اللي خبرة بزلمسي تتفضل

[Miznah]

السلام عليكم ... بنات ودي اروح زلمسي بس مااعرف افضل شهر لها وجم يوم كافي عليها وافضل فندق و كل شي يخصها:eh_s(1):
لا تخلوون بنات

 

[Miznah]

شدعوه بنات وينكم

 

[قطرية 83]

انا ما احبها بالصيف واجواء ما الخليجيين متكاثرين هناك انا احبها
من شهر نوفمبر الى فبراير
روعه

الفنادق هم ثلاثه الزينه
سي هوتيل
فيلا هوتيل او سي فيلا هوتيل اعتقد
واخر شي جراند
مواقعهم ممتازه عالبحيره

 

[bnt eldera]

حبوبه انا رحتلها شهر 10 وناسه كان الجو وايد حلو كان بريد لا برد حيل ولا حر وكانو الخليجين رادين بس كانو المعاريس هناك فالاجواء هاديه مافي صيحه الخليجين
ما انصحج تروحين بالشتا لان بيكون برد حيل ما بتستانسون و وايد اماكن تتصكر بالشتا لان مطر وثلج
وان شالله اكون فدتج ونصيحتي لج روحي لا تطوفين زلمسي حدها ما تتطوف

 

[Miznah]

مشكورين بنات وايد انزين جم يوم يبيلها ؟ والاماكن المهمة فيها ؟ وفيها تسوق ولا بس طبيعه ؟ ابي كل شي عنها بصورة عامة

قطرية من تجربتج ايهوا الافضل والارقى والانظف ومكانه يمه كل شي واهم شي الفيووووو يطل على الطبيعه ؟

 

[احلى من الحلى]

انا انصحج اجربين كابرون اهى يم زلمسى انا كنت ساكنه بكابرون ورح زلمسى من الصبح لين الليل بس صج وناسه امبيه كابرون اتهبل هاديه وحدها رومتنسيه خصوصا باليل اليتات خفيفه والجو فظيع

وزلمسى لويه وايد بس اتهبل امبيه النمسا كلها فظيييييييييييييييييييييييييييييعه

انا رحت شهر 8 بس صج صج ماراح انسه هالسفره عجييه الديره لاطوفينها

 

[Katkota_46]

يبيلها 5 ايام تقريبا

واذا حابه تقعدين بزلمسي انصحج بفندق غراند هوتيل يطل على البحيره وهذي صورته

 

[sweet lady]

اشحلاااااااااااات زلمسي ذكرتيني باحلااا الايام قضيتها فيهااا
انصحج بفندق جراند عجييييييييب ومباشر على البحيره كافي الصوره تعبر وبالنسبه السوق زلمسي مااافيها كلش بس كذا محل ومايسوا احلا الشي الطبيعه

 

[sereen]

والله عمرى شوفى دخلى على الويب سايت الخاص لهم واليلو بيج بتلقين كلشى عنها , وعلى العموم بردى قلبى ترى مستوى الفنادق والخدمات وحتى الطبيعه روعه فى كل مكان بالنمسا , مومثل امريكا حسرة عليهم , ذكر اول ماوصلنا وحنا بالمطار حجزنا الشقه من اليلو بيجز مايحتاج احد ولا شى

 

[لوازم العائلة]

لا تروحين لهل الابالصيف لانه من نص 9لحد خمسه تكون البحيره متجمده انا رحتلها 8وايد عجيبه ورحلاتها حلوه لاتقعدين اقل من اسبوع ولي تقولج كله خليجين وعرب ترى ماراح يسوونلج شي كل واحد بحاله واي استفسار راسليني عالخاص

 

[ام _خلودي]

انا كنت بزيلامسي شهر 5

الجوو حلوو والديره اتيين

 

[Miznah]

مشكورين بنات بس شكثر تقريبا تكلف رحلتها لمدة اسبوع؟

 

[لموية العسولة]

ياحلات زلمسي ...جنة الله على الارض تهبل ...احنا نروحلها بالصيف وباردة ومطر وثلج بالجبل ماشاءالله ...والحين اتوقع صقيع عندهم ...
وانصحج بجراند هوتيل بس اكدي عليهم بالمبنى الجديد
واهي تعتبر منطقة غالية لانها مثل قرية صغيرة ...بس ونيسة ترد الروح ...

