اللي تعرف شي عن ابره حق لوعه

[نـعـومـه]

السلام عليكم ورحمه الله وبركاته











بناااات اول شي بسألكم بأي اسبوع تروح اللوعه ؟؟

وثاني شي سامعين عن ابره للوعه ؟؟ احس بلوعه ويقزوني ابره تريحني ؟؟ وين هذي ؟؟

وجزاكم الله خير

 

[ام الحوراء زينب]

نعومه حبيبتي تذكرين فتره يتني 3 ايام كله لوعه وتكرمين ترجيع حتى ماي ما اقدر اشرب
رحت السيف عطوني ابره ودريب مغذي والحمدلله بعدين راحت صارت طبيعيه تيي وتروح

 

[ELFAD3Ah]

اب
اب

 

[tmtmt]

والله مادري اول مره اسمع

ان شاءالله تخف عنج وتروح مره وحده

 

[عبث طفله]

اللوعه تبدا تخف من نص الرابع ومرات اول الخامس ونص الخامس ..

على حسب كل وحده وجسمها ..

وفيه ابره اللوعه بالسلام جنه على عشره .. بس هدي ما ياخدها الا اللي حيل حيل تتعب وترجيع والاستون يكون مرتفع لانه صج تريح .. انا كنت ابيها بس دكتورتي قالت لا خليج على الحبوب احسن .. لانه قالت هالابره تنفع للي حيل يرجعووون وما ياكلون وعايشين على الماي بس ..

 

[نـعـومـه]

عبث طفله

انا الاستون ماكان مرتفع ومره رجعت ٧ مرات تعبت بس ماعطتني ابره :/

انا الحين احسن بس اذا ردت هالقصه بقولهم يعطوني ابره

 

[Dark SouL]

انا كنت اخذها بالمستوصف والله ... صج صج كانت تريحني

كنت اقولها وايد ارجع وكانوا يعطوني اياها من غير مااقولهم ابي ابرة

 

[غاليه_85]

اي في ابره للوعه عجيبه يعطونج اياها مع درب، حيل تفيد ووخرت لوعتي كلش

انا بحمالي الاول خذيتها بمركز عاليه بس ببنتي الثانيه خذيتها بالمستشفى اليديد "مستشفى عاليه" علطول دشيت الطوارئ وقلتلهم ان اللوعه قويه وماذيتني فعطوني درب وابره وعقبها ماشاءالله صج راحت

 

[فيونكة_وردية]

الله يعين انا نزل وزني حيل وماقدر اكل وابجي من القهر ويييع شعور خايس يارب يهون علينا ونرتاح