اللي خبرة بزلمسي تتفضل

[بنت شرق]

واااااااااااى تهبل تهبل زلمسى فظيعه احنا رحنا شهر 7 تهبل مطر والجو عجيب ةقعدنا بفندق جراند هوتيل على البحيره ما راح تنسين سفرتج لها واهى بس طبيعه وفيها قهاوى ومطاعم والتسوق احنا رحنا بالباص للسنتر

 

[$$ صعبة الوصوف $$]

انا رحت لها بعز الصيف والجو بـــآآآآآآرد يجنن بالليل بالمطعم مبطلين الدفاااايه

اهيه مو مدينه تعتبر قريه ماراح تطولين فيها 3 ايام كافي وروحي رحلات حق الشلالات والبحيرات السبع والجبل

واذا تبين سوق روحي سازبرغ تبعد عن زلمسي يمكن شي 3 او 4 ساعات بالـ ترين رآح تمرين على طبيعه روووووووعه

سبحان الله جنه اللي جدامج صورهـ

 

[Tender Heart]

هلا حبيبتي بصراحه احييج على اختيارج لمسي اتينن شوي عليها وانا اختلف مع الاخوات اللي قالو لا تسكنين فيها بالعكس سكني فيها لانها بالسنتر ويمج جمعيه bella ومطاعم وايد مثل المطعم التركي اللي عند محطه الباص وعندج هارديز وماكدونالدز انا سكنت بفندق gasthof بس بصراحه ماكان حلو بس ماشاء الله اختي سكنت فندق ووليد تمدح فيه اسالج ياها ... فندق جراند يعتبر الافضل بزلامسي بس سعره غالي يعني الليله احتمال بالصيف توصل 100 دينار عشان جذي احنا غيرنا راينا عنه لان كنا بنروح المانيا وميزانيتنا ماتسمح بس قعدات فندق جراند عجيبه عى البحر والجو بارد والكابتشينو مالهم عجيب المهم ..... تقدرين تروحين من زلامسي وايد رحلات مثل : جبال كابرون ( منطقه ثلجيه ) - الزحلاقيه الصيفيه وهذه وايد ممتعه للاطفال sommer rodlen - البحيرات السبع - رحله فلوج بلاتز ( عباره عن رحله فيها اربعه اشخاص يركبون طياره خاصه ومع طيار يطير فيج باجواء زلامسي - شلالات الكريمل ومناظرها وايد حلوه - قريه الملح اهي مثل مناجم يسوون فيها ملح واهي علميه اكثر منها سياحيه - عندج بعد مصنه او متحف الشوارفسكي في انسبرغ اذا ماني غلطانه ........ بالنسبه للسوق شوفي زلامسي عباره عن قريه ومافيها مجمعات تجاريه اللهم عندج بالقريه اشياء تذكاريه souvenirs وهمن عندج محل united colors of beneton هذا اللي اتذكره وهمن بطريقج لي فلوج بلاتز تلقين محل اسمه vogele عنده جم شغله حلوه ملابسه مثل سنتر بوينت حليو ولاتنسين تاخذين جوله بسالزبورغ وتروحين حق اخنسي وعلى فكره لازم تطبين المانيا قبل لاتروحين زلامسي لان مافيها مطار وتستغرق من ميونيخ الى زلمسي 3 ساعات ونص اذا مشيتي عدل وماضعتي رحلـــــــــــــــــــــــــــه موفقه حبيبتي

 

[ضيا نجد]

مرااااااااااااااااااحب

ياعيييييييييينيييييي على زيلامسييييي ذكرتينا باللي مضى ايام الدلع والوناسة والأناسة

انا سافرت كثير بس نفس زيلامسي لاعين رأت ولا اذن سمعت تدوووووخ والله وحلاااااال الفلوس الللي قاطينها عليها

سفرتي كانت بشهر 7 - 2009 انا وزوجي بس وهذا احسن توقيت لان هناك كان الجو شوي برد بالليل ...
انصحج فيها حيييل عفية لاتطوفينها وعلى الميزانية تكفي 2000 جان انتي وزوجج وبس زيلامس تكفي والله
بس لازم تمرووون ميونخ او فيينا علشان المطار لو تقعدين فيها ليلتين كاافية لاتزيدين

