اللي جربت مستشفى الصباح بليييييز تدخل الله يجزاها بالجنه

[**فراشة الكويت**]

والله انا ولدت ولدي وهو البكر والحمدلله عنايه واهتمام بس قيصري وبالسابع

والحين بحملي هذا ان شاء الله بولد عندهم

وابرة الظهر ما اعرف عنها شي

وشوفي حبيبتي وين ماتروحين حظ ونصيب ناس تمدح وناس تذم
وناس تقولج خاص وناس تقولج حكومه
والله يكتبلج اللي فيه خير ويهون عليج وييسهل ان شاء الله وتولدين بالسلامه

 

[حرم حسن]

الصباااااح رووووووووووووعه وخصوصا الدكتور عاصم البياع ........
انا جربت القيصريه وخياطهم تجميلي رووووووعه

 

[pizza]

آنا جربت إبرة الظهر عندهم تهبل اقولج اسولف مع البنت اللي يمي وياني الدكتور يقول يالله على غرفة الولاده ما حسيت بشي بالمره والله العظيم لاطلق ولا شي ما حسيت إلا ولدي يمي بس الخياطه مو شي ارد واقولج سوي تجميلي لما تطلعين
واهم شي خلي امج تدعيليج وقت والولاده وأقري آيات تسهيل الولاده وادعي .. الله المسهل آنا أذكر قريت سورة الزلزله والكرسي والفاتحه وكل اللي اعرفه بي والله والله ماحسيت بشي خير شر

 

[alhnan]

انا ولدت عندهم بجر طبيعي ولادتهم حلوه وكانت السستر كويتيه واقفه فوق راسي و هندية عند رجولي و خيطتني دكتوره كويتيه بس ولدت بدون كمام او ابرة ظهر وكانت سبحان الله ولاده سهله وكنت بجر خايفه ولا ادري عن شي و اقولهم ابي كمام يقولون لي ما تحتاجين انتي مو متعسرة الكمام لازم يوافق عليه الدكتور هذي اول ولاده قبل خمس سنين.
و قبل سنه ولدت عندهم عمليه قيصرية و ماكو احسن من عنايتهم و خياطهم الحمدلله الجرح زين ودكتور البنج زين واللي ولدتني دكتوره كويتيه و مصريه كانوا ثنتين مع بعض لان ولدت توأم بنات وكان دكتور بنج عند رجولي و دكتوره عند راسي هم اعتقد انها للبنج.

و لا تسمعسن كلام اللي يقولون لج رعب و صراخ لان اذكر في بجري كانت في وححده تصارخ و يزفونها حتى كانت تقول يا يمه بدال ما تدعي ربها و انا بجر وكنت ساكته بدون صراخ لان الصراخ ما يفيد بشي بس كنت اشد و اقول يا ربي ياربي
وبكل مستشفى في ولاده سهله او عسرة حسب اللي الله كاتبه لج لو باحسن مستشفى.

 

[زهرة الزهور]

والله ما عندي فكرة بس حبيت ارفع الموضوع الله يسهل عالجميع

 

[pizza]

إخت alhnan:eh_s(8):

ليش تقولين لاتصدقين اللي يقول رعب وصراخ ليش حبيبتي هالحجي

و لا تسمعسن كلام اللي يقولون لج رعب و صراخ

يعني آنا كذابه الله يهديج بس ترى والله الملافظ سعد:eh_s(13):.. إنتي بعد قلتي فيه وحده تصارخ

اذكر في بجري كانت في وححده تصارخ و يزفونها

يعني فيه صراخ الله يصلحج ..
آنا قلت عن تجربتي وفعلا كان قبل 5سنين رعب وصراخ لأن فيه حريم متعسره ولادتهم وماكان فيه بنج وكمام إلا بموافقة الطبيب ((وآنا قلت إلحين تمام الحين يعطونج بالصباح أبر وكمام بدون إذن الطبيب))والكل نايم لاصريخ ولا يحزنون .. هذا كلامي وآنا قلته عن تجربه وآنا صريحه وما أبالغ وما احب الناس اللي تقول عن كلامي (( لاتصدقين )) .. الله يهدينا وياج بس ..:O_SHH_:
المهم بنصحج نصيحه إخت لأختها
انتي قلتي يا اختي

وكانت سبحان الله ولاده سهله و اقولهم ابي كمام يقولون لي ما تحتاجين انتي مو متعسرة والكمام لازم يوافق عليه الدكتور