موفقة

 

[أمواج البحر]

زيلمسي ما يبيلها اغلب تكلفتها على الرحلات

يعني يعتمد عليكم بالصرف اذا كنتوا تحبون الصرف او لأ

المطاعم شوييييي غويله مو وايد

بالنسبة لعدد الايام من 5 الى اسبوع اذا اكثر بتملين لان رحلاتها كلها تخلصينها ب 5 ايام

احنا سكنا بمنطقه يم البحيره تقريبا بينهم بالسياره 5 دقايق و مشي ربع ساعه

وااايد اهدا من السنتر نفسه

عقب ما تخلصون من زلمسي انصحج روحي فينا واااايد حلوه و الشوبينغ خيال

لان حرام تسافرين بس على زلمسي ضبطيلج سفره بين مناطق النمسا

وتقارير البنات بالقسم وايد ترى وانا كنت حاطه تقرير شوفيه وان شاء الله تستفيدين منه

 

[حضاره]

زلمسي 00تكاد تكون من اجمل بقاع الارض00

ماكان فيها سوق00بس محلات متفرقه 00للاطغال00 ومفارش اشغال يدويه حلوه وكد ومد00

بس ممكن تروحين ل(شوبنج سيتي )في فيينا على ماأذكر منتهى الروعه!

 

[3e6er alwrd]

زل ام سي وااااااااااااااااااااي قلبي عجيييييييييييييييبه اشويه عليها روحيلها وانتي مغمضه انا الصيف الي طاف رحت لها والله وناسه وجو على قولة وحده من البنات تصلح حق عايله وحق كبل وحتى لو بروحج بتستانسين انا قعدت فيها 10 ايام وما ملقيت كل يوم فراره من الصبح لي المغرب وعقب نريح اشوي وبليل على البحيره ورحت لها شهر 8 صج كان في خليجين بس والله ما حسيت انه لويه بالعكس كان فيها حياة وتمشي وسهر وكل يوم رحله وتقدرين تروحين وايد اماكن ومناطق منها وترجعين نفس اليوم روحي لها 10 ايام و5 ايام فيينا ويبيلج تقريبا من 2500 لي 3000 ميزانيه اذا كنتوا شخصين ورحي لها اخر خمسه او اول 6

 

[ام مهاوش]

حبيبتي احلى وقت حق السفر بالصيف عشان تحسين انج مسافره انا صج اني ماراحت لها بس انشاءالله مخططه على الصيف الياي وبعدين حتى اذا فيها خليجيين شنو راح يصير يعني ااحنا خليجيين المهم انا سمعت وايد عن فندق قراند هوتيل موقعه عجيب وبعد وايد مدحولي شقق فندقيه اسمها نيو بوست اسعارها زينه ورا فندق قراند ويم محطة القطار وتحتج جمعيتين واحد كله اكل حلال حق تركي والثاني عادي وخمس دقايق مشي حق البحيره وتلقين موقع الفندق في
booking.com

 

[LADY~O$CAR]

ياحلووووو زلمسي انا رايحتهاا شهر سبعه وثمانيه تهبل تجننن
انا رايحتلها من 4 سنين تينن

 

[قلب عشتار]

الف وشويه تكلفك حبوبه واقرى مواضيع البنات عنها وتقاريرهم
موفقه

 

[Miznah]

مشكوووورين بنات صج صج شجعتوني اروح لها ماقصرتوا

ابي افضل الفنادق والمطاعم اللي تنصحون فيها اهم شي موقع الهوتيل ممتاز وغرفه نظيييييفة والفيوووو خيالي

اي افضل شهر تكون مو زحمة والجو خيال