وعلى زيلامسي قعدوا اسبوع لان في اماكن واجد حلوة مثل شلالات كريمل والزحليقية الصيفية وقمة الثلج كابرون وغيره من الاماكن راح يعطونج الفندق الاماكن السياحية
وافضل الفنادق اذا ماتقدرون على الغالي عندج ريتز مان حلو ونيو بوست وغيرها وعلى فكرة ترى كلها عند بعض يعني من اي فندق للبحيرة ماتجي 5 دقايق مشي ..
واكلهم لاتحاتين فية مطعم يوناني حلو مقابل المطعم التركي حلو وسعرة معقوول وفية مطعم هندي عيوش وهالسوالف

وكل الشكر لأخواني في منتدى العرب المسافرون اللي ماخلوا زاوية بالنمسا ماذكروها
والصراحة لما اقرا مواضيعهم كأني اشوف النمسا جدامي .. الصراحة جهد يستحق الشكر
واتمنى لكم سفرة ممتعة​

​

 

[دولفيين]

سبحان الله.سبحان االله.لااله الا الله
رحت لزلمسى شهر 8 سنة 2008 واول ما دخلت لها بسيارتنا جايين من ميونخ بالمانيا اخترنا اعلى نقطه بزلمسى بالجارمن واول ماوصلنا لاعلى نقطه حسيت بشعور ماعمرى حسيت فيه حسيت برعشه وعظمة الله وقعدت اردد واهلل واقول هذى جنه شلون عجل جنة الله بصراحه روعه روعه والحمدلله الله وفقنا بفندق حيل حلو وانصح اللى معاهم اطفال يسكنونه وهم مغمضين وسعره رخيص غرفه كبيره بسريرين مزدوجين ب48 دينار مطله على الجبل والحمام السباحه فيه ملعب للاطفال وحديقة حيوان وحمام سباحه يطل على الجبل مع ان الجو حيل بارد واحنا لابسين سويترات الاجانب السياح وعيالهم يتسبحون وطبعا فوق الجو العجيب مناظر بيوتهم حلوه مزينه بالورود وين مارحتى وامان وطمان واهم شى فيها قمة هورن والزحلاقيه الصيفيه اللى اهى عباره عن زحلاقيه على جبل عشان تركبين لها تصعدين اعلى الجبل بتلفريك مفتوح يمه يخرع بس تجربه حلو .

 

[دولفيين]

نسيت اقول اسم الفندق اسمه( ستاد ويت) stade weit تخلين باب ماكدونالدز بضهرج جدامج يصير شارع مرتفع شنج بتصعدين جبل اخذيه سيده بتصير التلفريك على يسارك كملى سيدا على طول بيصير قعداته على يسارج مدخله يونس معلقه بالهوا فراشات وملائكه وعلى الارفف شموع وتماثيل الاقزام السبعه ماادرى شقصة الاقزام السبعه بكل مكان تلاقينها حتى بالشارع والاحلى ا لرسبشن يستقبلونج بكل ترحيب وابتسامه ولابسين ملابسهم التراثيه لا يفوتج تشترين منهم حقج او لبنتج يهبلون واذا رحتى كابرون بتشوفون ناس عادييم ملتزمين بملابسهم التراثيه

 

[Tender Heart]

هلا حبيبتي خوش اختيار يبيلها 7 ايام مو اقل لان رحلاتها حلوه والجو ولا اروع ...ز الفنادق افضل شي سي فيلا وجراند ونيو بوست .... الرحلات وايد مثل الزحلاقيه \ البحيرات \ قريه الملح \ مرتفعات كابرون \ مصنه الشورافسكي \ شلالات كريمل \ فلوج بلاتز والميزاينيه اذا تبينها مع ميونخ يعني اخر شي ميونخ تشري يبيلج 2500 تقريبا

 

[Om_Ksha]

مااااااااااااقصرتو بنااااااااااات عالمعلومااااااااات الحلوه ..
بس بناااااااات برد من ردودكم تقولون عندهم مفارش .. تعرفون اسامي محلات كفرات للفراش وجذي؟