابتسامتج تجذبين اللي حولج ... وخليج مستمعة أكثر من إنج تتحجين


واسئلي عن الغايبة وتطمني عليهم وبجذي تصيرين محبوبة ومن تغيبين يفقدج اللي حولج


وبث


الله يوفقج حبيبتي

 

[لمى الهاجري]

انا نفس حالنج والحمد لله على كل حال

 

[frozntouch]

شوفي انا بصراحه كانت لي علاقات وايد باول بداياتي في الجامعه تيلفون ما يوقف طلعات و ووناسه
بس بعدين كثرت المشاكل والمصالح والغيره وتطلع الحجي اللي زهقت روحي منه حاشتني صدماات خلتني اكرهه الرفجه وتعقدت منها
انصدمت بناس عادتهم ثقه انا مو قصدي احبطج بحجي بس اللي اقصده لا يغرج هالقروبات البنات اللي تشوفينهم ويا بعض
بعض البنات فراقهم راحه بصراحه ف انا هالكورس تعرفت ع جم بنيه يديده وخليت علاقاتي معاهم بمحيط الجامعه بس وهالشي ريحني وايد صج يضيق خلقي تمر علي ايام بالويكند ماعندي شي اسويه بس اهم شي الراحه النفسيه
طبعا انا حالتي غير عنج لاني ادرس برا ف بالعكس انتي محيطج اوسع تقدريين تختارين رفجتج وتعرفين البنت الزينه من الشينه
ف لمه تكونين بكلاس ولا شي شوفي الوحده اللي تحسينها تاخذ وتعطي شكلها خوش وحده سولفي معاها ساليها شلون كلاستها ش ماخذه مو ماخذه من مواد؟ تكلمي عن الهوموركات؟ عن الدكاتره الزينين مثلا يعني سوالف باطار الجامعه شوي شوي لي تحسين خذيتوا علا بعض اهني عاد انتي شوفي اللي يناسبج اذ حابه تخلين علاقتج مع البنيه بس بحدود الجامعه او هم حق طلعات وجذي وخلج جريئه و واثقه بنفسج ولا يمهج شي وانسي الماضي وايام الثانوي والمتوسط وابدي حياتج من يديد.. ايام الثانوي والمتوسط ماتخلا من سوالف القروبات والحزازيات وحتا الجامعه فيها هالشي بس مو مثل ايام المدارس اختلطي بالناس وتشجعي وابتدي بالسوالف ولا تخافين اكيد عندج سوالف حلوه تسولفينها

 

[لمى...]

حبيبتي في دورات تساعد على انماء الثقة بالذات وتعود على الجرأة

 

[نوانيات]

اكثر شي خلاني اجتماعية او لي صداقات اني كنت خدومة واحب اساعد غيري

صح البعض استغلني ابشع استقلال.. لكن البعض الى اليوم مانسى وقفاتهم معاي


قولي يارب.. وان شالله ربي مايخيبك

بصراحة دخلت طمعانة بالدعوة

لا تنسينا من دعائك

 

[om al ghaleen]

.., حبيبتي اللي انتي تكلمتي عنها تحسبينها مرتاحه لا والله تلقينها متوهقه تشوف منو ولا تعطي حق منو راح تكونين متقيده ومضغوطه
وان نسيتي عيد ميلاد بالغلط ياويلج وتعالي سمعي الحجي

من صجج خليج جذيه مرتاحه وايد احسن وقوي علاقتج بأهلج احسن اهي صله رحم
واهم ناس يبين بعيونهم بعدين

انا مو اجتماعيه كلش ولااي وحده ارتاح لها مو غرور بس في ناس مايعجبني اسلوبهم ولاتفكيرهم

 

[روانتي 12]

سلام عليكم . .

هلا والله بالغاليةة . . ليش مضيقه خلقج و حايسه ذيج الحوسه . .
يعني الحين لا صار عندج رفيجات بيدخلونج الجنه مثلآ ؟