وبعد قلتي

انا بجر وكنت ساكته بدون صراخ لان الصراخ ما يفيد بشي

ذكرتيني بحجي إختي.. حبيبتي إنتي سهل الله عليج بولاده يسيره عشان جذيه لاصرختي ولا شي بدال ما تقولين وآنا ماصرخت لان الصراخ مايسوي شي قولي الله لايبلاني بولاده متعسره أصارخ فيها من كثر الألم أحب أقولج إختي العزيزه فيه ولادات متعسره ما تتحملين فيها الالم يكون الألم شي ما أحد يتصوره بالمره ووقتها ماكان فيه بنج بمستشفى الصباح يعني تنطرين الشهاده كأنج بتموتين بالولاده.. إسإلي مجرب إختي الحنان آنا مجربه ولاده سهله و ولاده عسره الله لايواريج العسره (إن شاءالله) تحسين الموت بين عيونج ألم مو طبيعي وآنا صبري ماله حدود وصل صبري للهاويه ذاك اليوم مو صرخت إلا راح صوتي من الصراخ والسستر تقول حرام عليكم جيبوا لها كمام فيه ولاده متعسره والدكتور كان مستأذن يتعشى ومحد عطاني كمام فقولي الله يبلانا ووقولي الحمدلله إن ولادتي كانت سهله إن شاءالله مايواريج المتعسره .. إختي عندها 5عيال كلهم ولادتهم سهله إستغربت مني لما قلتلها عن ألم الولاده وآنا بعد إستغربت إنها ما تتألم بالولاده وقالت آنا بولاداتي وااايد اصبر الولاده يبيلها صبر ماقالت بفضل الله وما صدقت كلامي عن الألم ... والله على ما أقول شهيد سادس ولاده لأختي اللي تطنزت علي طالعه لنا تبجي من الألم وآخر شي سوا لها عمليه واول ما طلعت لمتني وقالت والله صاجه المتعسره غير الحين صدقتج وقالت والله عبالي بموت .. فدير بالج مو كل الولادات وحده ولا تقولين ماصرختي الصراخ مايفيد شي قولي ماصرخت عشان ولادتي سهله .. آنا يحلات ولادتي الثانيه والثالثه سهلين وااايد والله يسهل الرابعه إنشاءالله

أما إختي كويتيه82 (((( زبدة الحجي الصباح كان رعب سابقا كان كابوس بالنسبه لي وماكان لاكمام ولا ابره إلا بواسطه ومبوافقة الطبيب ... بس لما جربته بولادتي الثالثه غير واااااايد احسن , الحين يمرون علينا ويسئلون تبين كمام ولا ابره مسكنه ولا إبرة ظهر بدون إذن طبيب )))) يعني الحين اقولج روحي وإنتي مغمضه ومثل ما قلتلج اهم شي الدعاء والقرآن :ada:..

:eh_s(1):وتقبلي تحياتي إخت الحنان ولا تزعلين مني واتوقع إنتي ما تحبين احد يكذب كلامج صح ؟ عاملي الناس وحاجيهم مثل ما تحبين الناس يعاملونج ويحاجونج .. :tek:

 

[داريني]

انا ولدت فيه قبل اربع سنوات
ولاني طولت بالولاده مرت علي اشكال
مره شفت يهبلون ومره زفت
بس انا توقعتهم العن من جذي
واخذت كمام وابره ظهر

 

[في بحرهم عذبوني]

انا يمكن يمكن اولد هناك و موكله امري لرب العالمين اهو الي بيحفظني
و قلت اذا صج تعبت باخذ ابره ظهر

 

[المبدعة]

ان شالله تقومين بالسلامة

شوفي اختي انت مجربة الخاص
والصباح اسمح لي شتان بينهم
وراح تحسين بالفرق عدل
محد يمدح الصباح الا اللي داشة بواسطة و بس
اما البقية المتبقية فمايمدحونها كلش
انا وحدة اشتري راحت بالي ولدة عندهم بولدي الثاني وبصراحة ندم ثم ندم
الخاص و ايد احسن

 

[ALMZa^_^JeYa]

المزاجية مشكورة حبيبتي على عرض تجربتج بس ماقلتي لي ليش قررولج قيصري وهل تعرفين احد ولد هناك طبيعي وحطوله ابرة ظهر

العفو يا قلبي

ولدت قيصريه لان الماي كان قليل وراس الجنين فوق وانا ولدت بالسابع طبعا انا كنت حاله خاصه يعني لا تخافين من سالفتي

حبيبتي انا وحده من اهلي ولدت قبلي باسبوع ولاده طبيعيه وعطوها ابرة ظهر وحدها ارتاحت

وماشاء الله ما دارت السنه الا حملت مره ثانيه ونفس الشي راحت الصباح ولدت طبيعي وعطوها ابرة ظهر

وتقول واااااايد ارتاحت

الله يقومج بالسلامه ياارب