اللي حملت بانبوب او مجهري...تكفه تدخل..والقلب داعي لها

[نسمة هواها]

اانا حسيت بتعرق شديد فترة الليل بس ونجحت الحمداللهغيره ماحسيت بشي
واول محاوله حسيت كل اعراض الحمل وفشلت

 

[brat]

آنا سويتها عند دكتور أسامة صالحة برويال حياة، بالنسبة لي شاطر وكلامه مباشر
الحمدلله طلع عندي ٩ بويضات ممتازة، رجع لي ٢ وحملت بواحد الحمدلله من أول إرجاع
توني داشه الشهر السادس من الحمل، ادعوا لي إن الله يتمم حملي بصحة وعافية

أما أول أسبوعين كنت أغلب الوقت منسدحة أو قاعده، حركتي قليلة، إذا احتجت شي زوجي أو الخدامة كانوا يساعدوني
ما صعدت الدري إلا مرة وحدة، كنت ما أطول بالسباحة وأسبح وانا قاعده، أكلي كان صحي وعلى نصايح بنات المنتدى كنت آكل خيار وتفاح وسفرجل وأشرب حليب مع نشا

وكنت آخذ وايد أدوية، منها حبوب دوفاستون المثبتة مع تحاميل سايكلوجيست وحبوب كورتيزون (ميدرول) كلهم مرتين باليوم، وبيبي أسبرين وإبر كليكسين للسيولة

أما الأعراض بس أذكر إن صدري كان وارم
ما كنت أفكر وايد بالموضوع، قعدت عند أهلي ثاني أسبوع، ما توقعت إني أحمل، فوايد تفاجأت

وخذيت مجلس طبي عشان لا أداوم، حتى سياقة أول ٤ أشهر ما سقت
والطلعة كانت يا بيت أهلي أو مع زوجي مطعم أو كافيه بحيث إن ما أضطر إن أتحرك وايد

بالنهاية موضوع الحمل بيد رب العالمين
ويا رب يرزق كل محرومة الذرية الصالحة السليمة