حبيبتي من كلآمج أتضحلي أنج هاديه حيل و طيوبه . . البنات الحين مايبون الهاديه يبون لعابه الي بس تضحك وتلعب و تطلع ومن هالكلام مو معنى يعني ان البنات مايبونج ماتدرين يمكن يبونج لكن مو قادرين يكلمونج لانج هاديه و طبعهم هم غير عنج !
شوفي اذا تبين تكونين صداقةة . . وانتي بالمحاضرةة تكلمي مع الي بجنبج بس مو كل الوقت لا مثلآ اول ماتدخلين روحي قعدي بجنب بنيه وفي مكان فاضي قعدي و قولي سلام و اذا ردت قولي اشلونج شخبارج .؟ و هي راح ترد عليج و بعدين سكتي و ردي تكلمي وياها قولي شسمج ؟ . . جم عمرج ؟ ادري راح تقولين شكوو لكن ترا عادي لبعض البنات . . و بنسبه لي أحيانآ اقول لهم ممكن نتعرف و يقولون طبعآ . . فاقولي لها شرايج نتعرف على بعض ؟ اكيد هي ماراح تردج كلش . . و راح تقول ماعندي مانع . .
لكن امشي على هالطريج و كل يوم تمشي معاها و اذا كانت مشغولةة . . روحي لغيرها وطبقي نفس شي . . و بعدين عرفيهم على بعض و كل يوم سوي جذي ومن عقبها راح تصير شلةة لو تبين . .

و أخيرآ حابه اقولج لو تبين شي لا يردج غير الكيبورد . . موفقه حبيبتي .

 

[am faisal]

حبيبتى ابرك لج انتى محظوظة جدااااا
لا تنصدمين من ردى
لان اللة يحبج وما يبى يصدمج مثل ما انصدمنا
اوكى اجتماعية وصديقات وخدمة من هنا وهدايا ومواجيب
بس لما تحتاجيهم يختفون
شهالصداقة اللة يخليج يعورون راسج بمشاكلهم وتلبسين الحالة ويضيق خلقج تحاتينهم واللى تدق بعز نومج تخلبصج زوجى سوا وفعل
وبالاخير انتى مين مانعرفكيش لانى بوقت حاجة
عايشين حياتهم ونسو كل شى
توقفى عن البحث عنهم
فقد توقفت منذ زمن بعيد

 

[أعشقه]

ترى هذي الصفه انتي الي تصنعينهااا وتكون فيك موجوده سبحان الله غير مقصوده
يعني سبحان الله انا اذا جلست في المجلس وربي الكل يبي يكلمني وكلن يبي يهرج معي
انا طبعي احب السوالف والمزح والضحك
والله لو اقولك القروب الي معي ماتصدقين .. بس البنات الي من ايام الدراسه ماعتبرهم صديقااات اعتبرهم زميلاااات
تزوجت وهم تزوجو منهم للحين يتصلون ويسالون ومنهم مدري عنهم ومنهم تجي لي اخبارهم وسلامهم من طرف ناس اعرفهم
والحمد لله يكفي يتذكروني ويتمنون يتواصلون معي ومايذكروني الا بالخير ..
احب اخدم وانصح واساعد بالي اقدر عليه
يعني عند الشديد تلاقيني فازعه والحزين اواسيه والي يبي الوناسه يجي عندي اخليه يتسدح ضحك
لازم تكون نفسك مرحه من الاساس عندك قبول لكل شي ..
خلي عندك ثقه بنفسك لاتقولين مايكلموني احس مدري ايش انتي جربي وحاولي تختلطين سولفي نكتي ومزحي
خلي فيه جو مره مرتين بتشوفين الوضح شلون
بس مو تمزحين وتهرجين وتزيدين عليهم بتصيرين مليقه فهمتي علي ..
انا ولله الحمد بشهاده الكل واولهم ابوي وزوجي يقولون انتي مرحه وروحك حلوه الكل يحب مجلسك ومقعدك ولله الحمد ..
يقولون لك الله ااذا احب عبده حبب الخلق فيه ..

 

[g6wa>]

انا بالنسبه لي اتمنى اني اكون مثلج انا اجتمااعيه حييل واشكثر عندي رفيجاات بس شنوو كل وحده اتزلق حجي عند الثانيه وحقد وقهر وغيره بينهم وانا على نيتي لين اخذت فونها وشفت المسجات وانصدمت ورديت فونها جني ماشفت ومن بعدها ما قمت احتك بالبنات ترا والله البنات يخووفووون عقااااااارب بس مو الكل طبعا الاغلبييييييه من البنات شووفي اذا بتتعرفين تعرفي على وحده نفسج اتحسين انها طيوبه وتستحي قوليلها جم عمرج اي شهر انتي وسولفي عن التخصص وجم النسبه لما تخرجتي واشصار فيج لما عرفتي النسبه واشصار باهلج سولفيلها وخل اتسولفلج وقوليلها انا ارتحتلج حيل من اول ماشفتج واسئليها لما شفتنيني شنو قلتي عني وظحكي لوووول واخذي رقمها وتواصلي معاها ومو اي وحده اتسولفين معاها شووفي الي ترتاحين لها يعني مثل طقتج وعسى ربي يوفقني ويوفقج يااارب​