اللي حملوا عن طريق طفل الانابيب

[froha]

السلام عليكم بنات
بما أني حملت والحمدلله بفضل الله وطفل النابيب 6 محاولات وبعد 7 سنوات
ودي كل وحدة حملت بطفل الانابيب تقولنا وين سوت العملية و اي دكتور و اي مستشفى و كم محاولة ؟؟
وبشنو حسيتي لما حملتي يعني قبل التحليل نغزات ببطنج أو عوار ظهر.... الخ
ولما أشوف تفاعلكم أقول قصتي
علشان نفيد خواتنا اللي بسوون العملية
الله يرزق الجميع يارب العالمين

 

[@ دهن العود @]

اى والله ياريت اتفيدينا انتى والبنات اللى سووها لانى والله افكر اسويها باذن الله

 

[جروح تبتسم]

دخلت ادعيلكم ربي يرزقكم يارب
وتيبون توأم يارب يارب يارب

انا ان شالله اذا ربي احياني بسويها والشهر الجاي راح ابدي كورس التنشيط مع دكتور اسامه الصالح

لبناني بدار الشفا وهو رئيس وحده اطفال الانابيب .
والله يوفق الجميع

 

[أحلى عيون]

انا والحمدلله سويت اطفال الانابيب بالاردن عند دكتور زيد الكيلاني
وقبل اعرف اني حامل كان يجيني الم في الظهر فقط

وهذي اول محاوله ولله الحمد وانشالله في العطله راح اسافر مره ثانيه والله يرزقني يارب ويرزق الجميع

 

[froha]

وينكم الله يرزقكم الذرية الصالحة

 

[bnt q8 in usa]

عسي الله يرزقكم يارب هو الرزاق الكريم ويعوضكم صبركم خير يارب يارب يارب

 

[أذكري الله]

يالله يا فروحة نبي تعطينا تجاربج عن العملية و وين سويتيهم ما شا الله عندج خبرة و ودنا نستفيد .. آخر مرة اللي نجحت بعد 5 محاولات وين سويتيها ؟

 

[قمر ضاوي33]

اي والله يا ريت البنات الي سوو اطفال انابيب يفيدونا عن العملية وتكلفتها وعند منو من الدكاترة علشان كلنا نستفيد


الله يزقنا بالذرية الصالحة يا رب ويعوض صبرنا خير

 

[ألوي الكويت]

انا سويت تلقيح مرتين وماحملت
ودي اعرف تجاربكم باطفال الأنابيب لأني ودي اسوي العمليه

 

[OmZizo]

فروحه يالله؟ ناطرين علقتينا

 

[ألوي الكويت]

بانتظار القصه

 

[OmZizo]

ياللللللللللللللللللللللللللللللللللللللللللللللللللللللللللللله

 

[bnt_kwt]

انا بعد ابي اعرف

 

[froha]

السلام عليكم
آسفة أكيد كلكم دعيتوا علي بس شسوي لاهية مع سارونه وخواتي كانوا يدشون باسمي لا تظنون أني أدخل و أطنشكم:eh_s(1):
عالعموم توني منومه سارونه وقاعده مجابله المنتدى وسامحوني :eh_s(22):
شوفوا حبيباتي أنا متزوجه من 8 سنوات
أول 3 سنوات كنت أسوي مانع لأني كنت بالجامعة طبعا حملت بالغلط خلال هالفترة بعد سنه تقريبا من الزواج وما كنت أدري إني حامل وكنت مسافرة ولما رجعت صارلي نزيف وطاح الياهل
وبعد هالثلاث سنوات تخرجت من الجامعة وفكرنا أنا وريلي أن نييب بيبي وبعد مرور سنة من ترك المانع رحنا سوينا تحاليل طلع فيني تكيس من النوع اللي ما ينشال بالعملية يعني لازم أعيش عالادوية ومر 3 شهور من العلاج وما صار حمل قلنا حق الدكتورة<<<ماجدة اليتامى
نبي حل سريع غير الادوية قالت مالكم غير التلقيح الصناعي وسوينا العملية الاولى و فشلت
وبعد 4 شهور كررتها عند نفس الدكتورة وفشلت و ثالث مرة والرابعة وفشلت رحت الأردن عند زيد الكيلاني وهم فشلت وسادس مره الحمدلله سويتها بالكويت عند نفس الدكتورة وانجحت وحملت وولدت ويبت سارونة
سامحوني على تأخيري وأقدم شكري الى كل من شاركني موضوعي وبالخصوص omzizo
وادعولي ان الله يخليلي سارونه وأبوها

 

[عيون فرح]

السلام عليكم........

أنا بديت أخذ ابر لطفل الأنابيب ,العميه ان شاء الله الأيبوع الجاي
بسأل خواتي اللي سبقوني بهالموضوع......المبايض بتنفجر من الألم , والله بموووووووت هل هذا شي طبيعي

وسؤال ثاني لو سمحتوا: كم ابرة تبيوض المفروض تاخذون؟


والله يرزقني ويرزقكم ولا يحرم أحد يارب.

 

[لازوردي]

الله يرزقكم و يرزق كل محرومه انشالله بالذرية الصالحه آمين يارب​

 

[دندرمه]

اللهم ارزقنا وكل محروم بالذريه الصالحه يارب

 

[انا كويتية]

انا سويتها عند المطاوعة وكانو بويضتين وتلقحوا وانقسموا وسويت ترجيع بس ما ثبتوا لأني ما ارتحت.... والله يرزقنا جميعا

 

[OmZizo]

هلا ولله فروحة ...الله يخلي لك سارونه و ابوها و يرزقها اخت و اخو.

انتي سويتي تلقيح صناعي عند ماجدة ويلا طفل انبوب ؟

 

[froha]

هلا والله مشكورين
omzizo العملية اللي سويتها عند ماجدة اليتامى هي طفل أنابيب
ومشكورة على هالدعاوي الحلوة